¹ Salamo nataon'i Davida, mba hinday fahatiarova. Ry Yaveh, ka misafa mare gnahy amin'ny hatezeranao ; ka magnazatsy gnahy amin'ny fahatezeranao. ² Fa mandefona gnahy gny tsipikinao, sady manindry gnahy gny tagnanao. ³ Marary nohon'ny hatezeranao iaby gny vatako manotonto; tsy misy fahasalama ao amin'ny. ⁴ Fa maneniky gnahy gny heloky; enta-mavesatsy ho gnahy reo. ⁵ Maharariry reo bako sady mamofo noho reo adalako. ⁶ Mitagnodriky zaho sady afa-baraky isan'andro; miojy andro lava zaho. ⁷ Fa ao agnatiko, la feno fireheta, tsy misy fahasalama ao amin'ny nofoko. ⁸ Torovana zaho sady torotoro tokoa; misento nohon'ny fangirifirian'ny foko zaho. ⁹ Tompo o, hainao gny faniriany laliky indrindra ao am-poko, sady tsy mietako aminaony sentoko. ¹⁰ Midobodoka gny foko, miha-malazo gny heriko, mibaha gny fahitan'ny masoko. ¹¹ Reo namako vo reo mpiara-mitory agnamiko la magnalavitsy gnahy noho gny toe-javatsy misy agnamiko; mijoro mihataky gnahy reo namako. ¹² Mamelatsy fandriky ho gnahy reo zay mikedry gny handratsy gny aiko. Reo zay mikendry fahapoteha ka misafa teny fitaky gny tontolon'ny androny. ¹³ Fa zaho, manahaky gny olo manegny zaho sady tsy mahajanjy na ino na ino manahaky gny olo moa tsy misafa na ino na ino. ¹⁴ Manahaky gny johary Zay tsy mahare vo tsy mana valin-teny zaho. ¹⁵ Mandigny Gnanao tokoa zaho, ry Yaveh; hamaly Iha, ry Tompo Ndranagnahariko. ¹⁶ Misafa zay zaho mba tsy ho misinisiny agnamiko reo fahavaloko. Laha solafaky gny tomboky, la hanao raha-loza agnamiko rozy. ¹⁷ Fa marikitsy tafitohy zaho, sady magnehetsy avao. ¹⁸ Manaiky gny heloko zaho; matahotsy gny amin'ny fahotako zaho. ¹⁹ Nefa maro be reo fahavaloko; maro reo zay malay gnahy tsy ankoatsy ahoana. ²⁰ Mamaly raty gnahy rozy noho gny soa; mitoraky fiampanga gnahy rozy na la nagnaraky zay soa aza zaho. ²¹ Ka magnenga gnahy, ry Yaveh; Ndranagnahariko, ka magnalavitsy gnahy. ²² Miavia malaky hamonjy gnahy, ry Tompo, mpamonjiko.