¹ Ry Galatiana Adala! Iza gny nagnosavy andrareo? Teo amasondrareo indrindra gny nahareza an'i Jesosy Kristy voahombo. ² Izao avo gny raha tiako ianara amindrareo: Nitakasy gny Fagnahy tamigny asanigny lalana sa tamigny finoa ze rendrareo handrareo? ³ Mola vatany ra handrareo? Netomboky tamigny Fagnahy handrareo, dra hiafara amigny nofo ra amizao? ⁴ Moa niarisy raha-maro tamigny sy misy dikany ra handrareo_ fa gny tena raha foa vatany zay? ⁵ Moa ra izy ze magnome gny Fagnahy andrareo vo manao asa mahagaga eo amindrareo dra manao anizay zay amigny asanigny lalana, sa amigny fitenoa amigny finoa? ⁶ Manahaky an'i Abrahama "nino an'Agnahary dra nisaina ho fahamarigna anizay," ⁷ dra manahaky anizay, fataro, fa reo ze amigny finoa dra zanak'i Abrahama. ⁸ Gny sarasy masy, nihita meloha fa Zagnahary hagnamarigna reo Jentilisa amigny finoa , dra nitory gny filazasara meloha tamin'i Abrahama, nizaka ho: "Boaky aminao gny hitahia gny finoa aby." ⁹ Ko reo ze amigny finoa dra voatahy miaraky amin'i Abrahama, gny olonigny finoa. ¹⁰ Reo ze miaky amigny amigny asanigny lalana dra eo ambaninigny Ozo; fa voasorasy ho: "Voaozo ze sy magneky gny raha aby voasorasy ao agnatinigny bokinigny lalan'aby, vo manao anireo." ¹¹ Amizao dra mazava fa sy misy olo ze hamariny eo agnatrehan'Agnahary amigny alalanigny lalana, akory gny mary dra ho velo amigny finoa. ¹² Fa gny lalana dra sy araky gny finoa, fa koa, "Gny olo ze manao gny asanigny lalana dra sy maisy velo amireo." ¹³ Kristy nagnavosy asika tamigny azonigny lalana tamigny nahaviany ho ozo ho asika__fa voasorasy ho: "Voaozo ze mihato amigny hazo" _ 14ba ho avy amigny Jentilisa gny fitahin'i Abrahama ao amin'i Kristy Jesosy, ba ho amigny finoa gny ahazoasika gny fapanatenanigny Fagnahy. ¹⁵ Ry rahalahy, angao zaho hizaka araky gny fanaonigny olo. Ao amigny fifagnaraha ataonigny olo, sy misy afaky magnafoa na magnapy ze ao, gny fa tafapetraky gny lalana zay. ¹⁶ Dra reo fapanatena dra nizaka tamin'i Abrahama vo tamin'ireo taranany. Sy mizaka anizay ho: "Ho anigny taranaky," manondro olo maro, , fa olo raiky avo," ho anigny taranaky," dra i KRisty. ¹⁷ Dra izao gny tiako ho zaka: "Gny lalana, ze lasa telo-polo sy efa-zato tao taty afara, dra sy hahafoa gny fagneke ze fa napetran'Agnahary meloha. ¹⁸ Fa gny avy amigny lalana gny lova, dra sy avy amigny fapanatena sasy zay. Fa Zagnahary nagnome anizay an'i Abrahama tamigny lalanigny fapanatena. ¹⁹ Ino, dra, gny tazonigny lalana? Nasia anizay noho reo fandikan-dalana, mandra-pahavianigny taranak'i Abrahama eo amize nanova gny fapanatena. Gny lalana dra nataonigny panalalana raiky ho ho mana-kery tamigny alalanigny azely tamigny alalanigny azely. ²⁰ Fa gny panalalana dra midika olo mihoasy gny raiky, kanefa zagnahary dra raiky avy. ²¹ Moa ra gny lalana manohisy reo fapanatenan'Agnahary? Sagnatria zay! Fa raha nisy lalana name ze afaky magnome fiegna, dra boaky amigny lalana gny fahamarigna. ²² Fa gny sorasy masy nagnagadra gny raha-aby ambaninigny fahota. Nanao anizay Zagnahary ba hapanatena gny hagnavota asika amigny lalanigny finoa an'i Jesosy Kristy. ²³ Dra talohanigny nahavianigny finoa, isika dra nitana ho babo tao amininigny lalana, nigandra mandra-pisehonigny finoa. ²⁴ Ko avy eo gny lalana dra lasa piamby asika mandra-piavian'i Kristy, ba ho voamary amigny finoa isika. ²⁵ Fa izao dra avy zay finoa zay, dra sy eo ambaninigny piamby sasy isika. ²⁶ Fa handrareo aby dra zanan'Agnahary eo amigny finoa an'i Kristy Jesosy. ²⁷ Fa maro amindrareo ze natao Batisa tao amin'i Kristy, gny nitakasy an'i Kristy. ²⁸ Dra sy misy sasy na Jiosy na Grika, na andevo na olon'afaky, na lahy na vavy, fa raiky avo handrareo ao amin'i Kristy. ²⁹ Gny an'i Kristy handrareo, dra taranak'i Abrahama, vo pandova araky gny fapanatena handrareo.