¹ Laha mboe nivavake naho nagneke hadisoa ty Ezra, le nitagny re vaho niondreke tagnoloa ty tragno Nagnahare eo. Lahilahy Israelita, kolo amanan-pela maro bey ro nitangoro tamine eo, fa nitagny mafe vatane ndaty reo. ² Hoe ty Sekania anake lahy Jehiela foko Elama tamy Ezra tihoe: "Fa tsy natoky tamin-Nagnahare zahay vaho nanambaly ampela hafa firene reo bakamity vahoa otane hafao. Kanefa ndra le ao aza zay, le mboe misy fagnatena ho ahy Israely. ³ Kea ao zahay hanao filongoa amity Zagnaharenay handroake ampela iaby reo naho anane reo manahake ty fagnanara ty Tompo naho ty fagnanara reo ze natahotse tamy lily Nagnahare reo, vaho ao zay hoeke manahake ty lily. ⁴ Mitsangana, fa ze zaka zay le ho toignenao, vaho zahay le miarake aminao. Mimafesa vaho anovo zay." ⁵ Kea mitsangana Ezra vaho nampagnategna manan-kasy reo ty fisorogna, Levita reo, vaho ty Israely iaby hanao manahake izay. Kea le nanao fiagna magnovokovoke iereo iaby. ⁶ Bakeo nitsanga baka agnoloa ty tragno Nagnahare eo ty Ezra vaho nindeha tamity efe ndre Johanana anake lahy ndre Eliasiba ao. Tsy mba nihina mofo na ninon-drano re, satria nandala ty hakele ty finoa gnireo ze fa tamity fagnadevoa ao re. ⁷ Kea nandefa tsara ta Joda egne naho Jerosalema ho ahy ndaty nihere bakagne an-tsesetane iereo hivory a Jerosalema ao. ⁸ Ze iaby avy tagnate ty telo andro manahake ty fagnanara bakamy manan-kasy naho roandria reo le nafaha tamy gniereo ty hanagna gniereo iaby vaho nafaha tsy ho amity fiharoa mbey reo ze nihere baka antsesetane agne. ⁹ Kea nivory ta Jerosalema ao zisike ty telo andro ty lahilahy baka a Joda naho benjamina agne iaby. Izay le tamity vola fahasive vaho tamity andro faharopolo ty vola. Nitsanga tamity andro tane-bey malalake nagnoloa ty tragno Nagnahare ty ndaty iaby vaho natahotse naho itsaray naho ty ora. ¹⁰ Nitsanga ty Ezra mpisoro vaho nivola tihoe: "Fa nivalike nareo. Nanambaly ampela hafa firene nareo vaho nampitombo ty hadisoa gn'Israely. ¹¹ Fa amizao le mirengea ani Yaveh, Zagnahare razagnareo reo, vaho anovo ty teane. Misaraha amity ndaty tompo tane naho amy ampela hafa firene reo." ¹² Namale tamity feo abo ty fivoria iaby tihoe: "hanao manahake ze vinolagnao zahay. ¹³ Ndre izay aza, maro ndaty reo, vaho fotoa gnora zao. Tsy mana here hitsanga ambaliketoy zahay, vaho izay le tsy sata raike ndre roe andro avao, satria fa nanao hadisoa bevata tamy ze raraha zay zahay. ¹⁴ Kea ao ty mpandilignay hisolo tegna ty fivoria iaby. Ao ze nagnega ampela reo bakamity firene hafa hitoboke amity tanan-tika ho avy amity andro ze ho tondroe miarake amy roandria ty tana reo naho mpitsara reo amity tana zisipiala ty firehe ty sia ty Zagnaharetinka amintika." ¹⁵ Nandietse izay ty Jonatana anake lahy Asahela naho Jahaza anake lahy Tikva, vaho nanoha iereo ty Mesolama naho Sabetahy Levita. ¹⁶ Kea nanao izay ndaty reo nihere baka an-tsesetane agne. Ezra mpisoro le nifily lahilahy reo, mpitarike tamy foko reo naho longo razambey gniereo reo-tamity agnara iereo iaby, vaho nandineke ty raraha tamity andro voalohane tamity vola voalohane le nahavita namolily ze lahilahy nirae toboke tamity ampela hafa firene iereo. ¹⁸ Nisy tamy foko mpisoro reo ty nanambaly ampela hafa firene. Tamity foko Jesoa anake lahy ndre Jozadaka naho rahalahine reo le nisy andre Mahaseia, Eliezera, Jariba, naho Gedalia. ¹⁹ Kea le tampakevetse ty handroake valine reo iereo. Satria diso iereo, le nagnomey agnodry lahy tamy agnodry reo iereo naho ty hadisoa gniereo. ²⁰ Tamy foko Imera reo le: re Hanany naho Zebadia. ²¹ Tamy foko re Harima reo: re Mahaseia, Elia, Semaia, Jehiela, vaho Ozia. ²² Tamy foko re pasora reo: re Elioenay, Mahaseia, Ismaela, Netanela, Jozabada, vaho Elasa. ²³ Tamy Levita reo le: re Jozabada, Simey, Kelaia-ze, Kelita, Petahia,, Joda. ²⁴ Tamy mpiantsa reo: re Eliasiba. Tamy mpianbe vavahady reo le: re Saloma, Talema, vaho Ory. ²⁵ Tamy Israelita sisa reo-tamy foko Parosa reo le: re Rimia, Jizia, Malkia, Miamina, Eleazara, Malkia, vaho Benaia. ²⁶ Tamy foko Elama reo le: re Matania, Zakaria, Jehiela, Abdia, Jeremita, vaho re Elia. ²⁷ Tamy foko re zato reo le: re Elioenay, Eliasiba, Matania, Jeremita, Zabada, vaho Aziza. ²⁸ Tamy foko Bebay reo le: re Johanana, Hanania, Zabay, vaho Atlay. ²⁹ Tamy foko re bany reo le: re Mesolama, maloka, Adaia, Jasoba, vaho Seala Jeremota. ³⁰ Tamity foko ndre Pahata Moaba le: re Adna, Kelala, Benaia, Mahaseia, Matania, Bezaiela, Binoy, vaho Manase. ³¹ Tamity foko re Harima le : re Eliezera, Jisia, Malkia, Semaia, Simeona, ³² Benjamina, Maloka, vaho Semaria. ³³ Tamity foko ndre Hasoma le: re Matenay, Matata, Zabada, Elifeleta, Jeremay, Manase, vaho Simey. ³⁴ Tamity foko ndre Bany le: re Miday, Amrama, Olea, ³⁵ Benaia, Keloho, ³⁶ Vania, Meremota, Eliasiba, ³⁷ Matania, Matenay, vaho re jasao. ³⁸ Tamity foko ndre Binoy le: re Simey, ³⁹ Selemia, Natana, Adaia ⁴⁰ Maknadebay, Sasay, Saray, ⁴¹ Azarela, Selemia, Semaria, ⁴² Saloma, Amaria, vaho re Josefa. ⁴³ Tamity foko re Nebo le: re Jeiela, Matitia, Zebina, Ido, Joela, vaho Benaia. ⁴⁴ Iaby reo le nanambaly ampela hafa firene vaho nanagnanake tamity ilane tamy gniereo.