¹ Matokia ze tsara zao:Laha misy ndaty raike magniry ty ho mpita, le magniry asa soa re. ² Laha zao le ty mpita le tsy mahaintsy tsy manan-tsiny. Tsy mahanintsy manambaly ampela arere re. Re le tokone hahay hanao, mare, tea filamina, tea mandrae ndaty. Tsy mahaintsy mahay mpampianatre re. ³ Tsy tokone zaka-raty amity divay re, tsy mpimpay aly, fa kea, maleme fagnahy, lako fandefera. Re le tsy tokone ho tea vola. ⁴ Tokone hita soa ty tokatragnone re, naho reo anane le tokone hagnenke aze ampagnaja vatane. ⁵ Fa laha tsy mahay mita ty tokatragnone re, akore ro hikarakarane ty fiangonan'Agnahare? ⁶ Tsy tokone ho ndaty vaho niova arofo re, mab tsy hieboeboane ka ho lavo amity fagnameloha manahake ty devoly. ⁷ Re avao kea le tsy mahaintsy soa laza amireo ndaty egne ambalike, mba tsy ho lavo agnate fiafaham-baraka vaho ty fandry ty devoly. ⁸ Reo Diakona, hoe zay avao kea, le tokone ho soa. Iereo le tsy tokone hino divay bey loatre ndra mahy ono ara-tsakafo. ⁹ Tokone hita ty hamarea ty finoa nambara miarake amity feo ty fandineha malio. ¹⁰ Iereo avao kea le tokone ho hampanoe aloha, bakeo le tokone hanompo satria tsy manan-tsiny iereo. ¹¹ Reo ampela avao kea le tokone ho soa hoe zay. Tsy tokone ho mapgnendre iereo. Tokone hahay hadanja naho matoky amity zaka iaby. ¹² Reo Diakona le tokone hanambaly ampela raike. Tsy mahaintsy mita soa reo anane vaho ty tokatragnone iereo. ¹³ Fa reo ze nanompo soa le hahazo ty laza soa vaho fatokiam-bey amity finoa hoahy ty vata iereo ze ao amy Jesosy Kirisity. ¹⁴ Manoratre reo zaka reo aminao raho, naho manantena ty hoavy tsy ho ela agne aminao raho. ¹⁵ Fa laha tara raho, le manoratre mba hahaianareo ty entam-bata ao amity tokatragnon'Agnahare, ty fiangonan'Agnahare velo, ty vato fehezoro vaho fitoera ty hamarea.