¹ Noho zay, rahalahy teako ze mahamane ahike, fifaleako naho satroboninahitso, amy zay le mitsanga soa ao amy ty Tompo, namako teako. ² Mangatake ahy ndre Eodia raho, vaho mangatake ahy ndre Syntike, miaroa say ao amy ty Tompo. ³ Vaho, mangatake aminao avao kea raho, namako mpiray joga: Ampeo reo ampela reo. Satria iareo le niara-niasa tamiko tamy ty fampieleza ty filzantsara niarake tamy ndre Klementa naho reo sisa namana mpiara-miasa amiko iaby, ze fa ao amy ty Boky ty Fiaigna ty agnara iareo. ⁴ Mifalea hatragne ao amy tyy Tompo. Nanao tihoe avao raho, mifalea. ⁵ Apoho ho hay ty ndaty iaby ty fahatsoram-ponareo. Fa marine ty Tompo. ⁶ Ko misalasala na amy ino na amy ino. Te kea, amy ty raraha amy ty alala ty vavake naho fangataha, miarake amy ty fisaora, apoho ty fangatahanareo ho hay ty Andragnahare. ⁷ Vaho ty fiadagna ty Andragnahare, ze mihoatse ty fahalalà iaby, hiaro ty arofonareo naho ty fisaignanareo iaby ao amy ndre Kristy Jesosy. ⁸ Vaho farane, rahalahy, na ino na ino to, na ino na ino manankase na ino na ino ara-drarine, na ino na ino malio, na ino na ino mahafinaritse, na ino na ino nitalily te soa, laha misy na ino na ino vantane soa, l;aha misy na ino na ino vantane soa, laha misy na ino na ino tokone hantsay, le mandiniha ahy regny raraha regny. ⁹ Reo raraha ze nianaranareo naho naho nirambesianareo naho janjinareo vaho hisanareo tamiko, ataovo regny raraha regny, vaho ty Andragnahare ty fiadagna hiarake aminareo. ¹⁰ Mifale bey ao amy ty Tompo raho satria nihavaozinareo avao kea henane zao ty fandinihanareo ahike. Fa nihevitse ahike nareo teo aloha, te tsy nisy fahafaha ho anreo soa hagnampe. ¹¹ Tsy mitalily zay raho satria ao ampo ty tsy fahampea. Te fa nianatse ty hifale amy ze toe-jaka-miseho iaby raho. ¹² Haintso ty tihoe mijale vaho haintso kea ty tihoe manam-bey. amy ty fomba iaby naho amy ty raraha iaby le nianatse ty tsiambaratelo ty fihinanam-bey naho ty hakere raho, vaho ty tihoe manam-bey naho ty tihoe eo ampo ty fahampea. ¹³ Afake manao ty raraha iaby raho amy ty alala Iaze mampahere ahike. ¹⁴ Feie, nareo nanao ty soa tamiko tamy ty fahasahiragnako. ¹⁵ Vaho nareo Filipiana mahay te tamy ty fanomboha ty filazantsara, lafa nagnenga ahy ndre Makedonia raho, le tsy nisy fiangona nanoha ahike laha ty mikasike ty fagnomeza naho fandraiza ankoatsy nareo arere. ¹⁶ Na tamy raho tagne Tesalonika kea, le nandefa fagnampea ho ahy zew nipaiko mihoatse ty ndraeke mandeha nareo. ¹⁷ Tsy tihoe mipay fagnomeza raho. Te kea, mipay ty vokatse ze mampiakatse ty hasinareo raho. ¹⁸ Nandrambe reo raraha iaby raho, vaho mana bey le bey. Te feno raho. Voaraeko bak'amy ndre Epafrodito reo raraha bak'aminareo. Reo le hagnitse magnim-pofo, ze fagnatitse azo eke naho ankasitraha ty Andragnahare. ¹⁹ Vaho ty Andragnahareko hameno ze iaby mpainareo arake ty hanagna ty hasine ao amy ndre Kristy Jesosy. ²⁰ Vaho ho ahy ty Andragnahare naho Babantika ty hasy zisikam-parane doria. Amena. ²¹ Manaova veloma ahy ty mpino iaby ao amy ndre Kristy Jesosy. Reo rahalahy ze miarake amiko le manao veloma anareo. ²² Reo mpino iaby ze eto manao veloma anareo, losotse reo ze bak'ao amy ty hasaveregna ndre Kaisara. ²³ Ty fahasoava ty Tompo Jesosy Kristy hoa my ty fagnahinareo. [Fagnamariha: Misy reo fandika sasane magnmpe tihoe: "Amena."