¹ Hoy i Davida ho: "Misy olo tafazano ze azoko anehoa hasoafagnahy nohonigny amin'i Jonatana ra ao amigny fianakavian'i Saoly?" ² Nisy panopo raiky atao ho: Ziba tao amigny fianakavian'i Saoly, dra nitoka anazy ho agny amin'i Davida ereo. Hoy gny pazaka taminazy ho: "Hanao ra gny Ziba?" Dra namaly izy ho: "E, panoponao zaho." ³ Dra hoy gny pazaka ho: "Sy misy olo tavela ze azoko anehoa gny hasoafagnahin'Agnahary ra boak'ao amigny fianakavian'i Saoly?" Namaly gny pazaka i Ziba ho: "Jonatana dra bo managnanaky lelahy, ze malemy tomboky." ⁴ Hoy gny pazaka taminazy ho: "Eza izy?" Dra namaly gny pazaka i Ziba ho: "Ingo, ao atragnon'i Makira zanadahin'i Amiela agny lo-debara izy." ⁵ Boak'eo i Davidapazaka nagniraky anazy vo napamoaky anazy tao atragnon'i Makira zanadahin'i Amiela boak'agny Lo-debara. ⁶ Noho izay Mefiboseta zanak'i Jonatana zanadahin'i Saoly, dra nagneo amin'i Davida dra napekohoky gny tavany teo amigny tany ho voninahis'i Davida. Hoy i Davida ho: "Mefiboseta." Dra namaly izy ho: "Ingo, panoponao zaho!" ⁷ Hoy i Davida taminazy ho: "Ka matahosy, fa haneho hasoafagnahy aminao ho an'i Jonatana nohonigny amigny ranao vatany zaho, dra hagnerin'aminao gny tanin'i Saoly dadabenao aby zaho, dra hihinan'eo an-databaso mandrakariva hanao." ⁸ Nekohoky i Mefiboseta dra nanao anizahoky ho: "Ino ty panoponao, gny tokony hagnety ami-sitraky amboa maty manahaky anahy hanao. ⁹ Boak'eo gny pazaka dra napitoka an'i Ziba, panopon'i Saoly, dra nanao taminazy ho: "Ze an'i Saoly vo gny fianakaviany aby dra nameko gny zafinigny toponao. ¹⁰ Hanao, reo zanakao lelahy, dra reo panoponao dra sy maisy miasa gny tany honazy dra sy maisy miziza gny vokasy hanao ba hanagnanigny zafinigny toponao hany ho hany. Fa i Mefiboseta, zafinigny toponao, dra sy maisy hihina mandrakariva eo an-databaso." Dra Ziba dra nanagnanaky lelahy dimy ambiny folo vo panopo ropolo. ¹¹ Boak'eo Ziba nizaka tamigny pazaka ho: "Hataonigny panoponao ze andidianigny pazaka topoko gny panopony aby. "Dra napianigny pazaka ho: ¹² "Raha gny amin'i Mefiboseta dra hihinan'eto an-databasao izy, manahaky gny raiky amireo zanadahiny pazaka." Nanagnanaky lelahy tanora atao ho Mika zay i Mefiboseta. Gny nitoby teo atragnon'i Ziba aby dra panopon'i Mefiboseta avokoa. ¹³ Ko dra nitoby tagny Jerosalema i Mefiboseta, dra nihina teo an-databasy gny pazaka mandrakariva izy, na dre nalemy aza gny tombony ro.