¹ Handrengy an'i Yaveh ami-gny fotoa iaby zaho, ho am-bavaka mandrakizay gny fandrengea Azy. ² Handrengy an' i Yaveh zaho! Ao gny malahelo hahaja ka ho faly. ³ mandrengea an' i Yaveh tsika. ⁴ Nila gnan' i Yaveh zaho ka la namaly ahy Ie, ka la nagnome ahy fandresea tami-gny havakako iaby. ⁵ ze magnenty Azy la mamirapiratsy, nrdaiky tsy ho megnatsy gny tarehindrozy. ⁶ Nitagny toy johary malahelo toy ka la nahaja gn'azy Yaveh ndraiky nagnavotsy gn'azy taminy gny alahelony iaby. ⁷ Mivory ami-gny ze mavaka Azy gn' anjelin' i Yaveh ka mandomba androzy. ⁸ Andramano ka henteo fa soa Yaveh. Sambatsy gn' olo ze mialoky Aminy . ⁹ Mavaka an' i Yaveh, anareo ry olony masy. Tsy hisy raha hampalahelo ze matahotry azy. ¹⁰ kindraindray la tsy ampy sakafo gny liona tanora ka maty mosary ,fa ze mila an' Yaveh koa tsy halahelo raha soa. ¹¹ Avia gnanaky, minjanjigna ahy. hampianatsy antsika gny fahavakana an' Yaveh zaho. ¹² Olo ia ro magniry fiaignaka tea anrdo maro ,mba hahajery gny soa? ¹³ Ka embeno ami-gny raty gny lelanao ndraiky embeno ami-gny fivolagna vandy gny sainao. ¹⁴ Ialao gny raty ndraiky manaova gny soa .Mila filongoa ka araho zay. ¹⁵ Gny fijery Yaveh la mandeha ami- gny to sy sofiny minja gny tagnin- drozy. ¹⁶ Gny tarehin' i Yaveh la manohitsy ze manao raty ,mba hangalana gny fahatiarovana an- drozy an- tany etoy. ¹⁷ Mitaray gny to sy minja i Yaveh ka mamonjy an drozy ami- gny alahelo ny iaby.` ¹⁸ Agnilany gny fo torotoro i Yaveh ,sy mandomba ze torotoro fagnahy. ¹⁹ Maro gny olany to ,sady magnafaky an- drozy ami- gny raha iaby zay Yaveh. ²⁰ Mitanjaky gny taolany iaby ie, tsy hisy tapaky zay ndrata raiky aza. ²¹ Hamono gny raty fagnahy gny loza.ho voasiaky ze malay gny to. ²² Mandomba any gny mpanompony Yaveh. ka tsy hisy, ho voasiaky gny mialoky aminy.