¹ Nandeha mandra-pitobin'ereo tao amin'ereo lemak'i Moaba marin'i Jeriko, tegny andafinigny reniranon'i Jordana moala eo amy tana gny vahoakan'Israely. ² Nahita ze nataon'Israely tamin'ereo Amorita i Balaka zanak'i Zipora. ³ Natahosy fatrasy gny vahoakan'Israely i Moaba satria maro loasy izy reo, ka nihorohoro taminigny vahoakan'Israely i Moaba. ⁴ Nizaka tamin'ereo loholony Midiana gny mpazakany Moaba ho:''Hihina anazy aby ze magnodidy asika tahaky gny agn'omby mihinam-bilona egny an-tanimboly reo maro reo. ''Dra i Balaka zanak'i Zipora gny mazakan'i Moaba taminizay fotoa zay.'' ⁵ Nandefa iraky agny amin'i Balama zanak'i Boeora, tao Petora ze mariny Reniranon'i Epfrata, tao amy taniny fireneny vo vahoakany izy. Nitoka anazy izy ka nanao ho:''Indro, misy firenena laha tagny Egypta avy eto. Mandrakosy gny tany izy reo dra eto mariny anahy zao. ⁶ Ka miavia ra amizao ka ozany ho anahy ze firenena zay, satria mahery loasy aminahy izy reo. Vasa b afaky hanafiky anazy reo vo handroaky anazy reo amy tany zaho. Fatako fa naiza na iza tahianao dra ho voatahy, dra na iza na iza hozoninao, dra ho voaozo.'' ⁷ Dra lasa reo loholon'i Moaba vo reo loholon'i Midiana, ninday gny sarany gny sikily.Laha teo amin'i Balama izy reo ka nizaka taminazy reo zakan'i Balaka. ⁸ Ho Balama tamin'ereo :''Mitoboa eto amizao hariva. Hizaka amindrareo ze zakan'i Yaveh aminahy zaho.''Dra nitoboky tao amin'i Balama tamy hariva zao reo mpitarik'i Moaba. ⁹ Laha teo amin'i Balama Zagnahary ka nanao ho:''Iza reo lelahy ze avy eto aminao reo?'' ¹⁰ Namaly an'Agnahary i Balama ho:''Balaka zanak'i Zipora, mazakan'i Moaba, gny nagniraky anazy reo hagnatiho aminahy. Ho izy: ¹¹ 'Indro, gny vahoaky ze avy laha tagny Egypta dra mandrakosy gny velarany gny taniko. Amizao miavia dra ozony izy reo ho anahy. Vasa hahavita hialy amin'ereo vo handroaky anazy reo zaho.'' ¹² Namaly an'i Balama Zagnahary ho:''Sy handeha miaraky amin'ereo lelahy reo ianao. Sy hagnozo gny vahoakin'Israely ianao satria fa voatahy izy reo.'' ¹³ Nisanga i Balama gny maraindray ka nizaka tamin'ereo mpitarik'i Balaka ho:''Miharegna agny amy tanindrareo satria manda gny hamela anahy hiaraky amindrareo Yaveh,'' ¹⁴ Dra lasa reo mpitarik'i Moaba ka nihery tagny amin'i Balaka. Ho Izy reo :''Nanda sy hiaraky aminay i Balama.'' ¹⁵ Nagniraky mpitariky maro be voninahisy koa noho gny vondro voalolany draiky i Balaka. ¹⁶ Laha tagny amin'i Balama izy reo ka nanao taminazy ho:''Zao gny zakan'i Balaka zanak'i Zipora:''Ao ra sy hisy na ino na ino hanaka anao sy hiaraky aminay, ¹⁷ satria handoa soa lavisy vo hagnome voninahisy lahibe ho anao zaho, dra hanao anizay aby ze zakanao ataoko. Koa ka miavia ra ka ozony ho anahy anizay vahoaly zay.''' ¹⁸ Namaly Balama ka nanao tamin'ereo lelahin'i Balako ho:''Na dra hagnome anahy gny lapany feno volafosy vo volamena aza i Balaka , dra sy hihoasy gny zakan'i Yaveh, Zagnahariko, ka andasaky na ampitombo ze zakany aminahy zaho. ¹⁹ Koa amizao , ba mandignisa eto avo koa ra amizao hariva zao, ba ahafatarako gny raha maromaro ze zakan'i Yaveh aminahy.'' ²⁰ Avy tamin'i Balama gny hariva Zagnahary ka nanao taminazy ho:''Satria avy ba hitoka anao reo lelahy reo, dra misangana ka miaraha amin'ereo. Nefa ze zakako anao ho ataonao avo gny atovy.'' ²¹ Nifoha maraindray i Balama, nagnisy lasely