¹ Tafaran'ireo raha reo la nahita anjely hafa zay nizotso bakagny an-danitsa aho. Nana fahefa bevata ie, sady namirapiratsy nohon'ny voninahiny gny tany . ² Nikoraky tamin'ny feo mahery ie, niresaky hoe:" Nianjera , nianjera gny Babylona bevata! Lasa avy toeram-ponenan'ny demony, fialofa ho gnan'ireo fagnahy maloto, sady fialofa ho gnan'ny reo voro maloto voho marikoriko iaby. ³ Fa gny firenena iaby la nino gny divain'ny fitondran-tena malotony . Reo mpanjakan'ny tany la nanao fitondran-tena maloto taminy. Reo mpamarotsy gny tany la avy mpanan-draha tamin'alalan'ny fomba fiaignany amin'ny nofo." ⁴ Bakeo la nahare feo hafa bakagny an-danitsa aho, miresaky hoe:" Miala aminy, ry oloko, mba tsy hizarany gny fahotany ao aminareo , sady mba tsy hahazoanareo reo lozany. ⁵ Fa nivory manahaky gny ahabon'ny lanitsa reo fahotany, sady Ndranagnahary mahatiaro reo asa ratiny. ⁶ Mamalia gnazy manahaky gny namalian'ny hafa, sady valio abo roa eny zay fa vitany; tao amin'ny kapoky zay fa naetakiny , la feno abo roa heny ho gnazy. ⁷ Manahaky ie nagnome voninahitsy gny vatany voho niay tamin'ny tsy fiafia, amea gnazy gny fampijalia voho gny alahelo sahaza gnazy. Fa ie niresaky tao am-pony nanao hoe:" Nipetraky manahaky gny mpanjaka vavy aho. Tsy maty valy aho, sady tsy hisaona mandrakizay ." ⁸ Nohon'io la ho avy amin'ny andro raiky reo areti-mandringany: gny fahafatesa, gny fisaogna, sady gny mosary. Horoan'ny bolo ie, fa gny Tompo Ndranagnahary la mahery, sady ie ro mpitsara gnazy." ⁹ Reo mpanjakan'ny tany zay nijangajanga voho nandeha tsy am-pieritrereta niaraky taminy la hitagny voho hiankohoky eo agnatrehany lafa nahita gny setroky gny fahamaizigna rozy. ¹⁰ Hijoro lavitsy rozy, hatahotsy gny fijaliany, hiresaky hoe:" Loza, loza ho gnan'ny gny tana bevata , Babylona, gny tana mahery , fa amin'ny fotoa raiky la ho avy gny sazinareo." ¹¹ Reo mpamarotsy gny tany la nitagny voho nisaona ho gnazy, fotony tsy nisy olo nialy varotsy ho gnazy sasy_ ¹² varotsy volamena , volafoty , vato sarobidy, firavaky ,lamban-kasim-bazaha tena soa, volomparasy , landy , mena, reo karaza hazo ala, gny fanaky ivoara, gny fanaky iaby vita bakamin'ny hazo sarodidy, varahina , vy, marbra , ¹³ Kanelina, zava-manan'aina , ditin-kazo , miora, hanitsa , divay , menaky , koba soa toto, vary , biby fiompy voho aondry, soavaly voho kalesy , reo andevo voho fagnahin'olo. ¹⁴ Gny vokatsy zay tianao tamin'ny herinao iaby la hiala aminao. Gny entanao lafo vily voho reo namirapiratsy la nanjovo, sady tsy ho hita sasy mandrakizay. ¹⁵ Gny mpamarotsy reo enta zay avy mpanan-draha noho ie la hiala aminy lavitsy nohon'ny fatahora gny fijaliany, hitagny voho hisaona mare. ¹⁶ Hiresaky rozy hoe:' Loza, loza ho gnan'ny gny tana bevata zay niakanjo tamin'ny lamban-kasimbazaha tena soa, volomparasy , voho mena, sady niravaha tamin'ny volamena, firavaky sarobidy , sady vatosoa! ¹⁷ Agnatin'ny fotoa raiky la ho foana io hanagna iaby io. " Reo kapitenin-tsambo iaby, reo mandeha egny agnabon'ny ranomasina iaby, tantsambo voho zay iaby mipetraky an-dranomasina, la hijoro lavitsy. ¹⁸ Nikoraky rozy laha vao nahita gnan'ny gny setroky fahamaizany. Niresaky rozy hoe:" Tana ino ro manahaky gny tana bevata?" ¹⁹ Nanipy vovoky tegny an-dohany ie, sady nikoraky mare , nitagny , voho nisaona, nanao hoe:" Loza, loza ho gnan'ny gny tana bevata zay nisy gnan'ireo iaby nana reo sambo an-dranomasina ro avy mpanan-draha bakamin'ny hanagnany. Fa tao agnaty fotoa raiky la simba io." ²⁰ Mifalia aminy, ry lanitsa, nareo mpino , apostoly , voho mpaminany, fa Ndranagnahary nanday gny fitsaranareo taminy." ²¹ Anjely mahery raiky nangalaky vato manahaky gny vato bevata ka nanoraky gnan'io tagny an-dranomasina, ka nilaza hoe:" amin'io fomba io, Babylona, gny tana bevata ,haroda arahy ferisetsa, ka tsy hita sasy. ²² Gny feo nataon'ireo lokanga , mpitendry mozika, mpitsoky sodina, voho trompetsa la tsy ho re ao aminao sasy. Reo mpanao asa-tagna isan-karazany la tsy hita ao aminao sasy . tsy hisy feon'ny vato fikosoham-bary ho re sasy eo aminao. ²³ Gny fahazavan'ny jiro , la tsy hamirapiratsy ao aminao sasy. Reo feon'ny mpampakatsy voho ampakary la tsy ho re ao aminao sasy, fa gny mpamarotsireo ro andrian'ny tany, voho reo firenena la voafitaky tamin'ny fagnosavianareo. ²⁴ Tao aminy ro nahita gny ran'ny gny mpaminany, voho reo mpino, voho gny ran'ireo iaby zay voavono teto an-tany."