¹ Nandrakoke ty anak'ampela Ziona tambane ty raho ty siane ao ty Tompo. Nariane bak tsegne tamity tane ty famirapirata Israely. Tsy nahatiaro ty fitobohan-tobone re tamity andro ty siane. ² Fa nitele naho tsy nana ferenay tamity tana Jakoba iaby ty Tompo. Tamity andro ty siane ro nandravane tana reo mimanda ty anak'ampela i Joda; tamity fahafaham-baraka ro nitonta ty fanjaka naho mpandiline reo tamity tane. ³ Tamity siake mafe ro nandiliane ty tsifa Israely iaby. Nafahane tagnoloa ty rafene eo ty tagnane ankavana. Noroa manahake ty afo milebaleba ze mandrapake ty zaka iaby magnodidy aze ty Jakoba. ⁴ Manahake ty rafe ro nagnidignane ty kiditse tamintika, vagno ty hitifitse ty ankavanane. Vinonone iaby ze tena nagneke aze tamity tana ty anak'ampela i Ziona ao; navotsone manahake ty afo ty siane. ⁵ Nizare manahake ty rafe ty Tompo. Natelene ty Israely. Natelene iaby ty lapane iaby. Fa rinobane fiarone mafe reo. Natombone ty fandala naho ty fitagnia tamity anak'ampela i Joda eo. ⁶ Namango ty tabernakely manahake ty tragno boka ampisy folera egne re. Rinobane ty fitoboham-piangona magnetseketseke. Fa nampagnaligno ty fiangona magnetseketseke naho ty sabata ta Ziona ao ty Yaveh, fa fa nanoene tsisy dikane tamity tsy fagnaja ty siane ty mpanjaka naho ty mpisoro. ⁷ Nagnary ty alitarane ty Tompo vaho nandietse ty fitobohane masy. Nameane tan-tagna ty rafe ty manda lapane reo. Nanondrotse korake tan-tragno gn'Yaveh ao, manahake ty tamity andro fampiavia voatingy iereo. ⁸ Nanampake ty hanimba ty manda ty tana ty anak'ampela i Ziona ty Yaveh. Hinenjane ty taly fagnametara vaho tsy nitanjake ty tagnane tsy handrobake ty manda re. Nampitagny ty tovon-tane naho ty manda re; nirae nikoramake reo. ⁹ Nitonta tamity tane vavahadin reo; rinobane naho nivakiene ty hily vavahadine reo. Ty mpanjakane naho roandria reo le tamy reo firene eo, tsy nisy sasy ty lily tsy nahisaha fahisaha bakamy Yaveh mpitokine reo. ¹⁰ Nitoboke taman-mpadineha tamity tane roandria ty anak'ampela i Ziona reo. Nanorake lemboke tan-dohane eo iereo vaho nanao lamba fandala. Nagnodreke ty lohane tamity tane kolo gny Jerosalema reo. ¹¹ Kitire ty ranomaso bakamy reo ty masoko; magnoritoke ty vavoniko; niroroke tamity tane ty tagnateko ao naho ty halany ty anak'ampele ty ndatiko, ty harera gnireo kolo naho ty aja amy reo lala ty tana egne. ¹² Hoe iereo amity renene: "Aia ty vare naho ty divae?" laha rerake manahake ty ndaty fere amity lala ty tana gniereo egne, nitsororoke an-tratra gnireo renene egne ty ay gnireo. ¹³ Ino ty azoko volagne aminao, ty anak'ampela Jerosalema? Amity ino ty ampitovizeko, mba hahafahako magnono anao, ty anak'ampela tsy mahavany lahy i Ziona? ZTy ferenao le bevata manahake ty riake. Ia ty afake hagnafake anao? ¹⁴ Fa nahisake fahisaha diso naho tsy sahaza ho anao mpitokinao reo. Tsy ¹⁵ Ireo aby ze mandrio an-dala egne le mipo-tsatsok'aminao. Mililia naho mihifikifi-doha amity anak'ampela Jerosalema iereo sady mivola tihoe: "Tsy toy va rie iaze tana ze kaihe gniereo tihoe'Iaze hasoa le tsisy kiagney,' 'Iaze hafalea ho ahy ty tane iaby'?" ¹⁶ Manoka-bava naho magnaraty anao ty rafenao iaby. Manao fihehea miharo kizake naho mihily vaza iereo ro mivola tihoe: "Fa natelegnay re! Intoy iaze andro fa nambenagnay! Niay mba hagnete izay zahay!" ¹⁷ nanoe gn'Yaveh ze vinetsevetsene hatao. Nagnantanterake ty tsarane re. Rinavane tsy nisy zaka hampijale riha, fa nameane lala ty rafe mba hofale aminao eo re; nasondrone ty tsifa rafenao reo. ¹⁸ Nitoreo tamy Tompo ty arofo gniereo, le manda ty anak'ampela i Ziona reo! Arotsaho manahake ty renerano isan'andro ty ranomasognao. Ko magnomey fitofa ho ahy ty ranomasognao. ¹⁹ Mifohaza, mangataha amity hale, le amity fanomboha ty fiambena hale! Araraho manahake ty rano agnoloa ty tarehe i Tompo ty fognao. Asondroto ho aze ty tagnano ho ahy ty ay anagnao reo ze rerake ty hakere an-kotron-dala eo iaby." ²⁰ Henteo, Yaveh, ka dineho reo ze nanao ze fomba zay. Feie vao tokone hihina ty naboa ty tso oampela reo, le anake ze nibeizene reo? Feie vao tokone ho vonoe amity pilasine masy ao ty Tompo ty mpisoro naho ty mpitoky? ²¹ Sambe miroro amity lembo lala reo eo ty kede naho ty antetse. Lavo ty mesobey jampelako naho pamarakiko reo; vinononao tsy misy feregnay iereo. ²² Kinaenao, manahake ty nikaihano ty ndaty ho amity andro fifalea, nagnodidy ahy iaby ty tahotse, tamity andro ty sia gn'Yaveh le tsy nisy afa nilay na tafaboake velo; reo ze fa kinarakarako vaho tinezako, le linany ty rafe.