¹ Dra niakasy boak'agny amigny tany lemak'i Moaba nangagny amigny tendrombohisy Nebo, nagnagnyatapon'i Pisga, ze tandrefin'i Jeriko i Mosesy. Tagny Yaveh gny napiseho taminazy gny tanin'i Gileada aby dra hatragny Dana, ² vo Naftaly aby, dra gny tanin'i Efraima vo Manase, vo gny tanin'i Joda aby, magnagny amigny ranomasin'andrefa, ³ vo agny Negeva, dra gny tany lemaky gny lohasakan'i Jeriko, gny tananigny Rofia, dra hatragny Zoara. ⁴ Hoy Yaveh taminazy ho: "Tihoky gny tany ze niegnako tamin'i Abrahama, Isaka, vo Jakoba, nanao anizahoky ho: 'Homeko gny taranandrareo tihoky.' Nangako hagnety anizay tamigny masondrareo handrareo, saky sy handeha agny." ⁵ Dra maty tao amigny tanin'i Moaba i Mosesy, araky gny zaka napanatenan'i Yaveh. ⁶ Nalevin'i Yaveh tao amigny lohasaka ao amigny tanin'i Moaba manandrify an'i Beti-peora izy, fa sy nisy nahay ze misy gny lolony mandrak'amizao. ⁷ Ropolo amby zato tao i MOsesy tamin'izy maty; sy pahina gny masony, na nihena gny hery voazagnahariny. ⁸ Nandala an'i Mosesy tagny amigny tany lemak'i Moaba nandrisy gny telopolo andro gny vahoakin'Israely, boak'eo tapisy reo andro fandalan'an'i Mosesy. ⁹ Feno gny fagnahinigny fahendrena i Josoa zanadahin'i Nona, akory nametra-tagna taminazy i Mosesy. Niteno anazy gny vahoakin'Israely dra nanao ze nandidian'i Yaveh an'i Mosesy. ¹⁰ Sy nisy paminany manahaky an'i Mosesy mihisy tao Israely, ze fatas'i Yaveh nifagnatriky taminazy. ¹¹ Sy bo nisy paminany manahak'anazy tamireo famatara vo fahagaga ze nagnirahan'i Yaveh anazy ba hatao agny amigny tany Egypta, agny amin'i Farao, vo reo panopony aby, dra agny amigny taniny aby. ¹² Sy bo nisy paminany manahaky anazy amigny asa lahibe aby vo mapatahosy ze nataon'i Mosesy teo amason'Israely aby.