¹ Gny fazaka gny lagnisy dra tahaky viriziny folo ze nangalaky gne zirony dra nandeha nihao tamin'gny mpampakatsy. ² Dra mola gny dimy tamin'ireo fa ngny dimy koa hendry. ³ Dra fa nanday gny zirony reo viriziny mola,dra sy nanday melanaky taminazy agny. ⁴ Fa reo viriziny hendry koa nanday fagnaza soliky niaraky tamin'ny zirony. ⁵ Raha ohasy tara gny mpagnakasy , dra rendremana aby izy dra nandry. ⁶ Fa tamin'ny matognaly dra nisy nitoka fatrasy ho : Itiky,gny mpampakasy! miboaha ba hifakahita aminazy ⁷ Laha teo nihariny reo veriziny dra nikarakara gny zirony. ⁸ Ho gny mola tamin'ereo hendry ho:''Ba omeo ampahany amy solikindrareo zahay fa ho maty gny zironay. ⁹ Fa namaly reo hendry dra nizaka ho:''So noho sy apy ho anay vo ho andrareo,fa manehana koa agny amin'ereo pivarosy dra mivilia ho andrareo.'' ¹⁰ Raha nandeha nivily ereo,dra avy gny mpagnakasy,dra ze fa vonona dra niara-nandeha taminazy ho ao amy fanasam-panambalia,dra nihily gny fefy. ¹¹ Gny fa afaky zay dra avy avo koa reo veriziny gn'ilany dra nizaka ho:'Topoko,Topoko,ba hahao zahay'. ¹² Fa namaly izy dra nizaka ho:'Zakako mary amindrareo,sy mahafatasy andrareo zaho'. ¹³ Dra noho zay miambena,fa sy fatandrareo gny andro na lera. ¹⁴ Fa izay dra tahaky gny lelahy raiky ze handeha ho agny amy firenena hafa.Nitoka gny panopony izy dra nampitana anazy reo gny hanagna. ¹⁵ Gny raiky tamin'ereo nomeny taleta dimy,gny raiky nomeny ro hafa,dra gny raiky hafa koa nomeny taleta raiky.Gny kirairaiky dra samy nandray taleta araky se fahezany aby,dra nandeha tamy liany zay lelahy zay. ¹⁶ Gny raiky ze nahavoaray taleta dimy dra niala teo noho eo dra napiasa anazy reo dra nahazo taleta dimy hafa. ¹⁷ Manahaky anizay koa gny raiky ze naharay taleta ro nahazo ro faha. ¹⁸ Fa gny mpanompo raiky ze nahavoaray taleta raiky koa,nandeha dra nialy lavaky taminigny tany,dra nandevy gny volany topony. ¹⁹ Dra tafarany fotoa ela dra nihery gny topon'ereo mpanompo reo dra nandami-draharaha tamin'ereo. ²⁰ Nilisy gny mpanompo ze nahavoaray taleta dimy gny sady ninday taleta dimy hafa.Ho izy ho:''Topoko,nomenao taleta dimy zaho.Indro,nagnatombo taleta dimy hafa zaho.'' ²¹ Hoy gny topony taminazy ho:''Soa zay,ry mpanompo soa sady mahatoky! Nahatoky taminigny raha masaiky anao.Zaho hampihandraikisy anao amy raha maro. Milira amy gny fifalian'gny toponao.'' ²² Gny mpanompo ze nahavoaray taleta ro dra nagnato vo nizaka ho:''Topoko,nomenao taleta ro zaho,indro,nampitombo taleta ro hafa zaho''. ²³ Nizaka anazy gny topony ho:'Soa zay,ry mpanompo soa sady mahatoky!Nahatoky tamin'gny raha masaiky anao.Zaho hampihandraikisy anao amin'gny raha maro.Milira amin'gny fifaliany toponao.' ²⁴ Laha teo gny mpanompo ze nahavoaray taleta raiky napitombo gny sady nizaka ho:''Topoko,fatako fa lelahy azo ataoky hianao. Miziza egny amin'izay sy namafazanao anao,gny sady mavory vokasy egny amin'izay sy