¹ Noho izay, ry rahalahy masy, nizara gny tokanigny lagnisy handrareo. Diniho gny momban'i Jesosy, gny apostoly vo pisorom-be ze ekesika. ² Izy dra natoky an'Agnahary, ze nanendry anazy, manahaky an'i Mosesy ze nahatoky tao at-tragnon'Agnahary avo koa. ³ Fa Jesosy dra fa niresy mendriky gny voninahisy lahibe noho Mosesy, akory ze magnory gny tragno gny mazaka bebe kokoa noho gny targno. ⁴ Fa gny tragno aby dra nisy olo nagnory, fa gny raiky ze nagnory gny raha aby dra Zagnahary. ⁵ Amigny lafi ny raiky, Mosesy dra natokisa manahaky panopo tao an-tragnon'Agnahary raiky manotolo. Izy gny vavolombelo momba anireo raha ze tokony fa nizaka amigny ho avy. ⁶ Fa Kristy gny Zanaky miandraikisy gny tragnon'Agnahary. Isika gny tragnony raha ohasy mihazo fatrasy gny hare-po vo gny fahatokisasika isika. ⁷ Noho izay, izay dra manahakigny zakanigny Fagnahy masy ho: "Amiza, raha mahare gny feony handrareo ⁸ dra ka magnamafy manahaky gny amigny fikomia, amigny fotoanigny fisapa agny agnefisy. ⁹ Manahaky anizay gny razambendrareo aby nikomy tamigny alalanigny fisapa anahy, dra gny fa, nandrisy gny efapolo tao, dra hitan'ereo gny asako. ¹⁰ Noho izay dra sy faly zaho amin'io taranak'io. ¹¹ Hoy zaho ho: 'Iza reo dra voatariky mandrakariva agny amigny lalandiso ao am-pony. Sy nahafatasy gny lalako ereo. Manahaky anizay gny nianiagnako tamigny fahoriako ho: 'Sy hilisy ao amigny fisaharako velively ereo."' ¹² Mitandrema, ry rahalahy, ba sy hisy dre raiky amindrareo aza gny hana fo rasinigny sifinoa, fo ze miala amin'Agnahary velo. ¹³ Fa koa, mifapahereza isan'andro, raha bo misy gny atao ho: 'Amizao" ,ba sy hisy amindrareo ho fatra-po amigny alalanigny fitaky gny fahota. ¹⁴ Fa isika dra lasa piara-miasa amin'i Kristy raha toa ka mihazo fatrasy gny fahatokisasika anazy hatragny apiandoha dra hatragny amigny fiafarany. ¹⁵ Fa gny momba anizay dra fa voazaka ho: "Amizao, raha mahare gny feony handrareo, dra ka magnamafy gny fondrareo, manahaky gny amigny fikomia." ¹⁶ Iza ze fa nandre an'Agnahary dra nikomy? Fa sy reo ze niboaky boak'agny Egypta tamigny alalan'i Mosesy aby ra zay? ¹⁷ Iza gny nahaory anazy nandrisy gny efapolo tao? Sy reo ze nanota ra, ze lavo tagny agnefisy gny ekazoan'ereo? ¹⁸ Ho an'iza gny nianiagnany fa sy hilisy ao amigny fisaharany ereo, raha sy ho an'ireo ze sy nakato anazy? ¹⁹ Hitasika fa sy afaky nilisy tao amigny fisaharany ereo nohonigny sy finoa.