¹ Nijery aho ka nahita gny Anak'aondry nitsanga teo amin'ny tendrombohitsy Ziona. Niaraky taminy reo 144.000 zay nana gny agnarany voho gny agnaran'ny Rainy voasoratsy eo amin'ny handrin-drozy. ² Nahare feo bakagny an-dagnitsy manahaky gny firohondron'ny rano maro voho hotroky mare aho. Gny feo reko koa la manahaky gny mpitendry lokanga avao koa la manahaky mpitendry lokanga gny lokangany. ³ Nihira hira vaovao teo agnatrehan'ny seza fiandriana voho teo agnatrehan'ireo zava-manan'aina efatsy voho reo loholona rozy. Tsy nisy na ia ia afaky nianatsy gny hira afa-tsy reo 144.000 zay nivily bakaeto an-tany avao. ⁴ Reo la olo zay tsy nandoto gny vatan-drozy tamin'ny ampela, fa nitanjaky gny vatany malio ara-nofo rozy. Io la zay magnaraky gny Anak'aondry na aia aia andehanany. Rozy regny la nivily bakamin'ny olombelo manahaky gny voaloham-bokatsy ho gnan-Dranagnahary voho ho gnan'ny Anak'aondry. ⁵ tsy nisy vandy hita teo amin'ny signin-drozy , tsy manan-tsiny rozy.[ Fanamarihana: Gny dikan-teny sasany magnampy hoe:" Teo agnatrehan'ny seza fiandrianan-Dranagnahary"] ⁶ Nahita anjely hafa nitily agnabo aho, zay nana gny hafatsy mandrakizain'ny vaovao mahafaly hambara amin'ireo zay miaina ambonin'ny tany_ amin'ny firenena , foko, firesaky , voho gny olo manontolo. ⁷ Niakiky tamin'ny feo mare ie hoe:" Matahora gnan-Dranagnahary voho magnomeza voninahitsy Gnazy. Fa avy gny fotoan'ny fitsarany. Mivavaha Aminy, gny raiky zay nanao gny lanitsy, gny tany, gny ranomasina voho gny loharano." ⁸ Nisy anjely hafa-gny anjely faharoe nagnaraky niresaky hoe:" Nianjera, nianjera Babylona bevata, zay nandresy lahatsy reo firenena manontolo mba hino gny divain'ny fitondran-tena malotony." ⁹ Nisy anjely hafa-anjely fahatelo nagnaraky gnan-drozy, niresaky tamin'ny feo mare hoe:" Laha misy mivavaky amin'ny gny bibidia voho gny sariny, voho mandramby gny mariky eo amin'ny handriny na eo amin'ny tagnany, ¹⁰ la hino gny sasany amin'ny divain'ny fahatezeran-Dranagnahary avao koa ie, divay tsy niharo zay narotsaky tao agnatin'ny kapoaky gny hatezerany. Gny olo zay mino gnan'io la ho ampijaly amin'ny bolo voho solifara eo agnatrehan'ireo anjely masin-Dranagnahary voho eo agnatrehan'ny Anak'aondry. ¹¹ Gny setroky bakamin'ny fijalian-drozy la miakatsy mandrakizay doria, sady tsy manam-pitsaran'andro voho haly rozy- reo mpanompon'ny bibidia voho gny sariny reo, sady gny olo iaby zay mandramby gny mariky gny agnarany. ¹² Toy la kaiky ho gnan'ny fahareta maharitsin-drozy zay masina, reo zay mankato reo lilin-Dranagnahary voho mino gnan'i Jesosy." ¹³ Nahare feo bakagny an-danitsy aho niresaky hoe:" Sorato zao:" Sambatsy gny maty zay maty ao amin'ny Tompo." " Eka" hoy gny Fagnahy , " mba ahafahan-drozy miala sasatsy amin'ny asan-drozy fa gny vitan-drozy la hagnaraky gnan-drozy." ¹⁴ Nijery aho, ka nisy rahona foty. Nipetrakt teo amin'ny rahona gny raiky manahaky gny anak'olo. nana satro-boninahitsy volamena teo amin'ny lohany voho fijinja maragnitsy egny an-tagnany ie. ¹⁵ la nisy anjely hafa niboaky gny tempoly sady niakiky tamin'ny feo mare gnan'ny gny mipetraky eo amin'ny rahona nanao hoe:" Rambeso gny fijinjanao ka manomboa mijinja. Fa avy gny fotoa hijinja , fotony masaky gny vokatsy gny tany." ¹⁶ sady gny raiky zay nipetraky teo amin'ny rahona nampandroso gny fijinjany teto an-tany , ka nijinja gny tany. ¹⁷ Nisy anjely hafa niboaky bakao an-tempoly tagny an-dagnitsy; nana fijinja maragnitsy avao koa ie. ¹⁸ Mbo nisy anjely hafa koa niboaky gny alitara fagnoroa ditin-kazo magnitsy, zay nana fahefa amin'ny bolo. Nikaiky tamin'ny feo mahery gnan'ilay reo zay nana fijinja maragnitsy ie hoe:" Rambeso gny fijinja maragnitsy ka avorio reosampam-boaloboky bakamin'ny voaloboky gny tany, fa reo voaloboky la fa masakt zao." ¹⁹ Nampandroso gny fijinja tamin'ny tany gny anjely sady namory gny vokatsy gny voaloboky gny tany. Natorany tao agnaty famiazam-boaloboky bevatan'ny fahatezeran-Dranagnahary io. ²⁰ Gny famaizam-boaloboky la nitsahy tagny ivelan'ny tana, sady gny ra la niraraky bakao amin'io ka avy hatregny amin'ny ahabon'ny lamboridin-tsoavaly, zay 1.600 stadio.