¹ Mivolagna gny marina ao amin'i Kristy aho. Tsy mavandy aho, sady gny vetsivetsiko ro vavolombelo misondry amiko ao amin'ny Fagnahy Masy, ² fa ho ahy la misy alahelo bevata sady fahoria tsy mitofa ato am-poko. ³ Fa afaky nagniry aho fa zaho vatako la ho voaozo ka hiataky amin'i Kristy noho gny amin'ireo rahalahiko, reo zay raiky fizara amiko araky gny nofo. ⁴ Rozy la Isiraelita. Rozy la mana fanangagna, gny vononahitsy, reo fankatoava, gny fanomezan'ny lalàna, gny fidera an'Andranagnahary, sady reo fampanantegna. ⁵ Gny an-drozy la reo razana zay nahavy an'i Kristy ho lasa nofo, Ie zay Ndranagnahary ambonin'ny Iaby. Ho deray zisiky farany lahy Ie. Amena. ⁶ Fa tsy ho tsy misy dikany reo zay nampagnantenain'Andranagnahary. Fa tsy zay iaby bakagny Isiraely ro tegna Isiraely. ⁷ Na reo taranak'i Abrahama iaby ro tegna anany. Fa: "Amin'ny alalan'Isaka ro hikaiha reo taranakao." ⁸ Izany hoe, reo anaky gny nofo la tsy anak'Andranagnahary. Fa reo anakin'ny fampanantegna ro rambesy ho taranaky. ⁹ Fa manao gnanizao ro volan'ny fampanantegna:" Amin'izay fotoa izay la ho avy Aho, sady homea aja johary Saraha." ¹⁰ Tsy izay avao, fa bakeo koa Rebeka hanan'anaky amin'ny johary raiky, Isaka babantsika_ ¹¹ fa mbo tsy teraky akory reo aja sady mbo tsy nanao raha soa na raty, mba hanahaky gny tanjon'Andranaganahary araky gny fifiliana, tsy noho reo asa, fa noho Ie miantso_ ¹² nambara tamin-dravehivavy hoe:" Gny zokiny la hanompo gny zainy." Gny zokiny la hanompo gny zainy." ¹³ Izay la manahaky zay voasoratsy hoe:"Jakoba teako, fa Esao halako." ¹⁴ Ino sady ro ho volagnintsika? Misy tsy fahamarina va misondry amin'Andranagnahary? ¹⁵ Tsy hisy vatany lahy zay. Fa hoy Ie tamin'i Mosesy hoe:"Hamindra fo amin'izay teako hamindra fo Aho, sady hahaferinay reo zay teako hoferinesa Aho." ¹⁶ Lafa izay moa, la tsy noho ie mikasa izay, na noho Ndragnahary, zay nampiseho gny famindram-po. ¹⁷ fa gny Soratsy Masy nagnambara tamin'i Farao hoe: " Fa lafa izay antony izay ro nampisondrotako anao, mba hagnambara gny agnarako eran-tany." ¹⁸ Lafa izay, Ndragnahary la mamindra fo amin'izay teany, sady zay teany, ro ho hamafisiny fo. ¹⁹ Bakeo hivola amiko nareo hoe:" Nanao akory ro mbo mahita tsiny avao Ie?" Fa ia ro mahatohitsy gny sitrapony?" ²⁰ Mifanohitsy amin'izay, ralehilahy, ia moa iha ro mamaly manohitsy an'Andranagnahary? Moa zay fa novolavola hivola amin'ny mpamolavola izany hoe:"Nanao akory ro nataonao Manahaky zao aho?" ²¹ Moa gny mpanefy velagny tsy mana zo amin'ny tanimanga ka gny vonga raiky ro hagnamboara fitoboha amin'ny andro voatoka, sady fitoboha raiky hafa amin'ny andavanandro? ²² Manao akory laha Ndranagnahary, zay te ampiseho gny fahamelohany voho hampahay gny fahefany, ro niaritsy tamim-pahareta reo fitoeran'ny fahameloha novognony ho amin'ny fahasimbany? ²³ Manao akory laha nataony izay mba hampahaizany gny haren'ny vononahiny eo amin'ireo fitoeran'ny famindram-po, zay fa novognoniny mialoha ho amin'ny voninahitsy? ²⁴ Manao akory laha nataony ho gnantsika koa izay, zay nantsoiny avao koa, tsy ho eo amin'ny samy Jiosy avao, fa ho eo amin'ny reo Jentilisa avao koa? ²⁵ Araky zay nivolagniny tao amin'i Hosea avao koa hoe: " Hataoko hoe oloko zay tsy oloko, sady hoe malalany gny tsy malala. ²⁶ Bakeo la agny amin'izay nivolagna tamin-drozy hoe: ' Tsy oloko nareo,' agny ro hikaiha gnan-drozy hoe: ' anak'Andranagnahary velo."' ²⁷ Isaia niantsoa mare gny amin'ny Isiraely hoe:" Laha manahaky gny fasiky egny amin'ny ranomasy gny isan'ny zanak'Isiraely, la ho voavonjy zay sisa ambiny, ²⁸ fa gny Tompo handay gny volany eto an-tany, feno sady tsy ho ela." ²⁹ Araky gny nivolagnin'Isaia mialoha hoe: " Laha gny Tompo tompon'ny maro ro tsy nagnenga taranaky ho gnantsika, la hanahaky an'i Sodoma tsika, sady lasa manahaky an'i Gomora." ³⁰ 30 Ino moa ro hovolanintsika? Fa gny Jentilisa,ze tsy nila gny to, ro nahazo gny to, ze hato bakamin'ny finoa. ³¹ Fa Israely,ze nila gny lalan'ny fahamarina,la tsy niavy tamin'izay. ³² Nanao akory kay? Satria rozy tsy nila izany tamin'ny finoa, fa tamin'ny asa. Tafintohin'ny vaton'ny fagnafintohina rozy, ³³ araky zay fa voasoratsy hoe:" Jereo, ao Ziona ro ametrahako gny vaton'ny fagnafintohigna voho vatolampin'ny fandikan-dalàgna. Zay mino izay la tsy ho megnatsy."