¹ Farane, rahalahy, mifalea ao amy ty Tompo. Tsy manahira ahike ty mampimpole manoratse rey raraha rey ho anareo. Regny raraha regny le hiaro anareo. ² Mitaoa amy reo alika. Mitaoa amy reo mpanao rate. Mitaoa amy reo fanapaha rantsam-bata. ³ Te tika ro voatapake. Vaho Tika ro manompo amy ty Fagnaihy ty Andragnahare. Vaho tika ro mirehareha ao amy ndre Kristy Jesosy, vaho tsy mitoke amy ty nofotse. ⁴ na zay kea, raho vatako le afake mianke amy ty nofotse. Laha misy ndaty mihevitse te reke le mana fahatokisa amy ty nofotse, afake manao mihoatse noho zay raho. ⁵ Nitapahy tamy ty andro fahavalo raho, terake tai amy ty vahoagn'Israely, tao amy ty arofoko ty Benjamina, Hebreo tao amy reo Hebreo raho; arake ty lalàgna, le Fariseo raho. ⁶ Tamy ty zotom-po, le nagnenjike ty fiangona raho; Laha ty amy ty fahamarigna ambane ty lalàgna, le tsy nanan-tsikone raho. ⁷ Te na ino na ino tombone ho ahike, le nirambesiko hanahake ty fatiantoke regny noho ty amy ndre Kristy. ⁸ Laha ty vantane ie, nisafiko ho mate antoke iaby reo raraha iaby noho ty habey ty fahalala ahy ndre Kristy Jesosy Tompoko. Noho Reke le nariako ty raraha iaby. Dinihiko ho fokota regny soa hahazoako ahy ndre Kristy ⁹ vaho ho hisake ao Amine raho. Tsy mana ty fahamarigna ho ahy ty vatako bak'amy ty lalàgna raho. Te kea, mana ty fahamarigna ze tamy ty alala ty finoa ahy ndre Kristy raho, fahamarigna bak'amy ty Andragnahare ze mifototse amy ty finoa. ¹⁰ Kea amy henanezao le te hahay Aze naho ty here ty fitsanganane tamy ty mate vaho ty fiombona amy reo fijaleane raho. Te hiova amy ty alala ndre Kristy raho soa hanahake ty fahafatesane, ¹¹ soa hahafahako mahatsapa ty fitsangana amy ty mate. ¹² Tsy to te fa nandrambe reo raraha reo raho, na kea tihoe avy iaby raho. Te miezake raho, Te miezake raho soa handrombahako iaze nandrombaha ndre Kristy Jesosy ahike. ¹³ Rahalahy, tsy mieritseritse raho te ty vatako le fa nandrombake zay. Te misy raraha raeke: Adinoiko ze agne afara vaho miezake ho ahy zay eo aloha raho. ¹⁴ Miezaka magnatratse ty tanjona raho soa hahazo ty loka ty mikaike bak'agne ambone bak'amy ty Andragnahare ao may ndre Kristy Jesosy. ¹⁵ Tika iaby ze matotse, lonike tika hieritseritse manahake zay; vaho laha misy eritseritsareo hafa mikasike raraha iaby, le ho aseho ty Andragnahare aminareo avao kea zay. ¹⁶ Feie, na ino na ino fa tratsentika, lonike tika himpitike amy zay. ¹⁷ Lonike ho mpangalake manahake ahike, nareo rahalahy. Diniho marinike reo ze mandeha arake ty ohatse ze hisanareo ao aminay. ¹⁸ Lahiale reo mandeha _ reo ze fa nitaliliko anareo matetike, vaho henane zao raho mitalilia aminareo amindranomaso _ manahake ty fahavalo ty hetaefijalea ndre Kristy. ¹⁹ Fandringa ro fiafara iareo. Te ty kibone ro andragnaharene, vaho ty firehareha iareo le ao amy ty hasalarane. Mieritseritse ty raraha zao tontolo zao iareo. ²⁰ Te agne an-dagnitse ty fanjakantika, ze handignasantika Mpamonje avao kea, le ty Tompo Jesosy Kristy. ²¹ Reke hagnova ty vatantika ze maleme soa ho vata manahake ty vatane feno asy, ze natao tamy ty here ty fahefane soa hampanaike ty raraha iaby amy ty vatane.