¹ Nandigny tamim-pahareta gnan'i Yaveh zaho; nijanjy gnahy Ie sady nahare gny taraignako. ² Nanday gnahy hiakatsy bakao an-davaky mahatsiravina Ie, avy tao amin'ny fotaky mandrevo, ka nampijiro gny tomboko teo agnabo vatolampy Ie sady niaro gny liako. ³ Nasiany hira vaovao teo imolotro, fandrengea ho an-Dranagnaharintsika. Maro ro hahajery zay ka hagnome voninahitsy Gnazy vo hitoky amin'i Yaveh. ⁴ Sambatsy gny olo zay manao gnan'i Yaveh ho tokiny vo tsy magnome voninahitsy gny mpirehareha na reo zay mpivaliky aminy ho amin'ny vandy. ⁵ Maro, ry Yaveh Ndranagnahariko, reo asa mahagaga zay fa vitanao, sady tsy hay isa gny hevitrao momba gnanay; laha magnambara vo misafa regny zaho, la ho mihoatran'izay azo isa regny. ⁶ Tsy mankasitraky gny sofiko na fagnatitsy Iha, fa nanokatsy gny sofiko; tsy mba nangataky fagnatitsy oroa na fagnatitsy noho gny ota Iha. ⁷ La hoy zaho hoe: " Ingo, avy zaho; voasoratsy ao amin'ny horonam-boky gny momba gnahy. ⁸ Sitrako gny hanao gny sitra-ponao, Ndranagnahariko o; ato am-poko gny lalagnao". ⁹ Fa nagnambara vaovao mahafalin'ny fahamarignanao tamin'ny fiangonan-dehibe zaho; Yaveh o, haiko fa tsy nangina tamin'ny fanaova zay gny molotro. ¹⁰ Tsy nokoboniko tao am-poko gny fahamarignanao; fa namabarako gny fahatokianao vo gny famonjenao; tsy nokoboniko tamin'ny fiangonan-dehibe gny fagnekem-pahatokianao vo gny fahamendreham-pitokianao. ¹¹ Ka manaka gny asam-pamindram-ponao tsy ho agnamiko, ry Yaveh; ao gny fagnekenao mahatiky no gny fahamendreham-pitokia hiaro gnahy traky farany. ¹² Magnodidy gnahy gny koronta zay tsy hay isahy; nahatratsy gnahy reo heloko ka tsy afaky mahita na ino na ino sasy zaho; maro noho reo volo eo an-dohako reo, sady reraky fanavota. ¹³ Misinisinia, ry Yaveh, amin'ny fagnavota gnahy; fainga hagnampy gnahy, ry Yaveh. ¹⁴ Ao ho megnatsy vo ho diso fagnantena tanteraky rozy zay mikendry gny aiko mba hangalaky izay. ¹⁵ Ao ho meloky noho gny fahafaham-baraka, reo manao agnamiko hoe: " Ahah, ahah!" ¹⁶ Fa ao hisinisiny vo hifaly agnaminao reo iaby mila Gnanao; ao gny iaby tea gny famonjenao hisafa traky farany hoe: " Horengea anie Yaveh". ¹⁷ Mahantra vo ory zaho; nefa mihevitsy gny momba gnahy gny Tompo. Iha ro famonjena gnahy sady avy amin'ny fagnavota gnahy Iha; aza mitarendretra, Ndranagnahariko o.