¹ Bavata Yaveh ndraiky tokony horengea mare, an-tanan-Dranagnaharintsika ambony vohitsiny masy. ² Agnabo soasoa, gny hafaleany gny tany iaby, la gny ambony vohitsy Ziona, eo amin-gny ilany avaratsy, gny tanany gny mpanjaka bevata. ³ Ndranagnahary lafa nagnambara gny fa gnaminy gny reo lapany ho fialofa. ⁵ Nahajery gnany zay rozy, ka la mitseriky; naqvaka nilay malaky. ⁶ Nitanjaky gnan-drozy, mare tagny gny fangitikitiha, voho gny fangirifiria manahaky gn'ampela am-piteraha. ⁷ Amin-gny alohany gny tsioky tantignana ro hamakianao gnany reo sambon'i Tarsisy. ⁸ Araky gny zay fa kasanay, ro hitanay tan-tagnan'i Yaveh tompony gny maro tao, tan-tagnan-Dranagnaharinay hametraky gnany zay zisiky amparany an-Dranagnahary. Sela ⁹ Fa nametsivetsy gny mikasiky gny fagnenkeanao matoky rahay, an-Dranagnahary o, tangnivony te4mpolinao. ¹⁰ Araky gnagnaranao, Dranagnahary o, la zay koa ro fandrengea Gnanao zisiky amin-gny reo vazan-tany, feno hato gny tagnanao ankavagna. ¹¹ Ao ho falifaly gny vohitsin'i Ziona, ao hifaly reo gnanaky ampelan'i Joda noho gny lilinao to. ¹² Mandehana magnarihary gny vohitsy Ziona, mihodikodiha agnaminy , isaho gny tilikambo. ¹³ hamarino soa gny mandany, ndraiky jereo reo lapany mba ahafaky gnanao hitantara gnany zay amin-gny taranakao ho avy. ¹⁴ Fa Ndranagnahary io ro Ndranagnaharintsika zisiky amparany; Ie ro tari-dala ho antsika amin-gny fahafatesa.