¹ Dra i Petera vo i Jaona niakasy tegny amigny tepoly tamigny oranigny fivavaha, gny ora faha sivy. ² Dra nisy lelahy raiky namely fa hatragny apiteraha nindesy isan'andro tegny amigny vavahady soa endriky gny Tepoly, ba hangataky fagnomeza ara-bola agny amireo olo ze magnegny amigny tepoly. ³ Gny fa nahita an'i Petera vo i Jaona ze handeha hilisy gny tepoly, dra nangataky fagnomeza ara-bola tamin'ereo izy. ⁴ Nibazy gny masony niaraky tamin'i Jaona i Petera dra nizaka ho: "Atio zahay". ⁵ Gny lelahy malemy nagnety anereo, nanategna gny hitakasy raha boaky agny amin'ereo. ⁶ Nefa i Petera nizaka ho: "Volafosy vo volamena gny sy anagnako, nefa ze anagnako gny sy anagnako, nefa ze anagnako, gny homeko anao. Amigny agnaran'i Jesosy Kristy boaky agny Nazareta, Mandehana." ⁷ Nitakasy anazy tamigny tagna havana, i Petera nananga anazy, dra avy hatrany dra lasa natazaky gny tombokigny lelahy vo gny kitrokeliny. ⁸ Nidikosy, gny lelahy malemy dra nisanga dra nanomboky nandeha; dra niaraky naheriloha tamin'i Petera vo i Jaona tao atepoly izy, nandeha, nidikosy, dra nidera an'Agnahary. ⁹ Gny olon'aby dra nahita anazy nandeha vo nidera an'Agnahary. ¹⁰ Sikarin'ereo fa izy gny lelahy nangataky fagnomeza ara-bola tamireo olo teo amigny vavahady soanigny tepoly; dra tena gaga vo talazo ereo noho gny raha nitranga taminazy. ¹¹ Dra noho izy nita an'i Petera vo Jaona, gny olon'aby dra nirohasy nagnegny amin'ereo tegny amigny felofa ze natao ho alokin'i Solomona gny olon'aby, dra tena talazo. ¹² Gny fa nahita anizay i Petera dra namaly gny olo ho: "Handrare ry vahoakin'Israely, nagnino gny talazo handrareo? Nagnino gny masondrareo gny mandiniky anay, ohasigny ho herinay na fahamasinanay manoka gny napandeha anazy? ¹³ Gny Zagnaharin'i Abrahama, vo An'Isaka, dra an'i Jakoba, gny Zagnaharin'ireo rasika, nagnome voninahisy an'i Jesosy panopony. Izy gny natolondrareo vo nilavindrareo teo anoloan'i Pilato, tamin'izy nanapa-kevisy gny handefa anazy. ¹⁴ Nilavindrareo gny raiky ze Masy vo Mary dra aleondrareo nangataky gny pamono olo ba ho alefa ho andrareo. ¹⁵ Nivonondrareo gny Pagnory gny fiegna, ze nasangan'Agnahary tamigny maty_dra vavolombelon'izay zahay. ¹⁶ Amizao, noho gny finoa amigny agnarany_gny lelahy ze hitandrareo vo fatandrareo_ igny agnara igny avo gny nahavy anazy hahery. Gny finoa boaky amin'i Jesosy gny nagnome anizao fahasitragna feno zao ho anazy eto agnatrehandrareo aby. ¹⁷ Amizao, ry rahalahy, fataro fa nanao anizay handrareo noho gny sy fahalalandrareo, manahaky gny nataon'ireo pinday andrareo avo koa. ¹⁸ Fa reo raha ze voazakan'Agnahary meloha tamigny vavan'ireo paminany aby, ho tokony hizaly gny Kristy, fa taterany amizao. ¹⁹ Mibebaha, noho izay, dra miheregna, ba ho voavono gny fahotandrareo, ba ho avy gny fotoa mahavelombelo eo agnatrehanigny Topo; ²⁰ dra ba handefa anigny Kristy ze voatendry ho anao izy, dra i Jesosy. ²¹ Izy gny sy maisy ho takarinigny Lagnisy ambara-pahavianigny ora fagneregna amigny loniny gny raha-aby, mombanize nizakan'Agnahary faela tamigny vavan'ireo paminany masy. ²² Nizaka vatany i Mosesy ho: 'Gny Topo Zagnahary dra hananga paminany manahaky anahy boaky amireo rahalahindrareo. Handrareo hiteno gny raha-rasy ze ho zakany amindrareo. ²³ Hitranga gny ho, ze olon'aby sy miteno anizay paminany zay dra ho ringany tateraky sy ho ao amin'olo.' ²⁴ Eh, aza reo paminany aby nanomboky teo amin'i Samoela vo reo ze avy tafaranay, dra nizaka fatrasy vo nitalily reo andro reo. ²⁵ Handrareo gny zanak'ireo paminany vo gny fagneke ze nataon'Agnahary tamireo razambe, araky gny nizakany tamin'i Abrahama ho: 'Ao amigny taranakao dra ho tahy reo fianakavian'aby era-tany.' ²⁶ Tafaranigny nananganan'Agnahary gny panopony, dra nandefa anazy ho andrareo aloha izy, ba hitia andrareo amigny fialandrareo amigny fahaserovandrareo."