¹ Indro hôtrany aja ny fitiavana nomen'Iaba antsena, hangihana antsena hoe janak'Andriamanitra, ary ijane antsena. Noho ijane antone ijane, ijao tontolo ijao die tsy mahafantatra antsena, satria tsy mahafantatra an'aje ijane. [Fagnamarihana: Ny dikan-teny talohake die tsy magnisy hoe: "ary ijane antsena.''] ² Ry malala, janak'Andriamanitra antsena amin'ijao fotôgna ijao, ary ijane die mbola natoro hoe hôtran'ino antsena. Antsena die mahafantatra fa laha mipositre i Kristy, die hitovy amin'Aje antsena, satria hahita an'Aje hôtran'Aje antsena. ³ Ny abiaby ijay managna ijane fatokisana mahakasika ny ho avy mifototra amin'aje ijane die magnadio ny tegnane mba hadio mitovy amin'Aje. ⁴ Ijay abiaby magnota die magnano ijay tsy ara-dalàna; fa ny fahotana die tsy ara-dalàna. ⁵ Anareo die mahafantatra fa i Kristy die natoro mba hangala ireo fahotana, ary amin'Aje ao die tsy misy fahotana. ⁶ Tsy misy olo ijay mitoboke amin'Ajy ao ka mbola hagnota koa. Tsy misy olo mbola magnota nahita an'aje na nahafantatra an'aje. ⁷ Ry janaka malala, aja avela hisy olo hamitaka anareo. Ilay raike ijay magnano ny fahamarignana die marina, hôtran'ny mahamarina an'i Kristy. ⁸ Ilay raike ijay magnota die avy amin'ny devoly, fa ny devoly die nagnota hatagne am-pendohana. Noho ijane antone ijane ny Janak'Andriamanitra die natoro, mba hahafahane manimba ireo asan'ny devoly. ⁹ N'ija n'ija naterak'Andriamanitra die tsy hanohy ny fahotana satria ny vône avy tamin'Andriamanitra die mitoboke amin'ajy ao. Tsy afaka manohy ny fahotana ijy satria naterak'Andriamanitra. ¹⁰ Ao amin'ijane no hampisehôna ireo janak'Andriamanitra sy ireo janaky ny devoly. N'ija n'ija tsy magnano ny marina die tsy avy amin'Andriamanitra; na ny raike ijay tsy tia ny rahalahine mandy koa aja. ¹¹ Fa ijane no hafatre ijay efa regninareo hatagne am-pendohàna: fa antsena die tokone mifankatia, ¹² fa tsy hôtran'i Kaina, ijay avy amin'ilay ratsy sy namono ny rahalahine. Fa nagnino ijy no namono an'Aje? Satria ireo asane die ratsy, ary nen'ny rahalahine die marina. ¹³ Aja jendagna, ry rahalahiko, laha tsy tia anareo ny tany. ¹⁴ Fatantsena fa efa nienga tamin'ny fahafatesana megnagne amin'ny fiegnana antsena, satria tia an'ireo rahalahy antsena. Ijay tsy tia ny rahalahine die mitoboha agne amin'ny fahafatesana. ¹⁵ Ijay tsy tia ny rahalahine die mpamono olo. Fantatrareo fa tsy misy mpamono olo managna fiegnana mandrakijay mitoboke amin'ajy ao. ¹⁶ Amin'ijane no hafantarantsena ny fitiavana, satria Kristy nagnome ny aigne hontsena. Antsena mandy koa die tokone magnome ny aignantsena hôn'ireo rahalahy. ¹⁷ Fa n'ija n'ija managna ny harenan'ijao tontolo ijao, ka mahita ny fasarihagnan'ny rahalahine, ary magnidy ny fon'ny falahelovane an'aje, amin'ny fomba akory no itobohan'ny fitiavan'Andriamanitra amin'ajy ao? ¹⁸ Ry janako malalako, ôka antsena tsy hitia amin'ny jaka na koa amin'ny vava, fa amin'ny asa sy fahamarignana. ¹⁹ Avy amin'ijane no hafantarantsena fa avy amin'ny fahamarignana antsena, ary mampatoky ny fontsena eo agnatrehane antsena. ²⁰ Fa laha magnameloke antsena ny fontsena, Andriamanitra die makadiry loholohon'ny fontsena, ary mahafantatre ny raha-abiaby Ijy. ²¹ Ry mala, laha tsy magnameloke antsena ny fontsena, die managna fatokisana amin'Andriamanitra antsena. ²² N'ino n'ino angatahintsena die ho ajontsena avy amin'aje, satria antsena mitandrigna ireo didine sy magnano ijay ankasitrahana eo agnatrehane. ²³ Ijao ny didine: tokone mino ny agnaran'ny Janagne Jesôsy Kristy ary mifankatia antsena, hôtran'ny efa nagnomejane antsena ijany didy ijane. ²⁴ Ny raike ijay mitagna ny didin'Andriamanitra die mitoboke amin'Ajy ao, ary Andriamanitra mitoboke amin'ajy ao. Amin'ijane no hafantarantsena fa ijy die mitoboke amintsena ao, amin'ny Fagnahy ijay nomene antsena.