¹ Salamo nataon'i Davida.Ka meloky noho reo mpagnano raty;ka magniry reo ze magnano gny tsy to. ² Fa ho maiky tsela avao manahaky gny kifoka rozy ka halazo manahaky gny raha tomiry. ³ Motika gnan'i Yaveh ka magnanova gny soa;mifitara ami-gny tany ka ampitombo gny fahatokianao. ⁴ Bakao mankasitraha gnan'i Yaveh,la hameany gnanao ze raha ilanao. ⁵ Atoloro gnan'i Yaveh gny lalanao;matokia Gnazy,la hiasa ho gnanao Ie. ⁶ Hagnatoro gny fahamarinanao manahaky gny mazava Ie sady gny tsy fahadisoanao manahaky gnandro ami-gny midy mena. ⁷ Mahereza magnatriky gnan'i Yaveh sady mahalignisa mandigny Gnazy.Ka meliky laha misy olo mety gny raha ataony,na lafa manao hevitsy raty ie. ⁸ Ka meloky na kamo.Ka mavaka.Mahavy korontaky avao zay. ⁹ Ho lany gny mpanao raty,fa ze miamby gnan'i Yaveh avao koa la handova gny tany . ¹⁰ Afaky kelikely la tsy ho hita gny gnolo raty;hagnenty gny petrany iha,fa ie koa la ho lasa. ¹¹ Fa gny soa fagnahy la handova gny tany ndraiky ho entsaky gny fitahia bevata. ¹² Gny lelahy raty fagnahy la manao tetiky raty manohitsy gny to sady mivola agnaminy. ¹³ Mihehy gnazy gny Tompo,fotony jeriny fa avy gnandrozy. ¹⁴ Nampimboaky gny mesony gny raty fagnahy sady nagnenja gny kititsin-drozy mba handavo gny mahantra voho gny mijaly,mba hamono reo ze mahity. ¹⁵ Hitomboky gny fon-drozy manoka gny meson-drozy,sady ho simba gny kititsin-drozy. ¹⁶ Soa mare gny tsy ampy anagnan'ny to nohon'ny gny halakonin'ny gnan'olo raty. ¹⁷ Fa ho tampahy gny tagnan'olo raty fagnahy,fotony Yaveh manoha gnolo-to. ¹⁸ Yaveh la magnety isa-maray isa-maray gnan'ireo tsy manan-tsiny,sady gny lovan-drozy la ho zisiky farany. ¹⁹ Tsy ho megnatsy rozy lafa gnandro.Lafa avy gny mosary,la hana gny ampy ho haniny rozy. ²⁰ Tsy ho maty gnolo raty fagnahy.Hanahaky gny vininahitsy gny baiboreo rafin'i Yaveh;ho rava rozy ka ho lasa setroky. ²¹ Gnolo raty fagnahy la mindra fe tsy magnampoly,fa gnolo to koa la matariky voho magnome. Reo ze nitahin-Ndragnahary la handova gny tany;reo ze voahozony la ho lany. ²³ Ami-gny alalan'i Yaveh ro hametraha gny lian'ny gnolo,gnolo ze azo ina reo agnatrehan-Ndragnahary gny lalany. ²⁴ Ndra la totohatsy aza ie,la tsy mba ho lavo,fotony mitanjaky agnazy an-tagna Yaveh. ²⁵ Fa mpitovo zaho fa antitsy koa henanizao;tsy mbo nahita olo-to nimatin'ny gny lefo zaho ndra nangataky mofo gnanany. ²⁶ Mandefitsy voho mampindra zisiky farany ie,ka ka manjary fitahia gnan'ny gnanany. ²⁷ Misitaha ami-gny mpagnano raty ka magnanova gny to;la hilamy zisiky farany iha. ²⁸ Fa tea fitsara Yaveh sady tsy magnenga reo mpagnaraky gny liany.Voatahy zisiky farany rozy,fa ze tariky gny raty fagnahy koa la ho lany. ²⁹ Handova gny tany gny to sady hifitaky ao zisiky farany. ³⁰ Gny tsihovin'ny gnolo to la mivola fahendrea sady mampitombo gny mety. ³¹ Gny lilin-Dranagnahary la ao am-pony;tsy hosolifatsy gny tombony. ³² Mgnenty gnolo soa gnolo raty fagnahy ka mila magnaly hamono gnazy. ³³ Tsy hagnenga gnazy antagnan'ny gnolo raty Yaveh na hagnameloky gnazy lafa tsara ie. ³⁴ Mandignisa gnan'i Yaveh sady hitio gny lalanao,la hanao gnanao agnabo Ie mba hanagnanao gny tany.La ho jerinao lafa lany gny raty fagnahy. ³⁵ Sady fa nahajery gny raty fagnahy voho gnolo mampavaka niparitaky manahaky gny hazo maitso ami-gny taniny zaho. ³⁶ Fa lafa nandalo teo ndraiky zaho,la tsy teo ie.nila gnazy zaho,fa tsy hita ie. ³⁷ Araho maso gnolo tsy mivaliky, ka faroti gnolo to;hisy ho avy soa gnan'olon'ny gny hasoava. ³⁸ Ho rava tsy hisy reo mpanota;lany gny hoavin'ny gnolo raty fagnahy. ³⁹ Gny famonjea gny to la bakamin'i Yaveh,miaro gnandrozy Ie ami-gnandro saritsy. ⁴⁰ Magnampy gnandrozy Yaveh ka magnavotsy gnandrozy.Magnavotsy gnandrozy ami-gnolo raty Ie sady mamonjy androzy fotony fa nialoky tao Agnaminy rozy.