¹ Gny fa nipetraky tao atragnony gny pazaka, dra gny fa nagnome fisahara anazy tamireo fahavalony magnodidin'anazy aby i Yaveh, ² dra hoy gny pazaka tamin'i Natana paminany ho: "Ingo, mipetraky amigny tragno sedera zaho, fa gny fiaran'Agnahary koa mizanon'ao agnevonigny lay. ³ Dra hoy i Natana tamigny pazaka ho: "Mandehana, atovy ze ao aponao, fa homba anao Yaveh." ⁴ Kanefa tamin'io hariva io avo koa dra avy tamin'i Natana gny zakan'i Yaveh, dra nanao anizahoky ho: ⁵ "Mandehana dra zakao i Davida panopoko ho: 'Izao gny ambaran'i Yaveh: Hamboasy tragno hipetraha ho Anahy ra hanao? ⁶ Fa sy nitoby tao atragno zaho hatramigny andro ze nindesako gny vahoakin'Israely niakasy boak'ao Egypta hatramizao andro amizao zao; fa koa, nifindrafindra lay Zaho, dra gny tabernakely. ⁷ Tagny amigny toeran'aby ze nifindrako nindray tamigny vahoakin'Israely aby, moa nizaka na ino na ino tamireo pitarik'Israely ze nindesiko handigny gny Israely vahoako ra Zaho, nanao anizahoky ho: "Nagnino handrareo gny sy namboasy tragno sedera ho Anahy?"" ⁸ Ko amizao dra, zakao i Davida panopoko ho: "Zao gny ambaran'i Yaveh toponigny maro: 'Nalako boak'egny amigny saka hanao, tamigny fagnahara reo agnondry, ba ho pazaka an'Israely vahoakao hanao. ⁹ Nindray taminao avo zaho na teza na teza nalehanao. Nalako teo anoloanao avokoa gny fahavalonao aby. Amizao hataoko lahibe gny agnaranao, manahaky gny agnaran'ireo lahibe teto atany. ¹⁰ Nisafidy toera raiky ho an'Israely vahoako zaho dra hamboly anereo agny, ba hiain'ao amigny toeran'ereo manoka ereo dra sy ho voakorota sasy. Sy hapisaly anereo sasy gny olo rasy fagnahy, manahaky gny nataon'ereo teo aloha, ¹¹ manahaky gny nataon'ereo hatramigny andro nandidiako reo pisara ba hanapaky an'Israely vahoako aby. Amizao zaho dra hagnome fisaharan'aby. Amizao zaho dra hagnome fisaharan'anao amireo fahavalonao. Fanapan'izay, Izaho, Yaveh dra magnambara aminao fa hanao tragno honao Zaho. ¹² GNy fa hisaky gny andronao dra homaty miaraky amireo razambenao hanao, dra hananga taranaky handimby anao zaho, ze ho avy amigny vatanao, dra hapitoerako gny fazakany. ¹³ Hamboasy tragno ho anigny agnarako izy, dra hametraky gny seza fiandriananigny fazakany mandrakizay zaho. ¹⁴ Ho rany zaho, dra izy ho zanako. Gny fa manota izy, dra hagnatrasy anazy amigny sorakazonigny olo vo amigny fazera gny zanak'olo zaho. ¹⁵ Fa gny fahatokiko dra sy hagnenga anazy, raha nalako tamin'i Saoly zay, ze nalako talohanao. ¹⁶ Gny tragnonao vo gny fazakanao dra eo agnatrehanao. Hitoby mandrakizay gny seza fiandriananao."' ¹⁷ Dra nizaka tamin'i Davida i natana dra nitatisy taminazy reo zaka aby reo, dra nizakany taminazy gny mombanigny fahita raiky manotolo. ¹⁸ Dra nilisy Davida pazaka dra nipetraky nanoloa an'i Yaveh dra nanao anizahoky ho: "Iza zaho, ry Yaveh zagnahary, dra ino gny fianakaviako gny nandesinao ho amizao tazona zao zaho? ¹⁹ Dra raha masaiky eo amasonao zay, ry topo Yaveh. Nizaka mombanigny fianakavianigny panoponao gny amizay lahibe ho avy Hanao, dra napiseho taranaky fara-mandimby taminahy, ry topo Yaveh! ²⁰ Ino gny bo azoko, zaho Davida, zaka aminao? Nagnome voninahisy gny panoponao Hanao, ry topo Yaveh. ²¹ Nohonigny amigny zakanao, vo ba hahatateraky gny tazonao manoka, dra nanao anizao raha lahibe zao hanao dra naneho anizay tamigny panoponao. ²² Noho zay dra lahibe Hanao, ry topo Yaveh, akory sy misy manahaky anao, dra sy misy zagnahary hafa akoasy anao, araky ze renigny sofinay avo. ²³ Ino gny firenena manahaky an'Israely vahoakao, gny firenena eto atany ze, nandehananao zagnahary vo nivozenao ho anigny vatanao? Nataonao izao ba ho lasa vahoaky honao ereo, ba hanao agnara ho anigny vatanao, dra ba hanao asa lahibe vo mapatahosy ho anigny taninao. Nandroaky reo firenena vo reo zagnaharin'ereo teo anoloanigny vahoakao, ze nivozenao boak'ao Egypta hanao. ²⁴ Napetrakao manahaky gny vahoakao manoka mandrakizay Israely, dra hanao, Yaveh, dra avy zagnaharin'ereo. ²⁵ Ko amizao, ry nYaveh zagnahary, enga anie hapetraky mandrakizay gny famatara ze nataonao mahakasiky gny panoponao vo gny fianakavia. Atovy araky ze nizakanao. ²⁶ Ho lahibe mandrakizay anie gny agnaranao, dra hizaka gny vahoaky ho: 'Yaveh toponigny maro gny zagnaharin'Israely,' raha apetraky agnatrehanao gny, gny tragnoko, Davida panoponao. ²⁷ Akory Hanao, Yaveh toponigny maro, gny Zagnaharin'Israely, gny nagnambara tamigny panoponao fa hananga tragno honazy hanao> Izay gny atony nahitako, zaho panoponao, faharisiha hivavaky Aminao. ²⁸ Amizao, ry topo Yaveh, dra Zagnahary hanao, dra mendri-pitokisa gny zakanao, dra nanao io fapanatena soa io tamigny panoponao Hanao. ²⁹ Ko amizao dra, aoky hahafaly Anao gny hitahy gny tragnonigny panoponao, ba hitohy eo anoloanao mandrakizay zay. Akory Hanao, ry Topo Yaveh, gny nizaka reo raha reo, dra tamigny so-dranonao gny nitahia mandrakizay gny tragnonigny panoponao."