¹ Zao gny so-drano nataon'i Mosesy lelahin'Agnahary tamigny vahoakin'Israely talohanigny nahafatesany. ² Hoy izy ho: Boak'ao Sinay i Yaveh dra niposaky boak'eo Seira teo agnabon'ereo. Namirapirasy boak'ao atendrombohisy Parana Izy, dra avy nindray tamireo azely masy harivaraiky. Helasy gny teo atagnany hanana. ³ Eny, tia an'ireo vahoaky Izy, reo azely masin'aby dra eo atagnanao avokoa, dra nekohoky eo atombokao ereo, nitakasy gny zakanao ereo. ⁴ Nandidy lalanaraiky ho asika i Mosesy, dra lova raiky ho anigny fengonan'i Jakoba. ⁵ Dra nisy pazaka tao Jerosalema, gny fa nivory reo loholonigny vahoaky, reo fokon'i Israely aby miakasy. ⁶ Aoky ho velo Robena dra sy ho maty, nefa ho visy anie reo olony. ⁷ Zao gny so-drano ho an'i Joda. Hoy Mosesy ho: Tenoy, ry Yaveh, gny feon'i Joda, dra andeso eo amigny olony ndraiky izy. Melia honazy; meteza ho fagnapia manohisy an'ireo fahavalony. ⁸ Momba an'i Levy koa, dra hoy Mosesy ho: Gny Tomimanao vo gny Orimanao dra anigny olo sy mivadiky, dra ze nagnatianao toera tao Masa, ze nifamalianao tao amigny ranon'i Meriba. ⁹ Gny lelahy ze nizaka momba gny rany vo gny reniny ho: "Sy nahita anereo zaho." Sy nekeny na dre reo rahalahiny aza, dra sy niheveriny reo zanany. Fa nitandry gny zakanao izy, dra nita gny fagnekenao. ¹⁰ Napianasy an'i Jakoba gny didinao Izy dra Israely gny lalanao. Hametraky liti-kazo magnisy eo anoloanao izy vo gny fagnatisy oroa aby eo agnabonigny alitaranao. ¹¹ Tahio, ry Yaveh, reo fanagnany, dra ekeo gny asanigny tagnany. Torotoroy gny valahanize misanga hanohisy anazy, vo gny an'ireo olo ze malaiky anazy, ba sy ho tafasanga ndraiky ereo. ¹² Gny amin'i Benjamina, dra hoy i Mosesy ho: Gny malalan'i Yaveh dra mandry fahizay eo agnilany: Yaveh gny miaro anazy mandrakariva, dra magnino eo agnelagnelanigny sandrin'i Yaveh izy. ¹³ Gny amin'i Josefa, dra hoy i Mosesy ho: Ho tahin'i Yaveh anie amireo raha soanigny lagnisy anie gny taniny, dra amigny ando, dra amigny rano laliky ze mamisaky ambany. ¹⁴ Ho tahy amireo raha soa ze vokasy gny masoandro anie gny taniny, amireo raha soa vokas'ireo volana, ¹⁵ amireo raha soa indrindran'ireo tendrombohisy fahagola, dra amireo raha-soan'ireo havoa maharisy mandrakizay. ¹⁶ Ho tahy amireo raha soa gny tany vo ze heriny anie gny taniny, dra amigny sitrapo soan'Izy ze tao amigny voaroy. Aoky gny fitahia ho eo an-dohan'i Josefa, dra ho eo atapon-dohanigny andria teo amireo rahalahiny. ¹⁷ Gny teraky volohany gny agnomby, dra be voninahisy izy, dra reo tendrony dra zagnon'agnombimanga. Amizay gny hanotoany gny olo, izy aby, hatragny aparanigny tany. Reo gny agnalignalin'i Efraima; reo gny agnarivorivon'i Manase. ¹⁸ Gny amin'i Zebolona, dra hoy i Mosesy ho: Mifalia, amize handehananao, dra hanao, ry Isakara, ao an-dainao. ¹⁹ Hitoka reo vahoaky ho agny atendrombohisy ereo. Agny gny hagnateran'ereo fagnati-pahamarigna. Fa ereo gny hitroko reo Haren-dranomasy, vo avyamigny fasy eo amoron-dranomasy. ²⁰ Gny amin'i Gada dra hoy Mosesy ho: Ho Tahy ze magnitasy an'i Gada, honin'agny manahaky gny liona vaviny izy, dra hamiravira sandry na loha egny izy. ²¹ Nangalaky gny soa indrindra ho anigny vatany izy, fa tagny gny nanokana gny zara0taninigny pitariky. Avy nitariky tamireo lahibenigny vahoaky izy. Nitaterahiny nindray tamin'Israely gny fahamarignan'i Yaveh mbamin'ireo didiny. ²² Gny amin'i Dana, dra hoy Mosesy ho: i Dana dra zana-diona ze miasapy boak'agny Basana. ²³ Gny amin'i Naftaly, dra hoy i Kosesy ho: i Naftaly, visy fakasitraha, sady feno gny fitahian'i Yaveh, mandova gny tany hatragny andrefa vo asimo. ²⁴ Gny amin'i Asera, dra hoy Yaveh ho: Ho tahy mihoasy noho gny zanadahiny hafa aby anie Asera; aoky ho hakasitrahan'ireo rahalahiny izy, dra aoky izy hanoboky gny tombony agnaty menaky oliva. ²⁵ Ho vy vo varahy anie reo hilinigny tagnanao; araky gny fahalavan'ireo andronao, gny ho fahamaroanigny filaminanao. ²⁶ Ry Jesorana__gny mahisy, sy misy manahaky an'Agnahary, ze mitikisy gny lagnisy ba hamozy anao, dra egny amigny rahon'amigny fiandrianany. ²⁷ Gny Zagnahary mandrakizay dra felofa, dra reo sandry mandrakizay gny eo ambany. Mandroaky gny fahavalo sy ho eo anoloanao Izy, dra manao ho: "aringano!" ²⁸ Mandry fahizay Israely. Azo atoky gny loharan'i Jakoba ao amigny tany misy vary vo divay vaovao; egny, egny, aoky gny lagnisy handasaky ando eo aminazy. ²⁹ Maro reo fitahinao, ry Israely! Iza gny manahaky anao, dra firenena voavozin'i Yaveh, gny apinganigny famozenao, dra sabasy gny voninahisao? Ho avy hatahosy eo anoloanao reo fahavalonao; dra hisahinao reo fitoerany abo.