¹ Sady nivola aho, narian'Andranagnahary va gny olony? Sanatria lahy zay. Fa zaho avao koa la Isiraelita, taranak'i Abrahama, avy amin'ny fokon'i Benjamina. ² Ndranagnahary la tsy nagnary gny olony, fa hainy teo aloha. Tsy hainareo va zay voalozan'ny Soratra Masina mahakasiky an'i Elia, la gny fitaraignany tamin'Andranagnahary namely an'Israely? hoe: ³ Tompo, rozy la namono reo mpaminanao, namotiky gny alitaranao. Zaho raiky sisa tavela, sady mifofo gny aiko rozy." ⁴ Fa ino ro valin-dresaky nambaran'Andranagnahary gnazy? Nanoka fito lahy ho gnan'ny vatako Aho zay tsy nandohaliky teo amin'ny Bala." ⁵ La manahaky zay, amin'izao henanik'izao avao koa la misy sisa avao nohon'ny fifilia amin'ny fahasoava. ⁶ Fa laha bakamin'ny fahasoava zay, la tsy bakamin'ny asa sasy. Fa laha zay la tsy fahasoava sasy gny fahasoava. ([Fagnamariha: Gny antontantaratasy sasany taloha la mamaky hoe:"Nefa laha bakamin'ireo asa zay, la tsy asa sasy gny asa."]) ⁷ Ino zany? Gny raha zay nilan'Isiraely, la tsy azony, fa gny voafily ro nahazo izany, sady nohamafisy reo ambiny. ⁸ Izany la araky gny fa voasoratsy hoe:" Ndranagnahary la nagnome gnazy reo gny fagnahin'ny fitavozavoza, maso mba tsy hahajeren-drozy, sady sofina mba tsy hahajanjignan-drozy, zisky androany." ⁹ Sady hoy i Davida hoe:" Ao gny latabany ho harato voho fandrika, ho vato maminga voho valifaty ho an-drozy. ¹⁰ Ao gny mason-drozy hohamaizigny mba tsy hahajery, sady ao hiondriky mandrakizay gny lamosin-drozy." ¹¹ La hoy aho hoe:"Moa va tafintohy reo mba ho lavo?" Sanatria lahy zay. Fa koa, bakamin'ny fahalavoan-drozy, ro nahavian'ny famonjea teo amin'ireo Jentilisa, Mba hampialo gnan-drozy. ¹² Sady laha gny fahalavoan-drozy ro haren'izao tontolo izao, sady laha gny fahaverezan-drozy ro haren'ireo Jentilisa, la manao akory gny habevatan'ny fahavitan-drozy? ¹³ Fa amin'izao la miresaky aminareo Jentilisa aho, sady laha mbo apostolin'ireoJentilisa aho, la mankasitraky gny fanompoako. ¹⁴ Asa hampialo reo zay bakamin'ny nofoko manoka aho. Asa hamonjy gny sasany amin-drozy tsika. ¹⁵ Fa laha midika fampihavana gny an'izao tontolo izao gny fandavan-drozy, la ino ro handrambesagnan-drozy zay fa fiaigna bakamin'ny fahafatesa? ¹⁶ Laha voatoka gny vokatsy voalohany, la gny ampahany amin'ny kobam-bary koa. Laha voatoka gny fakany, la manahaky izay avao koa ireo rantsany. ¹⁷ Fa laha notapahy gny rantsa sasany, sady laha iha, sampana olivadia, ro nakamba teo amin-drozy, sady laha nifampizara tamin-drozy faka-mamokatsy gny hazo oliva iha, ¹⁸ Ka mirehareha amin'ireo sampana. Fa raha mirehreha iha, la tsy iha ro manday gny fakany, fa gny fakany ro manday gnanao. ¹⁹ La hivola hoe:" Notapahy hiala reo rantsa mba hahazoako mifandray aminy." ²⁰ Marina zay. Nohon'ny tsy finoan-drozy la notapahy hiala rozy, fa nareo la mijoro soa nohon'ny finoanareo. Ka manao gny vatanareo ho ambony, fa matahora. ²¹ Fa laha gny sampana vatany aza tsy nengan'Andranagnahary, la tsy ho engany avao koa iha. ²² Sady henteo, gny fahamoram-po voho gny fahasaro-pon'Andranagnahary. Eo avao , gny fahasaro-po la avy amin'ireo Jiosy zay lavo. Fa eo avao koa, gny hatsaram-pagnahin'Andranagnahary la avy minareo, laha maharitsy ao amin'ny hatsaram-pagnahiny koa nareo. Fa laha tsy zay la ho tapahy koa nareo. ²³ Sady na regny aza, laha tsy manohy amin'ny tsy finoany rozy, la hakamba. Fa Ndranagnahary la afaky magnampoly gnazy reo ndraiky. ²⁴ Fa laha notapahy tamin'ny hazo oliva-dia nareo, ka nakamba tamin'ny hazo oliva soa, la manao akory gny fohoaran'ny hamaroan'ireo Jiosy, zay sampana voajanahary, nakamba tamin'ny hazo olivan-drozy manoka? ²⁵ Fa tsy teako ts hahay nareo, ry rahalahy, gny amin'izay raha-mietaky izay, mba tsy haha-hendry aanareo amin'ny vetsivetsinareo manoka. Izay raha-mietaky izay la fa nahamafy loha gny ampahany amin'Israely, mandra-piavin'ny fahafenoan'ireo Jentilisa. ²⁶ Lafa izay la ho vonje iaby gny Israely iaby, araky gny voasoratsy hoe:" Hiboaky bakagny Ziona gny mpagnafaky. Hanala gny haratsiam-panahy amin'i Jakoba Ie, sady izay ro ho fagnekem-pihavagnako amin-drozy, lafa hangalaky gny fahotan-drozy Aho." ²⁸ Amin'ny lafiny raiky mahakasiky gny filazantsara, la fahavalo rozy nohogn'ny aminareo. Amin'ny lafiny raiky hafa araky gny safidin'Andranagnahary, la malala rozy noho reo razana. ²⁹ Fa reo fagnomeza voho antson'Andranagnahary la tsy miova. ³⁰ Fa nareo la tsy nankato an'Andranagnahary taloha, nefa amin'izao nareo la nandramby gny famindram-poro nohogn'ny tsy fankatoavan-drozy. ³¹ Manahaky izay avao koa, amin'izao reo Jiosy la tsy nankato. Gny vokany la tamin'ny alalan'ny famindram-po zay naseho anareo ro mety handrambesan-drozy gny famindram-po avao koa amin'izao. ³² Fa Ndranagnahary fa nagnily gny tsy fankatoava iaby, mba ahazoany mampiseho famindram-po amin'ny iaby. ³³ Endrey, gny halalin'ny reo haren'ny fahendrea voho fahaizan'Andranagnahary! Tsy takatsy gny say reo fitsarany, sady reo lalany la tsy hay refesy! ³⁴ "Fa ia ro nahay gny fihevitsy gny Tompo na ia ro lasa ho mpanolo-tsay Gnazy? ³⁵ Na ia ro nagnome raha an'Andranagnahary aloha, ka tsy maintsy hagnoneran'Andranahary gnazy ndraiky?" ³⁶ Fa bakaminy voho amin'ny alalany sady ho Gnazy gny raha iaby. Ho Gnazy zisiky farany gny voninahitsy. Amena.