¹ Gny fa nizaka tamireo vahoaky i Petera vo i Jaona, dra avy reo pisoro vo gny lahibenigny piamby gny tepoly dra reo Sadoseo. ² Ory fatrasy ereo noho i Petera vo i Jaona napianasy gny vahoaky vo nitory gny fisangana amigny maty tamigny alalan'i Jesosy. ³ Nisambory ereo dra natao tagny apoza mandrapahavianigny mary, akory fa hariva gny andro tamizay. ⁴ Kanefa maro tamireo olo ze nahare gny hafasy gny nino; dra gny isan'ireo lelahy ze nino dra dimy arivo teo ho eo. ⁵ DRa nony marainy igny dra niango tao Jerosalema gny panapak'ereo, zokiolo dra reo panora-dalana. ⁶ Teo i Anasy pisorombe, kaiafa, Jaona, vo i Aleksandro vo ze havanigny pisoron'aby. ⁷ Nony naroso teo agnevony i Petera vo i Jaona, dra nagnotany anereo ho: "Amigny hery hanao, na amigny agnara ino , gny nanovandrareo anizay?" ⁸ Boak'eo i Petera, feno gny Fagnahy Masy, dra nizaka anereo ho: "Handrareo ry panapaky gny vahoaky, vo gny loholo, ⁹ gny nagnotania mombanigny asa soa nataonay tamin'io lelahy narary io zahay tamin'io andro io_tamigny fomba akory gny nahasitrany io lelahy io? ¹⁰ Dra aoky ho fatandrareo aby vo gny vahoakin'Israely aby, fa tamigny agnaran'i Jesosy Kristy boaky agny Nazareta, ze nihomboandrareo, nasangan'Agnahary tamigny maty _tamigny alalany gny izoroanity lelahy tihoky eto amasondrareo." ¹¹ Jesosy Kristy dra vato ze nataondrareo pagnoritragno sinosino fe seky fa natao ho lohanigny vato fehizoro. ¹² Dra sy misy famozena boaky amigny hafa, fa sy misy agnara hafa ambaninigny lagnisy namenigny olo ze sy maisy hahavozy asika." ¹³ Gny fa nahita gny fahavanian'i Petera vo i Jaona ereo, dra nahasapa fa olo-sotra, olo sy nandia fenara, dra talazo ereo, nahafatasy fa niaraky tamin'i Jesosy i Petera vo i Jaona. ¹⁴ Aokry ereo nahita gny lelahy sitrany nizoro niaraky tamin'ereo, dra sy nahita zinaka hanohera anizay ereo. ¹⁵ Fa gny fa avy nandidy reo apostoly hagnenga gny fivorianigny fila-kevisy ereo, dra nifapizaka ereo. ¹⁶ Hoy ereo ho: "Ino gny tokony hatao amity lelahy tahoky? Noho gny fahagaga vita tamigny alalan'ereo dra fatasireo olon'aby mipetraky eto Jerosalema zay, dra sy azosika lavy. ¹⁷ Fa ba sy hiparitahan'izay amigny vahoaky koa, dra ndoa isika hapitandry anereo ba sy hizakan'ereo anizay agnara zay sasy. ¹⁸ Tonokany hilisy i Petera vo i Jaona dra nizakany ereo sy hizaka vo sy hapianasy amigny agnaran'i Jesosy sasy. ¹⁹ Kanefa namaly anereo koa i Petera vo Jaona nizaka ho: "Gny mary eo amason'Agnahary gny magneky andrareo mihoasy anazy, dra handrareo gny misara. ²⁰ Sy afaky gny hizano sy hizaka momba reo raha hitanay vo renay zahay." ²¹ Tafaranigny fapitandrema an'i Petera vo i Jaona, dra nangany nandeha ereo. Fa sy nahita fomba hagnasazia anereo ereo, akory nidera an'Agnahary reo vahoaky noho gny raha vitany. ²² Gny lelahy ze niay gny fahagaga vo fagnasitragna dra nihoasy gny efa-polo tao. ²³ Tafaranigny nagnafaha anereo, dra avy teo amigny vahoakyny i Petera vo i Jaona dra nitatarany anereo ze raha nizakanireo lohonigny pisoro vo reo loholo tamin'ereo. ²⁴ Gny fa ren'ereo zay, dra niara-nanandrasy gny feon'ereo ho an'Agnahary ereo dra nizaka ho: "Topo, hanao gny nanao gny lagnisy vo gny tany vo gny rano masy, vo ze ao aminazy aby. ²⁵ Nizaka tamigny alalanigny Fagnahy Masy tamigny vavanigny panoponao, gny rasika Davida hanao ho: 'Nagnino gny masiaky reo firenena Jentilisa, vo reo olo mieriserisy raha sy misy ilana azy?' ²⁶ Handrareo mizaka ho: Reo pazakanigny tany dra nitambasy, vo reo panapaky dra nivondra hanohisy gny Topo, vo hanohisy gny Kristy.' ²⁷ Fa i Heroda vo i Pontsy Pilaty, ze niaraky tamireo jentilisa vo reo vahoakin'i Israely, gny niara-niango tao atana hanohisy an'i Jesosy panopondrareo, ze nosorandrareo. ²⁸ Nindray nivory ereo ba hanao ze nataonigny tagnandrareo vo reo drafindrareo ze fa nitapahin'ereo hatao meloha. ²⁹ Amizao, Topo, atio reo fapitandremanereo dra ameo reo panoponao ba hizakany gny zakanao akavania tateraky. ³⁰ Ahiziro gny tagnanao ba hagnasitra, dra hagnome reo famatara vo fahagaga amigny alalanigny agnaran'i Jesosy panoponao masy." ³¹ Gny fa boaky nivavaky ereo, dra nihizongozo gny toera ze niarahan'ereo nivory, dra feno gny Fagnahy Masy ereo aby dra nizaka gny zakan'Agnahary akavania. ³² Gny akabeazan'ireo ze nino dra fo vo fagnahy raiky. Sy nisy nizaka fa gny raha ze azony dra anazy manoka, fa raha niarahan'ereo nana. ³³ Niaraky tamigny hery lahibe gny nagnambaranigny apostoly gny fizoroan'ereo vavolombelo momba gny fisangana'i Jesosy Topo tamigny maty, dra fahasoava lahibe gny teo amin'izy aby. ³⁴ Sy nisy olo nana-zava maha-ory teo amin'ereo, fa ze nana tany aby na tragno dra navily vo nandesa gny volanigny raha aby ze lafo. ³⁵ dra napetraky teo atombok'ireo apostoly, dra nizara tamigny olo sirairay arakize taliavin'ereo. ³⁶ Josefa, Levita raiky, lelahy boakagny Sipra ze nataon'ireo apostoly ho Barabasy (midika ho zanadahinigny Fapahereza), ³⁷ nivarosy tany vo ninday gny vola dra nametraky anazy teo atombok'ireo apostoly.