¹ Sambatsy gny olo zay voaafaky gny helokiny, voho reo ze voasaro gny fahotany. ² Sambatsy gn'olo ze tsy isahan'i Yaveh heloky voho ze tsy misy fitaky gny fagnahiny . ³ Lafa tsy nivola zaha,la nihaosa gny taolako, laha nitaray nandritra gny andro zaho. ⁴ fa navesatsy tamiko antoandro ndraiky haliky gny tagnanao.Nalazo manahaky gny ami-gny lohan-tao maiky gny heriko. Sela ⁵ La nieky gny fahotako taminao zaho,voho tsy aetako sasy gny heloko.Hoy zaho hoe:"Hagnambara gny hadisoako amin'i Yaveh zaho,"la nafahinao gny helokiny gny fahotako.Sela. ⁶ Ka noho zay ,ze iaby masy la tokony hivavaky Aminao ami-gny fotoany gny alahelom-be .ka lafa magnonja mare gny rano, la tsy ahazo gn'olo reo zay. ⁷ Iha ro toera fiereko;hiamby gnahy ami-gny fahoria Iha. Hodidigninao ami-gny hiram-pandresena zaho. sela. ⁸ hagnatoro lala gnanao zaho ka hampianatsy anao amy ze lala tokony handehananao. Hagnatoro lala gnanao zaho ndraiky hitsinjo gnanao gny masoko. ⁹ Ka manahaky gny sovaly na gny ampondra, tsy mana fahihira; fa ami-gny lamboridy ndraiky vangoa avao ro hifehea gn' azy handeha agny ami-ze tianao hagnandesa azy. ¹⁰ Mana gn'alahelo maro gny raty fagnahy, fa gny famindrapon'i Yaveh koa ro hagnodidy ze olo matoky Azy. ¹¹ Mifalia amin' i Yaveh, ndraiky mifetea, ho gnanareo manao gny marina manaova hiakam-pifalia, nareo iaby ze mahity am-po