¹ Tafaran'ireo raha reo la nahare zay manahaky gny feo maren'ny vahoaky maroagnisa tagny an-danitsa aho nanao hoe:" Aleloia. Gny famonjena , gny voninahitsy , voho gny hery la gnan-Dranagnaharintsika. ² Reo fitsarany mpivaro-tena bavata zay nagnaraty gny tany tamin'ny fijangajanga ie. namaly faty gny ran'ireo mpanompony , zay nalatsany ie." ³ Niresaky fagnindroe rozy hoe;" Aleloia! Gny setroky la miakatsy bakaminy mandrakizay doria." ⁴ Reo loholona roapolo efatsamby voho reo zava-manan'aina efatsy la niankohoky ka nanompo gnan-Dranagnahary zay nipetraky teo amin'ny seza fiandriana. Hoy rozy: Amena . Aleloia!" ⁵ La nisy feo niboaky bakao amin'ny seza fiandriana, nanao hoe:" Derao Ndranagnaharintsika , nareo iaby mpanompony, nareo zay matahotsy Gnazy, na gny tsy manan-danja na gny mahery." ⁶ La nahare zay feo manahaky gny feon'ny olo maroagnisa , manahaky gny firohondrohon'ny rano maro, voho manahaky gny fianjeran'ny hotroky mare aho, nanao hoe:" Aleloia! Fa manjaka gny Tompo, Ndranagnahary zay manapaky amin'ny rehetra. ⁷ Ao tsika hazoto voho ro ravoravo sady hagnome voninahitsy Gnazy fotony avy gny fampakaram-balin'ny Anak'aondry, sady gny ampiakarininy fa niomana . ⁸ Namea ala hiakanjo siky hasim-bazaha mamiratsy voho malo ie" ( Fa gny lamba rongony la reo asa marin'ireo olo-masina). ⁹ Gny anjely niresaky tamiko hoe:" Sorato zao: Sambatsy reo zay nasaina tamin'ny fety fampakaram-balin'ny Anak'aondry . Niresaky tamiko koa ie hoe:" Reo la safa marin-Dranagnahary." ¹⁰ Niakohoky teo amin'ny tombony mba hanompo gnazy aho, fa hoy ie tamiko:" Ka manao gnan'izao! Zaho la mpiara-manompo aminao voho reo rahalahinao zay mita gny fijoroa vavolombelo momba gnan'i Jesosy. manompoa gnan-Dranagnahary , fa gny fijoroa vavolombelo momba gnan'i Jesosy la gny fagnahin'ny faminania." ¹¹ La nahita gny lanitsa nisokatsy aho voho nijery ka nisy soavaly foty. Gny mpitaingina gnan'io la nikaihy hoe mahatoky voho marina. Amin'ny fahamarigna ro hitsara voho hialiany. ¹² Reo fijeriny la manahaky gny lelam-bolo, voho eo amin'ny lohany misy satro-boninahitsy maro. mana agnara voasoratsy afa-tsy ie avao ie. ¹³ Miakanjo akanjo lava zay natsoboky tao amin'ny ra ie, sady gny agnarany la nikaihy hoe gny Safan-dranagnahary. ¹⁴ Reo tafiky gny lanitsa la nagnaraky gnazy tamin'ny soavaly foty , miakanjo siky hasim-bazaha , foty voho malio. ¹⁵ Bakao amin'ny vavany ro miboaky gny sabata maragnitsy zay amin'io ro hamelezany reo firenena, ka hanapaky gnan-drozy amin'ny tehy vy ie. Magnitsaky ao amin'ny famaizan'ny fahaviniran'ny fahatezeran-Dranagnahary Tsitoha ie. ¹⁶ Mana agnara voasoratsy eo amin'ny akanjo lovany eo amin'ny feny ie hoe:" Mpanajakan'ireo mpanjaka voho Tompon'ireo tompo." ¹⁷ Nahita anjely nitsanga teo amin'ny masoandro aho. Nikaiky tamin'ny feo mahery reo voro mitily agnabo iaby ie hoe:" Avia, miangona ho gnan'ny fety bevatan-Dranagnahary. ¹⁸ Avia ihinana gny nofon'ireo mpanjaka , gny nofon'ireo mpitari-tafiky , gny nofon'ireo johary mahery, gny nofon'ireo soavaly voho reo mpitangina gnan'io, sady gny nohon'ny johary iaby, gny afaky voho andevo , gny tsy manan-danja voho gny mahery." ¹⁹ Nahajery gny bibi-dia voho reo mpanjakan'ny tany niaraky tamin'ny tafikin-drozy aho. Nivory rozy mba hialy amin'ny raiky zay nitaingina gny soavaly voho amin'ny tafiny. ²⁰ Voasambotsy gny bibi-dia sady niaraky taminy gny mpaminany sandoky zay nanao reo famantara teo agnatrehany. Tamin'ireo famantara reo ro namitahany reo zay nandramby gny mariky gny bibi-dia voho reo zay nanompo gny sariny. Rozy roe la natsipy velo tao agnaty farim-bolo mirehitsy solifara . ²¹ Gny ambin-drozy la nivonoa tamin'ny sabatsy zay niboaky gny vavan'ny raiky zay nitaingina gny soavaly. Gny voro iaby nihina gny nofo mangatsiakin-drozy.