¹ Manahaky gny fandrengea magniry rano mikoria mare, ro hetahetako ho Gnanao, ry Ndranagnahary. ² Mangetaheta an-Dranagnahary zaho, ho an'ilay Ndranagnahary velo . Mbia zaho ro ho avy vo hiseho eo agnatrehan-Dranagnahary? ³ Gny ranomasoko ro lasa sakafoko andro amagn'aly, laha misafa agnamiko zisiky farany reo fahavaloko hoe: " Aia gny Ndranagnaharinao? ⁴ Reto raha reto ro avy ao An-tsaiko laha mandraraky gny fagnahiko zaho: endrey gny nandehanako nisondry tamin'ny vahoaky o nitarihako gnazy reo tao an-tragnon-Dranagnahary tamin'ny koraky mpisinisinia vo fendrengea, fankalaza maro be gny fisinisinia. ⁵ Nagnino ro mitagnondriky iha, ry fagnahiko? Nagnino iha ro meloky ao agnatiko? Manantena an-Dranagnahary, fa handrengeako Gnazy zay famonjeko ndraiky zaho. ⁶ Ry Ndranagnahariko, gny fagnahiko la mitagnondriky Gnanao zaho avy amin'ny tanin'ny Jordana, amin'ny tendro telon'ny Tendrombohitr'i Hermona, sady avy amin'ny havoan'i Mizara. ⁷ Gny laliky mikaiky gny laliky ao amin'ny tabataban'ireo riandranonao; reo onjanao vo reo alon-dranonao iaby la fa nagnafotsy gnahy. ⁸ Nefa Yaveh handidy gny fagnekeny mahatoky amin'ny atoandro; gny amin'ny haliky la hisondry agnamiko gny hirany vavaky raiky ho an-Ndranagnahary gny aiko. ⁹ Zaho hisafa amin-Dranagnahary, vatolampiko hoe: " Nagnino ro la nagnaligno gnahy Iha? Nagnino ro la mandeha miojy noho gny fampahoarian'ny fahavalo zaho?" ¹⁰ Manahaky gny fisian'ny sabatsy eo amin'ny taolako, ro itenenan'ireo mpialy agnamiko gnahy mare, laha mivola agnamiko zisiky farany rozy hoe: " Aia gny Ndranagnaharinareo?" ¹¹ Nagnino ro mitagnondriky iha, ry fagnahiko? Nagnino ro meloky ato agnatiko iha? Manantena an-Ndranagnahary, fa mbo handrengy Gnazy zay famonjea ho gnahy vo Ndranagnahariko ndraiky zaho.