¹ Hanomboky hidera-vata draiky se zahay? Zahay dra sy mila reo taratasy fanamaria amindrareo na avy amindrareo , manahaky gny olo sasany, sa sy zay ? ² Gny vatandrareo gny taratasy fanamaharianay , ze voasorasy ao am-posika, ze fatasy dra vakin'olo aby . ³ Andrareo dra maneho fa taratasy fagnambara laha tamin'i Kristy ,ze natolosika . Zay dra sy voasorasy tamin'gny ranomety fa tamin'gny Fagnahin'Agnahary velo. Dra sy voasorosy teo amin'gny takela-bato, fa teo amin'gny takelaky gny fon'olombelo. ⁴ Dra zay gny toky anagnasika eo anatrehan'Agnahary amin'gny alalan'i Kristy. ⁵ Isika dra sy mahefa amin'gny vatasika ba handray na ino na ino ze laha tamisika. Fa dra , gny fahefasika dra laha tamin'Agnahary. ⁶ Zagnahary gny nanao asika ba ho mpanompon'gny faneke vaovao. Zay dra faneke sy avy amin'gny sorasy fa agny Fanahy. Fa gny sorosy mamono, dra gny Fanahy magnome ay. ⁷ Dra gny asa ze niteraky fahafatesa dra voasorasy teo agn'abonin'gny vato dra avy tamim-boninahisy lahibe dra gny vahoakin'Israely dra sy afaky niteno gny tavan'i Mosesy. Zay dra noho gny voninahisy gny tavany, gny voninahisy ze nihalevo. ⁸ Ho vininahisy lahibe manahaky gny nanao akory gny asa ze ataon'gny Fanahy? Fa raha nana voninahisy gny asan'gny fagnameloha , dra hanao akory gny fitombon'gny voninahiny gny asan'gny fahamarina! ¹⁰ satria ,ze nome voninahisy draiky mandeha dra sy hanam-boninahisy sasy amin'izay fomba zay, noho gny voninahisy ze mampitombo anizay. ¹¹ Fa raha ze nagnenga avo gny nana voninahisy , dra sy hana voninahisy mihoasy noho izay se ze maharisy! ¹² Satria mana toky tahaky anizay isika, dra mahavany vatany. ¹³ Isika dra sy tahaky an'i Mosesy, ze nanaro gny tarehiny tamin'gny voaly, ba sy hahafahan'gny vahoakin'Israely magnety anazy mivata amin'gny fiafaran'gny voninahisy ze nandalovany iaby. ¹⁴ Fa gny sain'ereo dra doto. Dre dra mandrak'amizao zay volay zay dra bo mizano eo amin'gny famakia gny faneke taloha. Sy misokaky zay, satria ao amin'i Kristy avi zay gny ala. ¹⁵ Nefa dre dra amizao avo, dre ombia dre ombia gny vakia gny lalan'i Mosesy,dra manaro gny fpn'ereo gny voaly. ¹⁶ Nefa raha mitoliky amin'gny Topo gny olo, dra ala gny voaly. ¹⁷ Dra gny Topo dra Fagnahy. Ze misy gny Fagnahin'i Topo,dra misy fahafahana. ¹⁸ Dra isika aby, sy misarom-boaly, dra mahita gny voninahiny gny Topo. Isika dra fa voaova ho ao amin'gny voninahisy ho amin'gny voninahisy, ze laha tamin'gny Topo, ze sy iza fa gny Fanahy.