¹ Dra tamizay andro zay, gny fa nihanitombo gny isan'ireo pianasy, dra nanomboky nisy fitaregna nataon'ireo Jiosy mizaka Grika hanohera reo Hebreo, akory nataon'ereo sinosino reo pitondra-tegnany tamigny fizara hany isan'andro. ² Gny ro ambiny folo dra nitoka reo pianasy aby ho agny amin'ereo sady nizaka ho: "Sy mety ho asika raha magnenga gny zakan'Agnahary ba hikarakara reo latabasy. ³ Noho izay handrareo dra tokony mifily, ry rahalahy, fito amindrareo, lelahy soa laza, feno gny Fagnahy vo Fahendrena, ba ho tendrenay hikarakara anizay raharaha zay. ⁴ Raha gny aminay, dra hanohy hatragny amigny fivavaha vo amigny fapenara gny zaka zahay." ⁵ Nahafinarisy gny olon'aby gny zaka nataon'ereo, Dra nifily an'i Stefana ereo, lelahy feno finoa vo Fagnahy Masy, dra i Filipo, Prokaro, Nikanora, Timona, Parmena vo Nikoleo, proselyta boak'agny Antiokia. ⁶ Reo pino dra ninday reo lelahy teo agnatrehanigny Apostoly, ze nivavaky vo nametraky gny tagnany tamin'ereooo. ⁷ Dra niparitaky hatragny gny zakan'Agnahary, dra gny isanigny pianasy tao Jerosalema dra nihanitombo be, dra pisoro maro be koa gny lasa pakato gny finoa. ⁸ Dra i Stefana, feno fahasoava vo hery, dra nanao fahagaga vo famatara lahibe teo amigny vahoaky. ⁹ Fa nisy vahoaky ilany nisanga ze anigny Synagoga ze atao ho gny Synagoganigny Libertina, vo anigny Kyreniana vo Aleksandriana, dra gny ilany boak'agny Kilikia vo i Azia. Reo olo reo dra nialy hevisy tamin'i Stefana. ¹⁰ Ereo dra sy nahatohisy gny fahendrena vo gny Fagnahy ze nizakany i Stefana. ¹¹ Boak'eo dra nisy olo nanovan'ereo kolikoly ba hizaka ho: "Fa renay i Stefana nizaka rasy momban'i Mosesy vo i Zagnahary." ¹² Nanaisy gny olo ereo, gny loholo, vo gny panora-dalana, dra nagneo amin'i Stefana ereo vo nanambosy anazy vo ninday anazy teo agnatrehan'ireo panolosay. ¹³ Ereo dra ninday fizoroa vavolombelo diso, dra nizaka ho: "Ty lelahy tahoky dra sy misahasy mizaka rasy ty toera masy tihoky vo gny lalana. ¹⁴ Fa zahay dra nahare anazy nizaka fa i Jesosy boaky a Nazareta agny io dra handrava ty toera tihoky vo hagnova reo fomba ze natolon' i Mosesy asika." ¹⁵ Reo ze nipetraky teo amigny toeranigny panolosay dra nandiniky anazy dra nahita fa manahaky gny azely gny tarehiny.