¹ Efasy ambin'ny folo tao tatiky afara dra niakasy tagny Jerosalema mdraiky zaho nindray tamin'i Barnabasy, dra ninday an'i Titosy niaraky taminahy. ² Niakasy tagny nohonigny fagnambara raiky zaho dra nametraky teo amin'ereogny filazasara ze toriko eo amireo Jentilisa. Nizaka mitoka tamireo ze nihevery ho mana-daza zaho, ba hahazoa atoky fa sy hihazakazaky na fa nihazakazaky_ very may zaho. ³ Fa na Titosy aza, ze niaraky taminahy vo gny GRika, dra nitere ho voatapaky. ⁴ Nilisy nangingina reo rahalahy sandoky ba hisikilo gny fahafaha hanagnanay ao amin'i Kristy Jesosy. Nagniry gny hagnandevo anay ereo, ⁵ fa sy nimety gny hagneky anereo na dre fotoa kely aza zahay, ba hitoeranigny fahamarignanigny filazasara amindrareo. ⁶ Fa reo ze nihevery ho manaa-daza (na ino na ino ereo dra sy mapagnino anahy, Zagnahary dra sy miangasy)_ Zakao, reo ze hevery ho mana-daza dra sy nagnapy na ino na ino taminahy. ⁷ Mifanohisy amizay, hitan'ereo fa nagnaky gny filazasara ho anireo ze sy voatapaky zaho, manahaky gny nagnakigna an'i Petera gny filazadara ho anireo ze voatapaky. ⁸ Fa zagnahary, ze niasa tao amin'i Petera ze voatapaky, dra niasa tato aminahy avo koa ho anireo Jentilisa. ⁹ I Jakoba, Kefasy, dra i Jaona, ze fatasy fa agnisan'ireo nagnory gny fengona, gny fa nahay gny fahasoava ze name anahy, dra nagnome gny tagnany akavananigny fiombona ho anahy vo Barabasy ereo. Nataon'ereo zay ba hahafahanay magnagny amigny Jentilisa, dra ba hahafahan'ereo magnagny amireo ze voatapaky. ¹⁰ Nangataky avo ereo ba hahaserova gny mahatra zahay, ze raha tiako atao tokoa. ¹¹ Fa gny fa avy tagny Antioka i Kefasy, dra nanohisy anazy teo amigny tarehiny zaho akory voazaka fa diso izy. ¹² Talohanigny nahavavian'ireo lelahy ilany boaky amin'i Jakoba, dra teo apihinana niaraky tamireo Jentilisa i Kefasy. Fa gny fa avy reo lelahy reo, dra nizano izy dra niala lavisy an'ireo Jentilisa. Natahosy reo ze nitaky fanapaha izy. ¹³ Gny sisa tamireo Jiosy dra niray tamizay fiasara-belasihy zay. Na i Barnabasy aza dra voavily lalana niaraky tamin'ereo tamigny fiasaram-belasihin'ereo. ¹⁴ Fa gny fa hitako fa sy magnaraky gny fahamarinanigny filazasara gny fitondra-tegnan'ereo, dra nizaka tamin'i Kefasy teo anoloan'ereo aby zaho ho: "Raha Jiosy hanao dra bo miay manahaky gny Jentilisa fa sy manahaky gny Jiosy, ino gny ahafahanao manery reo Jentilisa hiay manahaky gny Jiosy?" ¹⁵ Isika dra Jiosy tamigny alalanigny fahateraha fa sy panota Jentilisa; ¹⁶ fatasika anefa fa sy misy olo hamarininigny asanigny lalana fa amigny alalanigny finoa an'i Kristy Jesosy. Isika avo koa dra avy tamigny finoa an'i Jesosy Kristy ba ho hamariny amigny finoa an'i Kristy fa sy amigny asanigny lalana. Fa sy hisy nofo ho hamarigny amigny asanigny lalana. ¹⁷ Fa raha ohasy, mitalia ho hamarigny ao amin'i Kristy isika, isika avo koa, dra hita fa panota, moa mapirisika gny fahota ra i Kristy? Aha! ¹⁸ Fa gny mananga ndraiky reo raha fa niravako taloha zaho, dra magnapofo gny vatako ho pandika lalana zaho. ¹⁹ Fa tamigny lalana gny nahafatesako amigny lalana, ba ho velo ho an'Agnahary zaho. ²⁰ Nihombo niaraky tamin'i Kristy zaho. Sy izaho sasy gny velo, fa i Kristy gny velo ato agnatiko. Gny fiegna iegnako ao amigny nofo amizao dra iegnako ao amigny finoa gny Zanan'Agnahary, ze tia anahy dra nanolosy gny vatany ho anahy. ²¹ Sy magnilisy gy fahasoavan'Agnahary zaho, fa gny azo amigny lalana gny fahamarigna, dra sy misy dikany gny nahafatesan'i Kristy!