¹ Dra gny fa avy gny lohatao, amigny fotoa ze fandehanan'ireo pazaka hialy, dra nirahin'i Davida i Joaba, panopony, vo reo tafikIsraely aby. Nandringa gny tafik'i Amona dra nanao fahirano an'i Raba ereo. Saiky nizano tagny Jerosalema i Davida. ² Gny fa niavy gny hariva dra nifoha teo apandriany i Davida dra nandeha tagny amigny tafonigny lapany. Boak'egny izy gny nahita apela raiky teo apandroa, dra tena soasoa atia gny apela igny. ³ Noho izay dra nandefa gny momba gny apela igny i Davida. Nosy olo raiky nizaka ho: "Sy i Batseba, zanakapelan'i Eliama ra zay, dra sy gny valin'i Oria gny Hetita ra zay?" ⁴ Dra nandefa pinday hafasy i Davida dra nangalaky anazy; dra avy tagny aminazy izy, dra nindray nandry taminazy izy (akory vo avy nagnalio vata tamigny fadim-bola izy). Boak'eo dra nihery tagny atragnony izy. ⁵ Navesasy gny apela igny, dra napagniraky vo nizaka an'i Davida izy; hoy izy ho: "Bevoka zaho." ⁶ Boak'eo i Davida napagniraky tagny amin'i Joaba nanao anizahoky ho: "Alefaso aminahy atiky i Oria gny Hetita." Dra nalefan'i Joaba tagny amin'i Davida i Oria. ⁷ Gny fa avy i Oria, dra nagnotany anazy i Davida ho nanao akory Joaba, nanao akory gny tafiky, dra nanao akory gny fandehanigny aly. ⁸ Dra hoy i Davida tamin'i Oria ho: "Mizosoa agny amigny tragnonao, dra amigny lapanigny pazaka i Oria, dra nandefa fagnomeza ho an'i Oria gny pazaka tafaranigny nandehanany. ⁹ Fa nandry teo ambatrangaranigny lapanigny pazaka nindray tamireo panoponigny topony aby i Oria, dra sy nizoso tagny atragnony izy. ¹⁰ Gny fa nizaka tamin'i Davida ereo ho: "Sy nizoso tagny atragnony i Oria", dra hoy i Davida tamin'i Oria ho: "Sy boaky nandeha ra hanao? Nagnino hanao gny sy nandeha nizoso tagny atragnonao?" ¹¹ Namaly an'i Davida i Oria ho: "Gny fiara, vo Israely dra Joda dra mizano ao amireo lay, dra Joaba topoko vo toponireo panopoko dra nitoby tagny an-dohasaka. Nagnino gny ahafahako magnagny atragnoko ba ahafahako magnagny atragno ba hihina vo hino vo handry hiaraky amigny valiko? Raha bo velo vatany hanao, dra sy hanao anizay zaho." ¹² Dra hoy i Davida tamin'i Oria ho: "Mizanogna eto heky aloha andrany, fa maraindray hanao hangako handeha." Dra nizano tao Jerosalema tamin'io andro io vo gny maray i Oria. ¹³ Gny fa niaso anazy i Davida, dra nihina vo nino teo agnatrehany izy, dra nomamon'i Davida izy. Gny hariva i Oria dra niboaky ba handry miaraky amireo panoponigny topony eo apandriany; sy nandeha nizoso tagny atragnony izy. ¹⁴ Dra nony maray dra nanorasy taratasy ho an'i Joaba i Davida, dra nandefa anizay tamigny alalanigny tagnan'i Oria. ¹⁵ Davida nanorasy tao amigny taratasy nizaka ho: "Apetraho eo anoloanigny aly fatrasy indrindra i Oria, dra mela eo aminazy boak'eo, ba mety ho voavely vo voavono izy." ¹⁶ Ko raha nanao fahirano tamigny tana i Joaba, dra nanendry an'i Oria tamigny toera ze nahafatarany reo maramila fahavalo matazaky indrindra hialy izy. ¹⁷ Gny fa niboaky reo lelahinigny tana dra nialy tamigny tafik'i Joaba, dra lavo gny ilany tamireo maramilan'i Davida, dra Oria gny Hetita avo koa dra voavono tagny. ¹⁸ Gny fa nandefa zaka tagny amin'i Davida momba gny raha mahakasiky gny aly i Joaba, ¹⁹ dra nandidy gny pinday hafasy izy, nizaka ho: "Gny fa voazakanao amigny pazaka gny raha aby mahakasiky gny aly, ²⁰ gny mety hiseho dra gny ho ho ory gny pazaka, dra hizaka aminao izy ho: 'Nagnino gny nagnariny loasy gny tana hanao gny nialy? Sy fatasao ra fa mety boak'egny amigny manda ereo gny hitifisy? ²¹ Iza gny namono an'i Abimeleka zanak'i Jerobeseta? Moa sy apela raiky ra gny nandefa vato fikosoham-bary taminazy boak'egny amigny manda, ze nahafaty anazy tagny Tebeza? Nagnino hanao gny tegny amize mariny dra marininigny manda gny nandeha?' Dra sy maisy hamaly hanao ho: "Oria gny Hetita panoponao avo koa dra maty."' ²² Noho zay dra lasa gny pinday hafasy dra nandeha tagny amin'i Davida vo nizaka taminazy gny raha aby ze nagnirahan'i Joaba anazy ho zaka. ²³ Dra hoy gny pinday hafasy tamin'i Davida ho: "Natazaky noho izahay gny fahavalo tagny ambolohany; niboaky nagneo aminay teo agnahisy ereo, fa nitakarinay nihery tagny amigny fidira amigny vavahady. ²⁴ Boak'eo nitifisy tagny amireo maramilanao boak'egny amigny manda gny pitifis'ereo, dra voavono gny ilany tamireo panoponigny pazaka, dra maty avo koa Oria gny Hetita panoponao." ²⁵ Dra hoy i Davida tamigny pinday hafasy ho: "Zakao an'i Joaba zao: 'Ka atao mahaory anao tiky, fa gny sabasy dra handevo raiky vo raiky hafa. Hamafiso kokoa hanohera gny tana gny alinao, dra ravao zay,' dra apirisiho izy." ²⁶ Dra gny fa renigny valin'i Oria fa maty i Oria valiny, dra nandala tateraky gny valiny izy. ²⁷ Gny fa nisinda gny alahelony, dra napagniraky vo napoly anazy tagny amigny lapany i Davida, dra lasa valiny izy dra niteraky zanadahy taminazy. Kanefa sy nakasitrahan'i Yaveh gny nataon'i Davida.