¹ Fa gny pisorombe aby, voafily boak'amigny olo, dra nitendre ba hiasa amigny agnaranigny olo amireo raha mahakasiky an'agnahary, dra ba hanolorany fagnomeza vo fagnatisy ho anigny ota. ² Izy dra afaky mifagnaraky mora amigny sy mahalala vo gny maniasia akory izy vatany avokoa dra voadidinigny fahaleme. ³ Noho izay, izy avokoa dra nitake hanolosy soro ho anireo otany manoka, manahaky gny nataony ho an'ireo otanigny olo. ⁴ Sy ho anigny vatany gny handresanigny olo anizay voninahisy zay. Fa koa, izy dra nataon'Agnahary, manahaky an'i Arona. ⁵ Dra manahaky anizay, Kristy sy ba nagnome haza gny vatany mihisy taminigny fanovany gny vatany ho pisorombe. Fa koa, gny raiky nizaka taminazy nizaka ho: "Zanako hanao; amizao dra lasa babanao Zaho." ⁶ Manahaky anizay avo koa gny nizakany tagny amigny toera hafa ho: "Hanao dra pisoro mandrakizay araky gny fomban'i Melkizedeka." ⁷ Nandris'ireo andronigny nofony, Kristy nanolosy vavaky vo fangataha nindray tamigny hiaky fatrasy vo ranomaso an'Agnahary, gny raiky ze afaky mamozy anazy amigny fahafatesa. Re Izy nohonigny fangorahany. ⁸ Na dre zanaky aza Izy, dra nianasy fakatova tamireo raha ze niaretany. ⁹ Natao ho tonga lafasy Izy dra avy, ho anigny olon'aby ze makato anazy, gny loharanonigny famozena mandrakizay. ¹⁰ Dra nitendren'Agnahary manahaky gny pisorombe Izy araky gny fomban'i Melkizedeka. ¹¹ Mana-kambara maro momban'i Jesosy zahay, fa sarosy gny magnazava anizay hatramigny naha-lalindalova gny fandresendrareo. ¹² Fa amizao fotoa zao dra tokony ho papianasy handrareo, handrareo dra bo mitalia olo hapianasy andrareo reo fisipiky fotosy gny hafasin'Agnahary. Ronono gny taliavindrareo, fa sy vati-kany! 13Fa gny olo ze mino ronono fosiny dra sy apy traikefa amigny hafasy gny fahamarigna, akory izy dra bo zaza masaiky. ¹⁴ Fa gny veti-kany dra ho an'ireo lahibe. Reo dra ze voahofa tamigny fagnavaha gny soa amigny rasy gny fahatakarany nohonigny fahamatoran'ereo.