¹ Lahafa vita zaka reo, le nagnato ahy manan-kasy reo vaho nanao tihoe: "Ty vahoa Israely, mpisoro reo, vaho Levita reo le tsy nanarake ty vata gniereo tamy ndaty reo baka an-tane hafagne naho ty haratiane: le Kananita reo, Hitita, Perizita, Jebosita, Amonita, Moabita, Egyptiana vaho Amorita. v 2Fa nalae gniereo ty ilane tamy anak'ampela naho anale lahy reo, vaho naharo gniereo tamity vahiny ty vahoake masy, vaho manan-kasy reo naho mpiatarike reo ty voalohane tamy gnize tsy fatokia zay." ³ Lahafa naharey izay raho, le nandriatse ty sikiko naho ty ankajo lavako ka nagnombotse ty volondohako, vaho nitoboke, potepoteke. ⁴ Iaby reo ze nampatahotse tamity tsara ty Zagnahare Israely mikasike ze tsy fitokia zayle nivory tamiko eo laha ire nitoboke am-pimegnara zisikamity raketse hariva igne raho. ⁵ Fa tamity raketse hariva le niare bakamity pilasy ty fahafaham-barakako tamity fisikanako naho ty akanjoko lava driatse raho, kea nandohalike vaho namelatse ty tagnako ho amy gn'Yaveh Zagnahareko. ⁶ Hoe raho tihoe: "Zagnahareko eh, megnatse naho maeakeake ty hanondrotse ty tareheko aminao eo raho, fa mihoatse ty lohagnay ty hadisoagnay, vaho ty hadisoa gnay mivory zisik'andagnitse agne. ⁷ Nanomboke tamity andro ty razambegnay zisik'amizao le tagnate hadisoa bevata zahay. Tagnate ty helognay zahay, mpanjakagnay reo, naho mpisoro gnay reo ro namea ho an-tagna mpanjaka ty tane toy, ho amity mesobey ao, ho amity fagnadevoza eo, ho amity ndevo eo naho ty tarehe maeakeake eo, manahake anay te henane. ⁸ Amizao nefa tagnate andro bory, le niavy taminay ty tsestse bakamy gn'Yaveh Zagnaharenay hagnega sisa velo aminay eo ka hagnomey anay fipiteha amity fitobohane masy eo. Ahy ty Zagnaharenay ty magnazava ty masognay naho magnomey fijanogna kele amity fagnadevoa anay. ⁹ Fa ndevo zahay, nefa tsy nagnaligno anay ty Zagnaharenay fa nagnitatse ty fagnekea mafe taminay. Nanao izay tamaso ty mpanjaka ty Persia eo re hagnomey here vao ho anay, hahafagnay magnore ty tragno ty Zagnaharenay ndraike ka hananga ty haravane. Nanao izay re hagnomezane lakoro fiaro ho anay a Joda ao naho a Jerosalema ao. ¹⁰ Fa amizao kea, nao Zagnaharenay, ino ty azognay atalily afara gnizao? Nagnaligno lilignao reo zahay, ¹¹ le ty lily ze nameanao mpitoky mpanompognoa reo, lahafa nivola riha tihoe: "I ty tane ze iliragnareo ho hanagnanareo toy le tane maloto. Lotoe ty ndaty ty tane toy tamity haratia gniereo zay. Fineno gniereo ty halotoa gniereo zisikagne amy iaze raikey zisikagne amity hafa zay. ¹² Amizao, vaho, ko amea ty ana gniereo lahy ty anak'ampela; ko mangalake ty ana gniereo vave ho ahy ty anagnareo lahy, vaho ko mila filongoa naho fagnampea amy gniereo, hahamafe anareo vaho hihina ty soa bakamity tane, kea hahavy ty anagnareo ho tompo gnizay amity andro iaby." ¹³ Kanefa tafara ty zaka iaby ze nahazo anay anho ty sata ratignay naho ty hadisoagnay bevata-satria riha, Zagnaharenay,le nintanjake ze sahaza ty hadisoagnay kea nagnega anay ho velo- ¹⁴ tokone handika lilignao reo ndraike vao zahay ka hifanambaly amy vahoake vetaveta reo? Tsy ho meloke vao riha ka handrobake anay tsy hisy tavela, tsy hisy raike ho tafalay? ¹⁵ Nao Yaveh, Zagnahare Israely, mare ndriha, fa tsy ampe zahay ty sisa velo amy ze andro zao. Ingo! Intoa zahay agnoloanao eto amity hadisoagnay, fa tsy misy afake hintsanga agnoloagnao eo naho ty amy gnizay.