¹ Laha teoi Jesosy nitarihiny gny Fagnahy ho agny agn'efisy ba halany devoly fanahy. ² Fa gny niavy nifaly hany efapolo andro vo efapolo hariva izy, dra resy . ³ nagnato gny pangalaky fagnahy dra nizaka taminazy ho: ''Raha Zanak'Agnahary Ianao , dra zakao hazary mofo tahoky vato tahoky.'' ⁴ Fa Jesosy namaly dra nanao taminazy ho: ''Voasorasy ho:'Sy gny mofo avo gny hiveloma gny olo fa ze zaka aloaky gny vavan' Agnahary.'' ⁵ Laha teo gny devoly ninday anazy tagny amy tana masy dra nametraky anazy teo amy faratapo gny tepoly, ⁶ dra nizaka taminazy ho:''Raha Zanak'Agnahary anao, dra milasaha agny ambany agny, fa voasorasy ho:' Izy handidy reo azeliny hiaro anao' vo 'hanandrasy anao eo amy tagnan'ereo, dra sy ho tafotohy amy vato gny tombonao.''' ⁷ Jesosy nizaka taminazy ho:''Dra bo voasorasy draiky ho: 'Sy tokony hisapa gny Topo Zagnaharinao ianao.''' ⁸ Nandesiny gny devoly hagnagny amy toera abo draiky Izy dra napiseho anazy gny fazaka iaby amin'izao totolo izao vo gny hasoan'ireo. ⁹ Ho izy taminazy ho:''Io iaby io dra homeko anao, raha magneky handohaliky eto agnatrehako vo midera anahy anao.'' ¹⁰ Laha teo Jesosy nizaka taminazy ho:''Miala eto anao , ry Satana! Fa voasorasy ho:' Ianao dra hidera gny Topo Zagnaharinao, dra izy raiky avo gny ho toponao.''' Laha teo nagnenga anazy gny devoly, dra indreo, nisy azely avy dra nanopo anazy. ¹² Dra nogny ren'i Jesosy fa voasambosy Jaona, dra nihery nagnagny Galilia izy. ¹³ Nagnenga an'i Nazareta izy dra nandeha nipetraky tao Kapernaomy, zay eo andafin-dranomasin'i Galilia, ao amy zara-tanin'i Zebolona vo Naftaly. ¹⁴ Zay gny niseho ba hahatateraky ze nizakan'Isaia paminany ho: ¹⁵ '' Gny tanin'i Zebolona vo gny tanin'i Naftaly , nangnagny amy ranomasy, agny andafin'i Jordana, Galilia an'ereo zetilisa! ¹⁶ Reo olo nipetraky tamy mezy dra nahita fahazava lahibe, dra reo ze nipetraky tamy farisy vo gny aloky gny fahafatesa, dra teo amin'ereo gny niposaha gny fahazava.'' ¹⁷ Dra tamin'izay fotoa zay Jesosy dra nanomboky nitory teny vo nizaka ho:''Mibebaha, fa mariny gny fazaka gny lagnisy.'' ¹⁸ Raha nandeha tegny amorony gny Ranomasin'i Galilia Izy, dra nahita pirahalahy ro, Simona zay nitokavy ho Petera, dra Andrea rahalahiny, nanoraky gny haratony tegny amy ranomasy, fa mpagnarato izy reo. ¹⁹ Hoy Jesosy tamin'ereo ho:''Andeha, hagnaraky anahy, fa hataoko mpagnarato olo andrareo.'' ²⁰ Teo no eo avo dra niriosy reo harato ere dra nagnaraky anazy. ²¹ Dra raha bo nandroso JEsosy dra nahita mpirahalahy ro hafa, Jakoba zanak'i Zebedio, vo i Jaona rahalahiny. Nagnamboasy gny haratony tao asambo ereo niaraky tamin'i Zebedio ran'i ereo. Nitoka anazy reo Izy, ²² dra teo no eo avo dra nagnenga gny sambokeliny vo gny rany ereo dra nagnaraky anazy. ²³ Nandeha eran'i Galilia Jesosy, nampianasy tao amy Synagogan'ireo, nitory gny filazasara gny fazaka, dra nagnasitra reo karazan'arety aby bamigny rofy iaby teo amy olo. ²⁴ Niely eran'i Syria gny vaovao mahakasiky anazy, dra nandesiny olo teo aminazy reo ze marary iaby, marary gny karazan'arety vo fangirifiria, reo demonia, vo ze mariry androbe vo marary paralysisa. Nisitranin'i Jesosy iaby zao. ²⁵ Vahoaky maro laha tagny Galilia, Dekapolisy, Jerosalema, Jodia dra gny laha tagny an-dafin'i Jordana gny nagnarakay anazy.