¹ Fa ny mpisoronabe, vôfidy laha tamin'ny olo, die notendrana mba hiasa amin'ny agnaran'ny olo anin'ny raha mikakasike an,Andriamanitre, ka mba hanolorana fagnomejana sy fagnatitre ho an'ny ota. ² Ijy die afake mifagnarake mora amin'ny tsy mahalala sy ny mivilivily satria ijy tegnane mandy koa die vôdiganan'ny fahalemena. ³ Noho ijany, ijy mandy koa die natokisana hanolotre sorona ho an'ny otane manokan, hôtra ny namboariny ho an'ny otan'olo. ⁴ Tsy ho an'ny tegnane no handresen'olo ijany voninahitre ijany. Fa koja, ijy die nangihin'Andriamanitre, hôtra an'i Arona. ⁵ Die hôtra anijay,Kristy tsy mba nagnome haja ny tegnany mihintsy tamin'ny tamin'ny fanôvane ny tegnane ho mpisoronabe. Fa koja, ny raike ijay nivoria taminajy nijaka hoe: ''Zanako Anao; androany die tongo Iabanao Iah.'' ⁶ Hôtra anijany mandy koa no nolazainy tagny amin'ny toeran-kafa hoe: ''Anao die mpisorona mandrakizay arake ny fomban'i Melkizedeka.'' ⁷ Nandritr'ireo andron'ny nofony, Kristy nanolotre vavake sy fangatahana niarake tamin'ny hiake mahare sy ranomaso an'Andriamanitre, ny raike ijay afake mamonjy Anajy amin'ny fahafatesana. Re Ijy nohon'ny fangorahane. ⁸ Ndre die janake Ijy, die nianatre fankatoavanatamin'ny raha ijay neratane. ⁹ Natao ho tonga lafatre Ijy ka tonga, ho an'ny olo abiaby ijay mankato Anajy, ny loharanon'ny famonjena mandrakizay. ¹⁰ Die notendren'Andriamanitre hôtra ny mpisorona be Ijy araka ny fomban'i Melkizedeka. ¹¹ Manan-kolajaina rahabe momban'i Jesôsy ahay, fa sarotre ny magnajava ijany hatamin'ny napa-regnidregnina ny tadigninareo. ¹² Fa amin'ijao fotôgna ijao die tokone ho mpampianatre anareo, anareo die mbola mila olo hampianatre anareo ny fitsipike fototry ny hafatran'Andriamaintra. Ronono no ilainareo, fa tsy venti-kanina ! ¹³ Fa ny olo ijay minogna ronono fotsiny die tsy ampy traikefa amin'ny fahamarinana, satria ijy die mbola kely. ¹⁴ Fa ny ventin-kanina die ho an'ny lehibe. Ireo die ijay vôhofana tamin'ny fagnavahana ny tsara amin'ny ratsy ny fahatakarany nohon'ny fahamatoran-dreo.