¹ Noho izay, andeha hangasika gny fetombohanigny hafas'i Kristy dra handroso amigny fahamatora. Andeha isika sy hamnoby ndraiky gny fotosy gny fibebaha nohonigny asanigny maty vo gny finoa an'Agnahary, ² na gny fotosygny fapianara mombanigny batisa, gny fametraha-tagna, gny fisanganan'ireo olo maty, dra gny fisara mandrakizay. ³ Hanao anizay avo koa isika raha angan'Agnahary. ⁴ Fa sy hay atao ho an'ireo ze fa nihazava indray mandeha zay, ze nagnandra gny fagnomeza boak'agny an-dagnisy, ze nitakasy gny Fagnahy Masy, ⁵ dra ze nagnandra gny zaka soan'Agnahary vo reo herinigny vanipotoa ho avy, ⁶ fe seky boak'eo dra lavo__sy hay gny magnery anereo amigny fibebaha ndraiky. Izay gny nagnombon'ereo ho anigny vatan'ereo ho anigny vatanereo ndraiky gny zanan'Agnahary, dra nalany baraka apahabemaso. ⁷ Fa gny tany ze mahazo gny ora matetiky avy aminizay, vo gny mamokasy reo raha magniry taliavin'ireo olo ze niasa gny tany__ io gny tany ze mitakasy fitahia boak'amin'Agnahary. ⁸ Fa raha mamokasy silo izay, dra sy misy italiava anazy fa agnilanigny fagnozogna. Gny fiafaran'izay dra amigny fireheta. ⁹ Fa izahay dra resy lahasy gny amireo raha soa momba andrareo, ry malala, raha raiky mahakasiky gny famezena, na dre mizaka manahaky anizay aza zahay. ¹⁰ Fa i Zagnahary dra sy ba sy marina dra hagnaligno gny asandrareo vo gny fitiava ze nasehondrareo vo gny fitiava ze nasehondrareo nohonigny agnarany, akory handrareo dra nanopo reo pino bo manopo anereo avo. ¹¹ Magniry fatrasy izahay ba haneho fahazotoa manakahy anizay hatramigny farany gny sirairay amindrareo ho anigny atoky gny fahatokia feno. ¹² Izay dra ba sy lasa kamo handrareo, fa ho pangala-tahaky an'ireo ze mandova reo fapanatena amigny finoa vo fahareta. ¹³ Fa tamin'Agnahary nanao gny fapanatenany tamin'i Abrahama, dra niania tamigny Vatany Izy, gny fa sy afaky niania tamigny olo lahibe. ¹⁴ Hoy Izy ho: " Izaho dra hitahy anao vatany, dra tena hahamaro anao." ¹⁵ Tamizay fomba zay, dra nahazo ze napanatena tafaranigny nandignisany taminy fahareta Abrahama. ¹⁶ Fa gny olo dra miania amigny olo ze lahibe vatany noho gny vatan'ereo. Isakigny tapisy gny fifamalian'ereo, dra misy voady raiky natao ho fagnamafisa. ¹⁷ Gny fa nanapa-kevisy gny hapiseho mazava tamin'ireo pandovanigny fapanatena gny sy fiovanigny kalitaonigny fagniriany Zagnahary, dra nameny atoky tamigny voady zay. ¹⁸ Nataony izay ba ho amigny alalanigny raha sy azo ova ro lahy__ze sy hain'Agnahary gny mavandy amizay__dra hana fapahereza matazaky ba hihazo fatrasy gny fahatokia ze napetrany teo anoloasika, isika, ze nienga ba hana felofa. ¹⁹ Mana anizay toky zay isika ho aro vo vato fasy azo hiakigna ho anigny fagnahisika, fahatokia ze milisy ao amigny fitoera agnatiny ao ambaliky gny lamba. ²⁰ Jesosy nilisy tao amizay fitoera zay manahaky gny pialoha lala ho asika, dra lasa pisorombe mandrakizay magnaraky gny fomban'i Melkizedeka.