¹ Iraho le ndaty ze nahisake fijalea tambane ty hetae ty sia gn'Yaveh eo. ² Nitaritane naho nampandehanane tamity ieke raho fa tsy tamity zava. ³ Mete fa nivalike ty tagnane handietse ahy avao re, tamity andro raike. ⁴ Nanmpalemene ty nofoko naho ty holiko; tinampane taolako reo. ⁵ Nananga faherano handietse ahy re, vaho nilakoroene zaka-mafaitse naho zaka tsarotse raho. ⁶ Nampipoke ahy tamy reo tana maieke ao, manahake reo ze fa mate nagnodidy ahy re kea tsy afa nilay raho. Nampavesarene ravako reo ⁸ vaho na le mikaike mafe naho mikaike vonje aza raho, le ampitsignene ty vavako. ⁹ Sinakane tamity manda vita tamity vato vita paike ty lalako; dinisone ty lalako. ¹⁰ Manahake ty bera miambe hanafike ahy tampoke re, liona amity fivoniane ao; ¹¹ navione ty lalako, natobone raike raho. ¹² Nagneja ty kiditse re vaho nampitoboke ahy manahake ty kendre ty kidine. ¹³ Nitomboke ty voako tamity fitoboha gn'izay re. ¹⁴ Nizare fikizahe ho ahy ty ndatiko iaby raho, zaka ty fikizaha gniereo isan'andro. ¹⁵ Finenone jale raho tinerene hino zaka-mahafate. ¹⁶ Pinotepotene tamity tsilan-bato ty nifeko; natosene tagnate lemboke ao raho. ¹⁷ Nafahane tamity fiadagna ty fagnahiko; halignoko zeo hafalea zao. ¹⁸ Kea le hoe raho tihoe: "Rava ty faharetako vaho hoe izay kea ty fagnatenako amy Yaveh." ¹⁹ Tadidio ty fijaleako naho ty firiorioko, iaze zaka mahafatey naho zaka mafaitsey. ²⁰ Tadidiko avao zay vaho miondreke agnate ao raho. ²¹ Fa tadidiko zay kea le mana fagnatena raho. ²² Ty fiteava tsy miova gn'Yaveh le tsy misy fijanogna vaho tsy misy fiafarane ty fangorine, ²³ vaovao isake maraindray re; bevata ty tokignao. ²⁴ "Yaveh ro lovako.", hoe raho, naho izay le hagnategna aze raho. ²⁵ Yaveh le soa ho ahy reo ze mianbe aze, ho ahy reo ze mila aze. ²⁶ Soa ty miambe avao ty famonjea gn'Yaveh. ²⁷ Soa ho ahy ty ndaty ty hindaisane ty jogane tamity hajajane. ²⁸ Ao re hitoboke raike avao, lahafa atoboke amine zay. ²⁹ Ao re hametsake ty vavane amity lemboke eo-vasa hisy ty fagnatena. ³⁰ Ao re hagnomey ty fifine ahy ze mamango aze, vaho ao ho feno fahafaham-baraka re. ³¹ Fa tsy handietse antika zisikagne ty Tompo, ³² fa na le mahavy alahelo aza re, le hana feregnay amity habevata ty fiteane tsy mivalike. ³³ Satria tsy nampijale ty an-pone ao na mampijale ana gnondaty reo re. ³⁴ Ty mandialia gadra reo iaby an-tane eto, ³⁵ ty mandietse ty rarene ho ahy ty ndaty agnoloa iaze abo vataney eo, ³⁶ ty mandietse ty rarene ho ahy ty ndaty raike-le tsy eke ty Tompo ty zaka manahake izay! ³⁷ Ia ty nivola ka niseho zay, laha tsy tihoeke nagneke izay ty Yaveh? ³⁸ Feie vao tsy bakamity fitava iaze abo vataney vao ro hiavia loza reo naho ty soa? ³⁹ Hanao akore ty hitoreova ty ndaty velo iaby? Hanao akore ty hahafaha ty ndaty mitoreo mikasike ty fagnafaiza hadisoane reo? ⁴⁰ Ndao tika handineke lalantika reo vaho hitsapa iereo, vaho ndao tika hihere amy gn'Yaveh agne. ⁴¹ Ndao tika hanondrotse ty arofontika naho ty tagnantika amy Nagnahare an-dagnitse agne tihoe: ⁴² "Nandietse naho nivory zahay, vaho tsy nagnenga ty hadisoa riha. ⁴³ Nandrakoke ty vatagnao tamity siake riha vaho nagnaraty anay, namono riha vaho tsy nitsetse. ⁴⁴ Nandrakoke ty vatagnao tamity raho riha mba tsy hisy vavake afake hilitse. ⁴⁵ Nanao manahake ty lo maoloto naho niliere tamy reo firene eo zahay. ⁴⁶ Magnozo anay rafeney iaby reo, ⁴⁷ niavy taminay ty tahotse naho ty fitake, ty harava naho hapoteha. ⁴⁸ Magneno rian-dranomaso masoko reo satria rava ty ndatiko. ⁴⁹ Hitagny tsy agnikijano, tsy misy kimijano masoko reo, ⁵⁰ zisin-pagneteane ambane kea hahisake bak'andagnitsegne ty Yaveh. ⁵¹ Miterake alahelo ho ahy ty masoko naho reo anak'ampela ty tanako iaby. ⁵² Nila rafeko reo manahake ty voro raho; nila gniereo tamity tsy misy antone raho. ⁵³ Natora gniereo tagnate lavake ao raho vaho tinora gniereo vato, ⁵⁴ vaho tinonjake rano ty lohako. Hoe raho tihoe: "ho mate raho!" ⁵⁵ Nikaike ty agnaranao, bakao amity halale ty lavake raho, gea Yaveh. ⁵⁶ Regnao ty feoko lahafa nivola raho tihoeke: "Ko manampen-tsofy amity kaeko." ⁵⁸ Tompo eh, niaro ty aliko riha, nagnavotse ty aiko riha! ⁵⁹ Nao gea Yaveh, hisagnao ty raty nanoe gniereo tamiko; tsarao ty aliko. ⁶⁰ Hisagnao ty fagnaratiaratia gniereo, ty kasa draty iaby nanoe gniereo tamiko- ⁶¹ regnao ty kizagniereo, gea Yaveh, naho ty kasa gniereo iaby tamiko. ⁶² Ty sogny gniereo ze mitsanga mandietse ahy, naho ty fanara gniereo ahy, le avy san'andro. ⁶³ Henteo ty fomba fitoboha gniereo naho fitsanganane bakeo; magnaraty ahy amity antsane iereo. ⁶⁴ Valeo amy ze nanoe gniereo, gea Yaveh. ⁶⁵ Tsy ho megnare nao ty fo gniereo! Lonike ho amy gniereo eo ty helognao! ⁶⁶ Magnidy iereo aman-tsiake riha vaho mamoteke iereo bak'ambane ty lagnitse ao, gea Yaveh!