nambolenao. ²⁵ Natahosy zaho,dra nandeha dra nagnavony gny taletandrareo tao agnatin'gny tany.Hatio,indro ze anao.'' ²⁶ Dra namaly anazy gny topony dra nanao taminazy ho:'Ianao ry mpanompo rasy sady malaiky,fatasinao fa zaho dra minapaky egny amin'izay sy namafazako vo mamory-vokasy egny amin'izay sy namboleko. ²⁷ Noho zay dra tokony nomenao gny pagnaza-vola gny volako,dra gny fa nihery zaho dra nandray gny anahy miaraky amin'gny tombony. ²⁸ Noho zay alao agny aminazy gny taleta dra omeo ho agny mpanompo ze mana taleta folo zay. ²⁹ Fa ze mana dra home maromaro mihoasy lavisy. Fa ho an'ereo ze sy mana dre ino dre ino koa,dre ze hanagnany avo dra ho ala aminazy. ³⁰ Ario agny amy mezy agny ambaliky gny mpanompo sy mendriky,agny gny misy gny fiasasatry vo gny fikitroha -nify. ³¹ Gny fa avy amin'gny voninahiny gny Zanak'olo vo gny azely miaraky aminazy aby,dra hipetraky eo amin'gny seza findignasa voninahiny Izy. ³² Dra gny firenena dra hahory eo anatrehany aby,dra hagnavaky gny olo raiky amin'gny raiky hafa Izy,tahaky gny mpiaraky agn'ondry magnavaky gny agn'ondry amin'gny osy. ³³ Hametraky gny agn'ondry ho eo ankavanany izy,fa gny osy eo ankaviany. ³⁴ Dra Pazaka hizaka amin'ereo ze eo an-tagna ankavanany ho:'Avia, andrereo ze nitahian'gny Rako,mandova gny fakaza ze fa voahoma ho andrareo hatrizay nagnoregna an'izao totolo zao. ³⁵ Fa resy Zaho dra nomendrareo hany; Nangetaheta Zaho dra nomenadrareo ho nomy;nivahiny zaho dra nampandrosondrareo; ³⁶ sy niakazo zaho nampiakazondrareo;narary Zaho nikarakarandrareo;dra tagny ampingandra Zaho dra nakagny aminahy andrareo.' ³⁷ Dra gny mary dra hamaly vo hizaka ho:'Topo,ombia zahay gny nahita Anao resy dra namaha Anao?Dre nangetaheta dra nampinominay? ³⁸ Ombia Anao gny hitanay nivahiny dra nampandrosonay? Dre nizaka dra nampiakazonay? ³⁹ Ombia izahay gny nahita Anao narary dre tagny ampingandra dra nagnagny aminao? ⁴⁰ Dra gny Pazaka namaly dra nizaka anazy reo ho:'Zakako mary amindrareo,ze nataondrareo tamin'io rahalahiko masaiky be io,dra nataondrareo taminahy.' ⁴¹ Dra izy nizaka amin'ereo ze eo ankaviany ho:'Miala aminahy,andrareo ze voahozo,ho agny amin'gny afo mirehisy mandrakizay ze fa voahoma hoan'gny devoly vo reo azeliny, ⁴² satria resy Zaho,fa sy nomendrareo hany; nangetaheta Zaho,fasy nomendrareo rano honomy; ⁴³ nivahiny Zaho,fa sy nampandrosondrareo; sy niakazo Zaho nefa nampiakazondrareo;narary vo tao ampingadra Zaho,fa sy nikarakarandrareo.' ⁴⁴ Dra hamaly ereo dra hizaka ho:'Topo! Ombia izahay gny nahita Anao resy,dre nangetahetamdre nivahiny,dre sisy akazo,dre narary,dre tagny ampingadra,dra sy nanopo Anao? ⁴⁵ Dra Izy hamaly anazy reo dra hizaka ho:'Zakako mary amindrareo,fa ze sy nataondrareo tamign'iraiky tamin'ereo maliniky reo,dra sy nataondrareo taminahy'. ⁴⁶ Reo dra halefa ho ao amy fagnasazia mandrakizay fa reo mary koa ao amy fiaigna mandrakizay.''