² Amity foko ndre Finehasa, le i Gersona. Amity foko ndre Itamara, le i Daniela. Amity foko ndre Davida, le re Hatosy, ³ ze bakamity foko ndre Sekania, ze bakamity foko Parosy; vaho Zakaria, vaho nisy lahilahy 150vitaisake tamity rake ty teterane niarake tamine. ⁴ Amity foko ndre Pahata-moaba, le Elihoenay anake lahy ndre Zerahia vaho niarake tamine le nisy roanjato lahy. ⁵ Amity foko Sekania, le Beni-Jahaziela vaho niarake tamine nisy telonjato lahy. ⁶ Amity foko Adina, le Ebeda anake lahy ndre Jonatana vita isake. ⁷ Amity foko Elama, le Jesaia anake lahy Atalia vaho niarake tamine nisy fitompolo lahy vitaisake. ⁸ Amity foko Sefatia, le Zebadia anake lahy Mikaela vaho niarake tamine nisy valompolo lahy vita isake. ⁹ Amity foko Joaba, le Obadia anake lahy Jehiela vaho niarake tamine nisy 218lahy vita isake. ¹⁰ Amity foko Selomita anake lahy Josifia le nisy 160lahy vita isake niarake tamine. ¹¹ Amity foko re bebay, le Zakaria anake lahy ndre Bebay vaho nisy valo amby ropolo lahy vita isake niarake tamine. ¹² Amity foko ndre Azgada, le Johanana anake lahy ndre Hakatana vaho nisy 110lahy vita isake niarake tamine. Reo ze bakamity foko Adonikama ro niavy tafara atoy. ¹³ Intoa iaby ty agnara gniereo:Elifeta, Jeiela, Semaia, vaho niarake tamy gniereo nisy enempolo lahy. ¹⁴ Amity foko re Bigvay, le Otahy, naho re Zaboda vaho nisy fitompolo lahy vita isake niarake tamine. ¹⁵ Navoriko mpandeha reo tamity lakandrano ze mba Ahava mbeo, vaho nivory telo andro teo zahay. Nagnotane ty vahoake nahompisoro reo, nefa tsy nahisake foko Levy tao mihintsy. ¹⁶ Le nampikaike andre Eliezera, Ariela, Semaia, Elnatana, jariba, naho Elnatana naho Natana, Zakaria, vaho Mesolama-ze mpitarike-vaho andre Joariba naho Elnatana-ze mpagnanatse raho. ¹⁷ Magnarake izay le niraheko ho amy Ido agne, mpitarike a Kasifia ao reo. Nataliliko iereo ho volagne amy Ido naho longone reo, mpanompo ty tempoly mitoboke a Kasifa agne reo, le ty, handefasa mpanompo ho ahy ty tragno ty Zagnahare ho aminay atoy. ¹⁸ Le nandefa lahilahy raike kaihe tihoeke Serebia, lahilahy maly tamignay tamity tana soa Nagnahare ierero. Ire le foko ndre Maly anake lahy ndre Levy anake Israely. ¹⁹ Niavy niarake tamity anake lahy naho rahalahy valo ambiny folo re. Niavy niarake tamine ty Hasabia. Nisy andre Jesaia, raike amy anake lahy ndre Merary reo, niarake tamy rahalahine reo naho anake lahy gniereo avao kea ierero, ropolo lahy ty fiharoane. ²⁰ Amy reo ze tiningy hanompo an-tempolo ao, ze namea ndre Davida naho manan-kasy reo hanompo any Levita reo le: 220, sambe tiningy tamity agnarane iaby. ²¹ Le natalily fifalian-kane tamity Lakan-drano Ahava raho hivola ty vatagnay agnoloa Nagnahare eo, mba hila lala mahity bakamine ho anay, ty kolo mboe kele, vaho hanagnane reo iaby. ²² Megnatse ty hangatake miaramila na mpitikitsovy tamity mpanjaka mba hiaro anay amy fahavalo reo tan-dala egne raho, satria fa nivola tamity mpajaka zahay tihoe: 'Ty tagna Nagnahare le amy ze iaby ze mila aze amity soa, fa ty herene naho ty siane le amy iaby ze magnaligno aze.' ²³ Kea nifaly hane naho nila a Nagnahare mikasike izay zahay, vaho nangatake tamine. ²⁴ Magnarake izay le nitingy lahilahy roe ambine folo tamy manan-kasy reo ty fisorogna raho; Serebia, Hasabia, vaho folo tamity rahalahy gniereo. ²⁵ Nandanja volafoty, volamena, vaho zaka naho raketse ho ahy ty tragno Nagnahare ze namea ty mpanjaka, mpanoro sae reo naho manan-kasy, naho reo ze namea ty Israely iaby avao hoe iereo raho. ²⁶ Le nandaja talenta volafoty 650, talenta zaka volafotyzato, talenta volamena zato, ²⁷ finga volamena ropolo ze nipololotse agnarivone, vaho kojakoja varahy roe namirapiratse soa ze sarobily manahake ty volamena tan-tagna gniereo eo raho. ²⁸ Le hoe raho tamy gniereo tihoe: "Natoka ho ahy gn'Yaveh nareo, vaho zaka retoa avaokea, naho ty volafoty vaho ty volamena le raketse antsitrapo ho ahy Yaveh, Zagnahare ty razagnareo. ²⁹ Ambeno reo vaho ambeno zisim-pandajagnareo ze agnoloa ty manan-kasy eo ty fisorogna, Levita, vaho mpitarike reo ty foko ndraza gn'Israely a Jeorsalema ao amy efetse reo ty tragno Nagnahare". ³⁰ Nagneke ty volafoty, volamena, naho zaka vita lanja mpisoro reo naho Levita reo mba hindaisa gnizay a Jerosalema agne, antragno ty Zagnaharenay ao. ³¹ Niboake bakao amity Lakan-drano ndre Ahava zahay tamity andro faharoa ambine folo ty vola voalohane mba hindeha ho a Jerosalema agne. Tamignay eo ty tagna ty Zagnaharenay; niaro anay tamity tagna ty fahavalo naho ndaty reo zenagniry ty hanafike anay tampoke tan-dala egne re. ³² Le nilitse ta Jerosalema agne zahay vaho nitoboke tao zisike ty telo andro. ³³ Vaho tamity andro fahefatse le binata tan-tragno Nagnahare ao tan-tagna ndre Meremota anake lahy ndre Oria mpisoro teo ty volafoty, volamena, naho zaka reo, vaho niarake tamine Eleazara anake lahy ndre Finehasa, Jozabada anake lahy ndre Jesoa, vaho Noadia anake lahy ndre Binoy iaze Levitay. ³⁴ Misy farane ty isake naho ty vesa ty zaka iaby. Sinoratse iaby ty vesatse iaby tamy ze andro zay. ³⁵ Ndaty ze nihere bakamity fagnadevoa reo, ty ndaty vita sesentane , le nagnomey raketse oroa ho ahy Zagnahare Israely: agnombe roe ambiny folo ho ahy Israely iaby, agnodry lahy ene gnabamby sivampolo, anak'agnodry fito amby fitompolo, vaho aose lahy roe amby folo ho raketse naho ty hadisoa. Raketse oroa ho ahy gn'Yaveh iaby ro. ³⁶ Le namea gniereo ho ahy manan-kasy ty mpanjaka ambone naho governora reo tamity faretse Andafe ty Rano ty lily ty mpanjaka, vaho nagnampe ty vahoake naho ty tragno Nagnahare iereo.