¹ Noho izay, aoky hitandry soa sika ba sy hisy amindrare gny sy afaky hahatrasy gny zaka fapanatena nagna ho andrareo ba hilirandrareo ao amigny fisaharan'Agnahary. ² Fa isika dra nitalily gny vaovao mahafaly manahaky anereo. Fa izay hafasy izay dra sy nisy tombony ho an'ireo ze sy nitambasy tao amigny finoa nindray tamireo ze nakato. ('Fagnamaria: gny dikazaka ilany dra mivaky manahaky anizahoky:" Fa izay hafasy zay dra sy nisy tombony ho anireo ze nahare anazy tamigny sy finoa.") ³ Fa isika ze nino dra reo ze hilisy amizay fisahara zay, araky ze fa nizakany ho: "Manahaky gny nianianako tamigny fahaoriako, dra sy hilisy velively ao amigny fisaharako ereo." Fa na izay koa aza, gny asa famorognany dra vita tamigny fagnoregna anizao totolo izao. ⁴ Fa izy nizaka tagny ho agny mombanigny andro fahafito ho: "Zagnahary nisahasy tamigny andro faha-fito tamigny asa aby." ⁵ Dra bo nizaka ndraiky izy ho: " Ereo dra sy hilisy velively ao amigny fisaharako." ⁶ Noho izay, aoky bo voatoka ho anigny ilany gny fidira ao amigny fisaharany, dra akory maro reo Israelita nahare gny vaovao mahafaly sy nilisy tao nohonigny sy fakatoava, ⁷ dra nametraky andro raiky ndraiky atao anizahoky ho: "Androany" Zagnahary. Tafaranigny andro maro, dra nizaka tamigny alalan'i Davida Izy, manahaky anize voazaka meloha ho: "Amizao raha mahare gny feony handrareo, dra ka magnamafy gny fondrareo." ⁸ Fa raha Josoa gny nagnome fisahara aereo, dra sy nizaka mombanigny andro raiky hafa zagnahary. ⁹ Noho izay dra bo misy sabata fisahara voatoka ho anigny vahoakin'Agnahary. ¹⁰ Fa ze milisy ao amigny fisaharan'Agnahary dra nisahasy tamigny asany avokoa, manahaky gny nataon'Agnahary tamigny anazy. ¹¹ Noho izay aoky isika hazoto hilisy amizay fisahara zay, ba sy hisy dre raiky aza ho tafalasaky amigny karaza sy fakatoava ze nataon'ereo. ¹² Fa gny zakan'Agnahary dra velo vo mandaisy dra maragnisy noho gny mesa ro lela. Izay dra manindro hatraminigny fagnasaraha gny ay amigny fagnahy, vo gny togno amigny soky mihisy aza. DRa afaky fatary gny eriserisy gny fo vo reo fikasa. ¹³ Sy nisy famorogna nivony teo agnatrehan'Agnahary. Fa koa, gny raha aby dra miharihary vo misokaky eo amasonigny raiky ze sy maisy hapamoahisika. ¹⁴ Noho izay, akory isika dra mana pisorom-be lahibe lasa namaky gny lagnisy, Jesosy Zanan'Agnahary, dra andeha isika hifikisy fatrasy amigny finoasika. ¹⁵ Fa isika dra sy mana pisorombe ze sy mahasapa fangoraha amigny fahalemesika. Fa koa, isika dra mana olo raiky ze fa nala-pagnahy taminigny fomba aby manahaky asika, fe seky izy sy misy ota nataony. ¹⁶ Aoky isika andeha amigny fahatokia ho agny amigny seza fiandriananigny fahasoava, ba handresasika gny famindra-po vo hahita fahasoava hagnapy amigny fotoa italianan'anazy.