¹ Bakeo la nitoliky sady nanaitsy ahy manahaky gny olo tairy amin'ny roro lay anjely zay niresaky tamiko. ² Hoy ie tamiko hoe:' Ino ro hitanao?"La hoy aho hoe:' Mahita fanaovan-jiro vita amin'ny volamena tanteraky aho, miaraky amin'ny fipetrahan-diloilo eo an-tampony. Misy lela fanaovan-jiro fito eo amin'io sady misy fantsona fito eo an-tampon'ny lahin-jiro kirakiraiky. ³ Misy hazon'oliva roe eo agnilan'io, raiky eo amin'ny ilany amin'ny tagnan-kavagnan'ny fipetrahan-diloilo sady hafa eo amin'ny ilany an-kavia." ⁴ Nohon'io la niresaky tamin'ilay anjely zay niresaky tamiko ndraiky aho. Hoy aho hoe:" Ino ro dikan'ireo raha reo, ry tompoko?' ⁵ Namaly ahy lay anjely zay niresaky tamiko sady nanao tamiko hoe:' Tsy hainao va gny dikan'iro raha reo?' La hoy aho hoe:" Tsia , ry tompoko." ⁶ Nohon'io la hoy ie tamiko hoe:' Zao ro safan'i Yaveh tamin'i Zerobabela:" Tsy amin-kery na amin'ny tanjaky , fa amin'ny Fagnahiko, hoy Yaveh Tompon'ny maro. ⁷ Ino moa iha, ry tendombohitsy bevata? Hanjary taby lemaky eo agnatrehan'i Zerobabela iha, sady handay gny vato atao tendrony ie mba hihiaka hoe:' Fahasoava! Fahasoava ho amin'io!" ⁸ Avy tamiko gny safan'i Yaveh, nanao hoe:" ⁹ Nametraky gny fototry toy tragno toy gny tagnan'i Zerobabela sady hamita gnan'io gny tagnany. La ho hainao fa Yaveh Tompon'ny maro ro nagniraky ahy ho aminao. ¹⁰ Ia ro nanao tsinontsino gny andron'ireo raha maliniky? Hazoto reo olo sady hahita gny vato pilao egny an-tagnan'i Zerobabela. ( Reo lahin-jiro fito reo ro mason'i Yaveh zay mijery gnan'io tontolo zao.)" ¹¹ Nakeo la nagnontagny gnan'ilay anjely aho hoe:' Ino reo hazon'oliva roe zay mitsanga eo an-kavia voho an-kavanan'ny fanaovan-jiro reo?" ¹² Nagnotany gnazy ndraiky aho hoe:' Ino reo sampan-kazon'oliva roe agnilan'ireo fantsona volamena roe zay misy diloilo volamena miaraky aminy reo?" ¹³ bakeo la hoy ie tamiko hoe:' Tsy hainao va hoe ino reo?" Hoy aho hoe:' Tsia, ry tompoko." ¹⁴ Nohon'io la hoy ie hoe:" Reo ro ana-diloilo vaovao zay mitsanga magnatriky gny Tompon'izao tontolo rehetra zao."