¹ Sy nahita tory gny pazaka tamin'igny hariva igny. Nandily gny panopo izy so handay gny boky fitahiriza tatara tamin'gny fotoa nitondrany, dra nivakia fatrasy tamin'gny pazaka zeho. ² Voarakisy tao fa niresaky mahakasik'i Bigtana vo Taresy i Mordekay, ro tamin'ireo manamboninahisy gny pazaka ze niamby gny vatrangara filira, zay nikasa gny hanao rasy gny pazaka Ahasoerosy. ³ Dra nagnotany gny pazaka ho: "Ino ra gny fa nahy so nagnomeza voninahisy na nankatoava an'i Mordekay tamin'gny nanaovany anizeho?" Vo reo zativi lahin'gny pazaka ze nanopo anazy nizaka ho: "Sy nisy nahy taminazy." ⁴ Ho gny pazaka ho: "Ia gny ao an-kianza ao? Sendra avy teo an-kianza ivelan'gny tragnon'gny pazaka i Hamana bo hizaka aminazy gny amin'gny hagnatognany an'i Mordekay eo amin'gny hazo fagnatogna ze fa nasangany ho anazy. ⁵ Nizaka taminazy reo panopon'gny pazaka ho: "Hamana gny mizoro eo an-kianza." Dra ho gny pazaka ho: "Engao izy hilisy." ⁶ Nofa nilisy Hamana dra ho gny pazaka taminazy ho: " Ino gny tokony ahy amin'gny lelahy ze tian'gny pazaka homem-boninahisy?' Dra ho Hamana nizaka am-po ho: "Ia se gny homen'gny pazaka voninahisy ankoasy anahy?" ⁷ Ho Hamana tamin'gny pazaka ho: "Ho an'gny lelahy ze tian'gny pazaka omem-boninahisy, ⁸ aoky ho andesy gny akazo lava fiandriana, akazo ze fa fagnisian'gny pazaka, vo gny sovaly ze fa nitikiran'gny pazaka, vo amin'gny lohany eo gny satro-boninahisy. ⁹ Vo aoky gny akzo vo gny sovaly ho gny raiky amin'ireo manamboninahisy magneva haza loasy. Aoky ereo hapiazako gny lelahy tian'gny pazaka homem-boninahisy, vo aoky ereo hitariky anazy hitety gny lalan'gny tana amin'gny sovaly. Dra aoky ereo hagnambara ho: 'Zeho gny nahy tamin'gny lelahy tian'gny pazaka homem-boninahisy!"' ¹⁰ Dra ho gny pazaka tamin'i Hamana ho: "Malaky alao gny akazo vo gny sovaly, araky ze fa nizakaniha, dra ahivo ho an'i Mordekay gny Jiosy ze mitoboky eo am-bavahadin'gny pazaka zeho. Ka misy ahy lasaky reo ze nizakaniha." ¹¹ Vo Hamana nangala gny akazo vo gny sovaly. Dra napiakazony i Mordekay dra nandesiny nitety gny lalan'gny tanan'aby tamin'gny sovaly izy. Nagnambara teo agnoloany izy ho: "Zeho gny nahy tamin'gny lelahy ze tian'gny pazaka homem-boninahisy!" ¹² Nihery teo am-bavahadin'gny pazaka i Mordekay, fa Hamana koa napalaky gny sovaliny ho agny an-tragnony, nalahelo, nisafosy loha. ¹³ Nitataran'i Hamana tamin'i Zaresy valiny vo reo sakezany aby gny raha aby nihatra taminazy. Vo gny olon-kendry aby vo Zaresy nizaka tamiazy ho: "No Mordekay, ze nanomboky nandavo aniha teo agnatrehany, gny Jiosy, dra sy hahatrasy anazy mihisy hanao, fa dra ho lavo eo agnatrehany vatany hanao." ¹⁴ No bo niresaky taminazy ereo, dra avy reo manamboninahisy gny pazaka. Dra nanday malaky an'i Hamana tagny amin'gny fanasa ze fa nomagnin'i Estera ereo.