¹ Rahalahy, gny irin'ny foko voho gny angatahiko amin'Andranagnahary ho an-drozy, la gny famonjea gnan-drozy. ² fa mijoro vavolombelo mahakasiky gnan-drozy aho fa mafana fo ho an'Andranagnahary rozy, nefa tsy araky gny fahaiza. ³ Fa tsy mahay gny fahamarinan'Andranagnahary regny, sady mila hametraky gny fahamarinan-drozy manoka. tsy nanaiky gny fahamarinan'Andragnahary rozy. ⁴ Fa Kristy ro fahavitan'ny lalà ho fahamarina ho an'izay iaby mino. ⁵ Fa Mosesy manoratsy mahakasikign'ny fahamarina zay bakamin'ny lalà hoe:" Gny olo zay manao gny fahamarinan'ny lalà la hiay amin'izay fahamarina izay." ⁶ Fa gny fahamarina zay bakamin'ny finoa la mivola hoe:" Ka mivola izao ao am-po hoe:" Ia ro hiakatsy agny an-dagnitsy?' (izany la, mampizotso an'i Kristy); ⁷ sady ka mivola hoe:'Ia ro hizotso agny amin'ny lailiky?'" (izany la, mampiakatsy an'i Kristy amin'ny maty). ⁸ Fa ino ro ambaran'izany? " Eo agnilanao gny teny, ao am-bavanao sady ao am-ponao." Izay ro volan'ny finoa, zay ambaranay. ⁹ Fa laha amin'ny vavanao ro anekegnanao an'i Jesosy ho Tompo, Sady mino amin'ny fonao fa natsangan'Andranagnahary tamin'ny maty ie, la ho vonje iha. ¹⁰ Fa amin'ny fo ro inoan'ny gnolo gny fahamarina, sady amin'ny vava ro anekegnany gny famonjea. ¹¹ Fa hoy gny Soratsy Masy hoe:" Tsy ho megnatsy zay iaby mino Gnazy." ¹² Fa tsy misy fahasamihafa eo amin'ny Jiosy voho Grika. Fa Tompo raiky avao ro Tompon'ny iaby, sady harem-pahasoava ho an'izay iaby miantso gny agnaran'ny Tomporo ho vonje. ¹⁴ Manao akory amizay ro ahazoan-drozy miantso Gnazy zay tsy ninoany? Manao akory ro ahazoan-drozy mino Gnazy zay tsy janjin-drozy? Manao akory ro ahazoan-drozy mahajanjy laha tsy misy mpitory? ¹⁵ Sady manao akory ro ahazoan-drozy mitory, laha tsy nisy nagniraky?_ Araky gny voasoratsy hoe:" Zato gny hasoan'ny tombokin'ireo magnambara reo raha soan'ny filazantsara!" ¹⁶ Nefa tsy ie iaby ro nijanjy gny filazantsara. Fa hoy Isaia hoe:" Tompo, ia ro nino gny hafatrinay?" ¹⁷ Lafa izay gny finoa la bakamin'ny fijanjigna, sady gny fijanjigna bakamin'ny volan'i Kristy. ¹⁸ Fa hoy aho hoe:"Moa va tsy nisy nahajanjy an-drozy?" Eka, vatany marina." Gny feon-drozy la fa niboaky magnerantany, sady gny volan-drozy zisky farany amin'ny faran'izao tontolo zao." ¹⁹ Ankoatsy zay, hoy aho hoe:" Moa va tsy nahay gny Israely?" Tamin'ny voalohany Mosesy nivola hoe:" Ho ataoko saropiaro amin'izay tsy firenena nareo. Amin'ny firenena zay tsy misy fahaiza, ho ataoko avy amin'ny fahameloha nareo." ²⁰ Sady eo vao mahasaky vatany Isaia lafa nivola ie hoe:" Jerin'ireo zay tsy nila gnahy aho. Niseho tamin'ireo zay tsy nagnotany gnahy aho." ²¹ Fa hoy ie tamin'Israely hoe:" Tontolon'ny ro nagnatsorako gny tagnako tamin'ny olo tsy mankato voho mahery loha."