¹ Nahare feo mare niakiky bakao an-tempoly aho ka niresaky tamin'ireo anjely fito hoe:" mandehana ka araraho amin'ny tany reo finga fito feno gny hatezeran-Dranagnahary." ² Lasa gny anjely voalohany ka nandraraky gny tao amin'ny fingany tamin'ny tany; ratsa raty voho maharary ro avy tamin'ny olo zay nana gny mariky gny bibi-dia , reo zay nankalaza gny sariny. ³ Gny anjely faharoe nandraraky gny tao amin'ny fingany tamin'ny ranomasina. Lasa ra io, manahaky gny lion'olo maty, ka maty gny raha-managn'ay iaby tao an-dranomasina. ⁴ Gny anjely fahatelo nandraraky gny tao amin'ny fingany tamin'ireo ony voho loharano, ka lasa ra reo. ⁵ Reko gny anjelin'ny rano manao hoe:" Marina Iha_ gny henanio voho taloha, gny raiky Masina fotony fa nitsara reo raha reo Iha. ( Fanamarihana: Gny antontan-taratasy sasany taloha la mamaky hoe:" marina Iha Tompo_Gny henanio voho taloha voho ho avy, fotony fa nitsara reo raha reo Iha.") ⁶ Fotony gny lion'ireo mpino voho mpaminany ro nalatsan-drozy, la nameanao ra hinomy rozy; io ro mendriky gnan-drozy." ⁷ Reko gny alitara namaly hoe:' Eny, tompo Ndranagnahary bevata, reo fitsaranao la marina voho mahity." ⁸ Gny anjely faha efatsy nandraraky gny tao amin'ny fingany tamin'ny masoandro, ka nahazo alala hagnoro gny olo amin'ny bolo io. ⁹ Main'ny gny hafana be rozy, sady niresaky raty gny agnaran-Dranagnahary , zay mana gny fahefa amin'iregny loza regny. Tsy nibebaky rozy na nagnome voninahitsy Gnazy. ¹⁰ bakeo gny anjely fahalimy nandraraky gny tao amin'ny fingany tamin'ny seza fiandrianan'ilay bibi-dia, sady nandrakotsy gny fanjakany gny hiky. Nitsako gny lelany rozy nohon'ny fahoria. ¹¹ Niresaky raty gnan'ny gny Ndranagnaharin'ny lanitsy rozy nohon'ny fahoria voho ratran-drozy, sady mbo nanda gny hibebaky amin'izay vitan-drozy avao rozy. ¹² Gny anjely faha eny nandraraky gny tao amin'ny fingany tamin'ny ony bevata , gny Eofrata. Nority io mba hagnomana gny lala ho gnan'ireo mpanjaka zay ho avy agny antignana. ¹³ Nahita fagnahy maloto telo aho zay niendriky sahona miboaky bakagny an-tsihovin'ny dragona , bakagny an-tsihovin'ny bibi-dia, sady bakaminny tsihovin'ny mpaminany sandoky. ¹⁴ Fa fagnahin'ny demonia manao famantara mahagaga rozy. nagnagny amin'ireo mpanjakan'izao tontolo zao rozy mba hamory gnan-drozy miaraky ho gnan'ny alin'ny andro bevatan-Dranagnahary Agnabo mare. ( " Ingo! Avy manahaky gny mpangalatsy Aho! Sambatsy zay miamby, miaro reo fisikinany mba tsy hiboaky tsy misy ie sady hitan-drozy gny fahamegnarany.:) ¹⁶ Nandesin-drozy niaraky tagny amin'ny toera zay atao hoe Hara-madegoda amin'ny Hebreo rozy. ¹⁷ Bakeo gny anjely fahafito nandraraky gny tao amin'ny fingany tamin'ny tsioky. Ka nisy feo niboaky bakao an-tempoly voho avy tamin'ny seza fiandriana, manao hoe:" Vita io!" ¹⁸ Nisy helatsy , hotroky, hotro-baratsy, voho horohoron-tany mare_ horohoron-tany bevata noho zay fa nitranga hatramin'izay nisian'olo teto an-tany , ka la mare io horohoron-tany io. ¹⁹ Vaky ho fizara telo gny tana bevata , sady rava gny tanan'ireo firenena. Bakeo Ndranagnahary nikaiky mba hahatiaro gnan'i Babylona bevata , ka nameany gnan'io tana io gny kapoaky feno divay bakamin'ny firehetan'ny fahatezerany. ²⁰ Nanjavo gny nosy iaby, ka tsy hita sasy reo tendrombohitsy. ²¹ Nisy havandra bevata, milanja reo amin'ny talenta raiky eo , nizotso bakagny an-danitsa ho amin'ny olo. Nagnozo gnan-Dranagnahary rozy nohon'ny loza bakamin'ny havandra fotony tena mafy loatsy io loza io.