¹ fatasika fa raha rava gny fonena eto an-tany ze ipetrahasika, dra mana tragno laha tamin'Agnahary isika. Zay dra tragno sy nataon'gny tagnan'olombelo, fa tragno mandrakizay, agnyan-dagnisy . ² Fa eto amin'itohoky tragno lay isika gny miseto, magniry fatrasy gny hisikina gny fonenasika agny an-dagnisy . ³ Magniry fatrasy anizay isika satria amin'gny fanovasika anizay dra sy ho hita mita asika. ⁴ Fa raha bo eto amin'itiho tragno -lay itiho tokoa isika, dra miay, mavesas'enta. Sy te hitana asika. Fa dra,te hagnisy isika, ba ho atelin'gny fiaigna ze mety maty. ⁵ Gny raiky ze nagnoma asika ho amin'izay raha zay andrindra dra Zagnahary , ze nagnome asika gny Fagnahy ho fanambara ze ho avy. ⁶ Noho zay dra matokia hatrany. Tongava say fa gny fa ao antragno amin'gny vata isika, dra lavisy gny Topo. ⁷ Fa mandeha amin'gny finoa isika, fa sy amin'gny fahita. ⁸ Noho zay dra mana fahatokia isika. Aleosika lavisy gny vata fa ao an-tragno miaraky amin'gny Topo. ⁹ Dra ataosika tazo zay, na agny an-tragno isika na lavisy anizay, ba hahafanarisy Anazy. ¹⁰ Fa isika aby dra sy maisy hiboaky eo alohan'gny seza fisaran'i Kristy, ba mety ahazoan'gny kirairaiky ze mifagnaraky amin'ireo raha-vita tao amin'gny vatana, dre ho amin'gny soa na ho amin'gny rasy. ¹¹ Noho zay, gny fahafatara gny tahosy gny Topo, gny handresesika lahasy gny olo. Gny maha isika asika dra hitan'Agnahary mazava. Atenaiko fa mazava amin'gny feon'gny fiereseretanareo avo koa zay. ¹² Sy miezaky gny handresy lahasy andrareo draiky zahay ba hagnety anay tahaky gny mahisy fo. Fa dra ,magnome atony ho andrareo hirehareha nohon'gny aminay izahay, ba hanagnandrareo vali-zaka ho an'ereo ze mirehareha gny amin'gny endriky ambalikiny fa sy gny amin'izay ao am-po. ¹³ Fa raha levo lasa say izahay , dra ho agn'Agnahary zay; dra raha avy tonga say soa izahay, dra ho andrareo zay. ¹⁴ Fa gny fitivan'i Kristy gny manery anay, satria azinay atoky gny ho:nisy olo raiky maty ho agny iaby, dra noho zay dra maty gny olo aby. ¹⁵ Maty Izy ho agny olo iaby, ba sy ho velo ho agny vatan'ereo sasy reo ze velo fa ho Anazy ze maty dra nasanga nohon'gny fitiava anazy reo. ¹⁶ Noho zay atony zay, manomboky zao dra sy misara na iza na iza araky gny fomban'gny olombelo isika , dre dra fa nagnety an'i Kristy tahaky anizay avo isika taloha. fa amizao isika dra sy misara dre isa dre isa manahaky anizay sasy. ¹⁷ Noho zay, raha misy olo ao amin'i Kristy , dra olom-baovao izy. Fa lasa gny raha taloha. Indreo, fa avy vaovao ereo. ¹⁸ Reo raha aby reo dra laha tamin'Agnahary. Nampihavaniny tamin'gny Vatany tamin'gny alalan'i Kristy isika, dra nomeny asika gny asa fanompoan'gny fampihavana. ¹⁹ Midika ho, ao amin'i Kristy Zagnahary gny mampihava zao totolo zao amin'gny Vatany, sy magnisa gny fahadisoan'ereo . Nahakiny taminay gny hafatry gny fampihavana. ²⁰ Dra voatendry ho mpisolon-tegnan'i Kristy izahay , manahaky gny ho amin'gny alalanay gny hanovan'Agnahary gny fitokavany. Miangavy andrareo zahay , noho i Kristy:''Mihavana amin'Agnahary!'' ²¹ Nataony avy soro ho agny fahotasika kristy. Izy gny raiky ze sy nanota mihisy. Nataony ze ba ho avy fahamarin'Agnahary ao aminazy isika.