¹ Vaho tafara gnizay, zisike ty nanjaka ndre Artaksersesy mpanjaka Persia, le niboake bakagne Babylona ty Ezra. Razagna gny Ezra reo le i Seraia, Azaria, Hilklay, ² Saloma, Zadoka, Ahitoba, ³ Amaria, Azaria, Meraiota, ⁴ Zerahia,Ozy, Boky, Abisoa, Finehasa, Eleazara,ze anake lahy ndre Arona mpisorombey. ⁶ Niboake bakagne babylona ty Ezara vaho ire le mpanora-dily mahay soa ty lily ndre Mosesy,ze fa namea gn'Yaveh, Zagnahare Israely. Namea ty mpanjaka aze ze iaby nangatahane satria niarake ty tagna gn'Yaveh re. ⁷ Ty ilane tamy foko Israely reo naho mpisoro reo, Levita, mpiantsa ty tempoly, mpiambe vavahady, vaho reo ze tinendre hanompo tan-tempoly ao le niboake ta Jerosalema ao avao kea tamity tao fahafito ambine folo nanjaka ndre Artaksersesy Mpanjaka. ⁸ Le niavy ta Jerosalema agne tamity vola fahadime tamo tao o avao re. ⁹ Niala ta Babylona ao tamity andro voaloha ty vola voalohane re. Tamity andro voaloha ty vola fahadime ro niaviane ta Jeroslema ao, satria niarake ty tagna soa Nagnahare re. ¹⁰ I Ezra le nampipoke ty fogne hianatse, hagnefa, vaho hagnanatse lily reo naho lily ty lily gn'Yaveh. ¹¹ Ezao ty lily ze namea gny Artaksersesy mpanjaka andre Ezra mpisoro naho mpanora-dily ty lily aman-dily gn'Yaveh ho ahy Israely: ¹² "Artaksersesy Mpanjaka ty mpanjaka, ho andre Ezrampisoro, mpanora dily ty lily Nagnahare ty lagnitse. ¹³ Iraho le mandily fa ty ndaty iaby baka Israely ao amity fanjakako miarake amy mpisoro reo naho Levita gniereo ze magniry ty hindeha ho a Jerosalema agne, le afake miarake aminao. ¹⁴ Iraho, mpajaka, naho mpanoroko fito reo, le magnirake anareo iaby hagnotane mikasike andre Joda naho Jerosalema manahake ty lily Nagnahare, ze an-tagnanao eo. ¹⁵ Tsy maintsy indesegnareo ty volafoty naho ty volamena ze fa namea gniereo malalake tamity Zagnahare Israely,ze a Jerosalema agne ty fitobohane. ¹⁶ Ameo malalake ty volafoty naho ty volamena iaby ze namea ty Babylona iaby niarake tamy ze fa namea ty vahoake naho mpisoro reo malalake ho ahy ty tragno Nagnahare a Jerosalema agne. ¹⁷ Kea miviliana agnombe, agnodry lahy naho anak'agnodry, vaho raketse hohane naho raketse nome maro vatane. Ameo amity alitara eo ze amity tragno ty Zagnaharenao ao a Jerosalema agne reo. ¹⁸ Ambe volafoty reo naho volamena le anovo ze hisagnao fa soa ho anao naho rahalahinaoreo, hamalefale ty Zagnaharenao. ¹⁹ Atoboho agnoloane eo ho ahy ty asa fiasa amity tragno Nagnahare a Jerosalema agne zaka ze namea anao malalake reo. ²⁰ Ze zaka hafa iaby paia ho ahy ty tragno ty Zagnahare ilaenao, le alao amity fagnajarian-bolako ao ty vilignizay. ²¹ Iraho, Artaksersesy Mpajaka, le manao lily ho ahy mpagnajary vola amity faretse Andafe ty Rano agne reo, fa ty zaka iaby ze angatahe ndre Ezra aminao le tokone hamea iaby, zisikamity talenta volafoty zato, vare zato kora, divae zato vata, vaho diloilo zato vata, ²² vaho kea sira tsy misy farane. ²³ Ze zaka iaby bakamity lily ty Zagnahare ty Lagnitse, le anovo miarake amity fagnomezan-tegnane zay. Fa nanao akore ty siane ro ho avy amity fanjakako eo naho anake lahy reo? ²⁴ Ampahaienay iereo ty mikasike anao ze tsy hila haba na hetra amy mpisoro iaby reo, Levita reo, mpititike zakamagneno reo, mpiambe vavahady reo, na amity vahoake tiningy ho amity asa ty tempoly eo vaho mpanompo ty tragno ze Zagnahare zay. ²⁵ Nao Ezra, amity fahendrea ze fa namea Nagnahare anao, le mitingy mpitsara naho ndaty lalen-tsae hiasa vahoake iaby reo amity faretane Andafe ty Rano agne, vaho hiasa ty ndaty ze mahay ty lily Nagnaharenao. Magnanara reo ze tsy mahay ty lily avao kea. ²⁶ Faizo ty ndaty ze tsy magneke vatane ty lily Nagnahare na ty lily ty mpajaka, na amity fate, na fandroaha, fandania ty hanagna gniereo, na hagadra. ²⁷ Mirengea ani Yaveh, Zagnahare ty rzantika, ze nagnisy ze iaby tan-po ty mpajaka hamen-kasy ty tragno gn'Yaveh a Jerosalema agne, ²⁸ vaho ze nagnomey ty fagnekea mafe tamiko tagnoloa ty mpajaka eo, mpnoro sae reo, vaho manan-kasy mafe iaby reo. Fa nihamafese tamity tagna gn'Yaveh Zagnahareko raho, vaho namory mpitarike baka Israely agne hiarake amiko.