gny borikiny,ka nandeha niaraky tamin'ereo mpitarik'i Moaba. ²² Nefa nandeha iozy, dra nirehisy gny mazeky gny hahorian'Agnahary. Nipetraky teo an-dala tahaky gny mpifahavalo amin'i Balama, ze nitikirany gny borikiny gny azelin'i Yaveh. Niaraky taminazy avo koa gny mpanompon'i Balama ro. ²³ Nahita gny azelin'i Yaveh nisanga teo an-dala gny boriky dra nisy sabasy voasoaky tegny an-tagnany. Niala tamy lala gny boriky ka nagnagny an-tanimboly. Nikapoky gny boriky ba hamery anazy amy lalany i Balama. ²⁴ Dra nisanga teo amy farisy tery taminigny lala agnelagnelany gny tanimboaloboky maro gny azely, dra nisy fefy teo andany dra fefy raiky hafa teo agnilany. ²⁵ Nahita gny azelin'i Yaveh draiky gny boriky.Nivoadosy gny rindry izy ka nanery gny tambon'i Balama taminizay nizeran'i Balama draiky izy. ²⁶ Nandroso avo gny azelin'i Yaveh nisangana teo amy toera tery hafa ze sy misy lala ihovigna gny andany sy gny agnilany. ²⁷ Nahita gny azelin'i Yaveh gny boriky, ka nilavo yamy tany tao ambanin'i Balama. Nirehisy gny fahorian'i Balama. Nirehisy gny ffahorian'i Balama, ka nizerany tamy angira gny boriky. ²⁸ Dra nanokasy gny vavanigny boriky i Yaveh ba hizaka izy. Ho izy tamin'i Balama:''Ino gny ataoko anao ka nahavy anao hazera anahy ze intelo zay?'' ²⁹ Namaly gny boriky i Balama ho:''Satria niamolamola taminahy ianao. Tokony ba nisy sabasy tetiho an-tagnako. Fa raha nisy, dra fa matiko ianao amizao.'' ³⁰ Ho gny boriky tamin'i Balama:''Moa seky sy zaho gny borikinao ze nitikiranao nadrisy gny fiaignanao aby mandraky amizao nanao raha tahaky zao taminao zaho taloha?''Ho Balama ho:''Aha'' ³¹ Dra nisokafin'i Yaveh gny mason'i Balama, a nahita gny azelin'i Yaveh nijoro teo amy lalana dra misy sabasy voasoaky tegny an-tanimboly izy. Nagnondriky gny lohany ka niankohoky i Balama. ³² Ho Gny zaelin'i Yaveh ttaminazy:''Nanao akory gny nizerany gny borikinao ze intelo zay?Indro, avy tahaky gny mpifahavalo aminao zaho satria rasy gny raha nataonao teo anoloako. ³³ Nahita anahy gny boriky ka naila anahy intelo zay. Raha sy niala anahy izy, dra fa nivonoko tokoa ianao fa hamelo anazy zaho.'' ³⁴ Ho Balama taminigny azelin'i Yaveh:''Nanota zaho. Sy fatako fa nisanga teo anoloako teo an-dalana ianao. Koa amizao, raha sy mahafaly anao zay, dra hihery zaho. '' ³⁵ Nefa ho gny azelin'i Yaveh tamin'i Balama:''Mandroso miaraky amin'ereo lelahy. Nefa reo tegny ze zakako anao zvo gny hozakanao.''Dra niaraky tamin'ereo mpitarik'i Balaka i Balama. ³⁶ Raha ren'i Balaka fa tamy i Balama, dra niboaky hiseza anazy tao an-tanan'i Moaba tao Arnona izy, ze tao amy faritany. ³⁷ Ho Balaka tamin'i Balama:''Moa seky sy nagniraky lelahy ba hitoka anao zaho? Nanao akory ianao gny sy avy teto aminahy? Moa seky sy afaky magnome voninahisy anao zaho?'' ³⁸ Dra namaly an'i Balaka i Balama ho:''Indro, fa avy eto aminao zaho. Moa seky mana fahefana hizaka raha zaho amizao?Reo tegny ze apetrak'i Yaveh ao am-bavako avo gny azoko zaka.'' ³⁹ Niaraky tamin'i Balaka i Balama., dra avy tao Kiriata-hozota izy reo. ⁴⁰ Dra nanao soro agn'omby vo agn'ondry i Balaka ka nagnome hena ho an'i Balama vo reo mpitariky ze niaraky taminazy. ⁴¹ Gny maraindray , dra ninday an'i Balama niakasy tagny amy toera avon'i Bala i Balaka. Gny ampahan'ereo Israelita tao an-tabin'ereo avo gny hitan'i Balama avy tegny.