¹ La nitoliky aho sady nampiandrandra gny masoko ka nahita kalesy efatsy niboaky bakeo agnelanelan'ny tendrombohitsy roe ; sady reo tendrombohitsy roe reo la bakamin'ny varahy. ² Gny kalesy voalohany la nana soavaly mena, gny kalesy faharoe nana soavaly mainty, ³ gny kalesy fahatelo nana soavaly foty sady gny kalesy fahaefatsy la nana soavaly sada foty. ⁴ La namaly aho ka nivola tamin'ilay anjely niresaky tamiko hoe:' Ino reo, ry tompoko?' ⁵ Namaly lay anjely ka nisafa tamiko hoe:' Reo ro tsioky efatsy gny lagnitsy zay niboaky teo amin'ny toera zay nitsanganan-drozy teo agnatrehan'ilay Tompon'ny tany manontolo. ⁶ Lay raiky zay miaraky amin'ny Soavaly mainty la miboaky magnagny amin'ny firenenaavaratsy; reo soavaly foty la miboaky magnagny amin'ny firenena andrefa; sady reo soavaly sada foty la miboaky magnagny amin'ny firenena antimo." ⁷ Reo soavaly matanjaky reo la niboaky sady nila handeha voho hirenireny egny amin'ny tany, ka hoy lay anjely hoe:' Mandehana mirenireny egny amin'ny tany!" sady nandeha nirenireny eran'ny tany iaby rozy. ⁸ La nitaray tamiko ie ka niresaky tamiko sady nanao hoe:' Jereo reo zay miboaky go agny amin'ny firenena avaratsy; hampijano gny fagnahiko mahakasiky gny firenena avatsy rozy." ⁹ Sady avy tamiko gny safan'i Yaveh, manao hoe:' Mangala fagnatitsy amin'ireo tany an-tsesitany__bakagny Helday, Tobia, sady Jedaia__sady mandehana amin'io andro io avao voho alao ao an-tragnon'i Josia anak'i Zefania, zay bakagny Babylona io. ¹¹ La alao gny volafoty voho gny volamena, manaova satro-boninahitsy voho apetraho eo amin'ny lahan'i Josoa anaky lahin'i Jozadaka, lay mpisorobe io ¹² Miresaha aminy sady lazao hoe:" Zao ro lazain'i Yaveh Tompon'ny maro: ' Toy johary toy, gny agnarany la Rantsana! Hitombo eo amin'ny misy azy ie sady hagnory gny tempolin'i Yaveh! ¹³ Ie ro hagnory gny tempolin'i Yaveh sady hananga gny tempolin'i Yaveh sady hananga abo gny famirapiratan'io; la hipetraky voho hanapaky eo amin'ny seza fiandrianany ie. Ho mpisoro eo amin'ny seza fiandrianany ie sady hisy gny fahazavan-tsain'ny fiadagna eo amin-drozy roe. ¹⁴ Hapetraky eo amin'ny tempolin'i Yaveh gny satro-boninahitsy hagnomezam-boninahitsy gnan'i Helema, Tobia, voho Jedaia sady ho fahatiarova gny hasoam-pagnahin'ny anaky lahin'i Zefania. ¹⁵ Sady reo zay lavitsy la ho avy voho hagnory gny tempolin'i Yaveh, ka ho hainao fa Yaveh Tompon'ny maro ro nagniraky ahy ho aminareo; fa hitranga io raha tena mijanjy gny feon'i Yaveh Ndranagnaharinareo nareo!"