¹ Noho izany, handeha abelantsena ny fetombohan'ny hafatry Kristy ka handroso amin'ny fahamatorana. Andeha antsena tsy hamela indraike ny fototry ny fibebahana noho ny asan'ny maty sy ny finôana an'Andriamanitra, ² na ny fototry ny fampenarana momba ny batisa, ny fametrahana tagnana, ny fitsanganan'ny olo-maty, die ny fitsarana maandrakizay, ³ hagnano an'izany mandy koa antsena laha aken'Andriamanitra. ⁴ Fa tsy hay atao an'ireo izay efa nazavaina indraika mandeha izane, izay nagnandragna ny fagnomezana avy any andanitra ny Fagnahy Masina, ⁵ die izay nagnandragna ny zaka tsara an'Andriamanitra sy ny herin'ny vanim-potoana hoavy. ⁶ Nefane avy teo die lavo tsy hay atao ny mamerigna anazy io amin'ny fibebahana indraike izany die satria nombohandreo ho an'ny tegnandreo koa ny zanak'Andriamanitra, nalaina baraka amason'olo. ⁷ Fa ny tany izay mitroka ny erika matetika avy amin'izany sy izay mamotraka ny raha maniry ilain'olo izay nesana ny tane. Io ny tany izay mandray fitahiana avy amin'Andriamanitra. ⁸ Fa laha mamokatra izany, die tsy misy ilana anazy die ef marivo ny fagnozognana. Ny fefaran'izany die amin'ny faharetana. ⁹ Fa ahay die resy lahatre amin'ny raha tsara loholoho momba anareo, ry malala, raha izay mikasika ny famonjena, die mizaka hôtran'izany aza ahay. ¹⁰ Fa Andriamanitra tsy mba tsy marina ka hagnadigno ny asanareo sy ny mbola manompo andreo fezay. ¹¹ Magniry mafy ahay mba haregny fahazotoana hôtran'izany hatramin'ny farany ny tsiraidraike aminareo ho amin'ny antoky ny fahatokena feno. ¹² Izany die mba tsy ho lasa kamo anareo, fa ho mpangala tahaka andreo izay mandova ny fampagnategnana amin'ny finôna sy faharetana. ¹³ Fa tamin'Andriamanitra nagnano ny fampategnany tamin'ny Ambrahama, die nianiagna tamin'ny tegnany Izy, laha tsy afaka nianiagna tamin'ny olo lehibe loholoho. ¹⁴ Hoy izy hoe: "Izaho due hitahy anao tokôtre, ary tena hahamaro. ¹⁵ Tamin'izany fomba izany die mahazo ze nampagnantegnaina tafaran'ny nandiasane tamin-paharetana Abrahama. ¹⁶ Fa ny olo die miniana amin'ny olo je lehibe loholoho noho ny tegnandreo sahin'ny tapitre ny fifamehezandreo, die misy voady iray natao ho fagnamafisana. ¹⁷ Laha nanapa-kevitra ny fampisehoana mazava loholoho tamindreo mpandova ny fampagnantegnana ny tsy fiovan'ny kalitaon'ny tanjognany Andriamanitra, die nomeny antoke tamin'ny voady izane. ¹⁸ Namboarin'izany mba ho amin'ny alalan'ny raha tsy azo azavaina roy lahateo. Izay tsy hain'Andriamanitra ny mivandy amin'izany die hanagna fampaherezana matanjaka mba hihazognana mafy ny fahatokena je toky izane antsena. ¹⁹ ho aro sy vatofantsika azo hiankinana fagnahitsena, fahatokena je miditra ao amin'ny fitobohana agnatiny ao ambadike ny lamba. ²⁰ Jesôsy niditra tao amin'izany fitobohana izany hôtrany mpeloha lalagna ho antsena, ka avy mpisorognabe mandrakizay magnaraka ny fomban'i Melkizedeka.