¹ Ho an'ny mpapaiky hira. Salamo nataon'i Davida. Sambatsy zay mahatiaro gny osa; amin'ny androm-pahoria, ro hagnavotan'i Yaveh gnazy. ² Hiaro vo hitandrina gnazy tsy ho maty Yaveh, sady la ho sambatsy eto an-tany ie; tsy hamadiky gnazy amin'ny sitrapon'ireo fahavalony Yaveh. ³ Hanoha gnazy eo amin'ny fandrian'ny fijalia Yaveh; hanao gny faroroany arety ho firoroan'ny fagnasitraha Iha. ⁴ Hoy zaho hoe: " Yaveh o, mamindra fo agnamiko! Sitrako zaho, fa nanota tagnaminao zaho." ⁵ Misafa raty gnahy reo fahavaloko, manao hoe: ' Mbia ie ro ho faty sady gny agnarany ho rava?' ⁶ Laha avy mba hijery gnahy gny fahavaloko, la misafa raha tsisy dikany ie; manangona reo lozako ho an'izay avao gny fony; lafa miala gnahy ie, la mivola gny momban'izay amin'ny hafa. ⁷ Reo iaby malay gnahy mira-mitakoritsiky mamango gnahy; magnantena gny handratsy gnahy rozy. ⁸ Hoy rozy hoe: " Misy arety mafy mifikitsy agnaminy; zao ie matory, ka tsy hitsanga sasy." ⁹ Eka fa na la gny namako marikitry aza, izay natokisako, izay nihina gny mofoko, la fa nananga gny ombalahin-tomboky hanohitsy gnahy. ¹⁰ Fa iha, ry Yaveh, mana famindram-po sady atsangano zaho hahafahako mamaly gnazy reo. ¹¹ Amin'izay ro hahalalako fa faly agnamiko iha, fotony tsy maharesy gnahy gny fahavaloko. ¹² Laha gny agnamiko, la manoha gnahy amin'ny tsy fivalihanao Iha sady hitanjaky gnahy eo agnatrehan'ny vatanao traky farany. ¹³ Ho rengea zisiky farany ka ho traky farany anie Yaveh, Ndranagnaharin'Israely. Amen la Amen. Boky faharoa