¹ Ho gnan' ny mpihira. Salamo nataon'i davida.Aminao, Yaveh,ro hialofako, ka enga ho megnatsy aho. Lombao ami-gny hatonao aho! ² Minjanjingna ahy,malaky hagnavotsy ahy; meteza ho vatolampy fialofako,fiaro matanjaky handomba ahy. ³ Fa vatolampiko ndraiky fiaro matanjaky gn'ahy iha ka aminy gnagnaranao, la tariho voho tanjano aho. ⁴ Omboto hiala ami-gny harato ze naetakin-drozy gn'ahy aho, fa iha ro fialofako. ⁵ An-tagnanao ro agnankinako gny fagnahiko; hagnavotsy ahy iha,Yaveh, An-dranagnaharin' ny Fagnevam-patokisa. ⁶ Halako ze manompo sampy fa tsy misy dikany,fa zaho hatoky gnan' i Yaveh. ⁷ Hifaly ndraiky hiravoravo ami-gny famindram-po nao zaho, fa iha nahita gny pampijalia gn' ahy, hainao gny fijaleany gny fagnahiko. ⁸ Tsy nenganao ho an-tagnany gny fahavaloko zaho. Iha ro nametsaky gny tomboko ho ami-gny tany malalaky . ⁹ Mamindra fo amiko, Yaveh o, fa agnatiny gny fijalea zaho. Miha-vozaky gny alahelo gny fijeriko draiky gny fagnahiko miaraky ami-gny nofotsiko. ¹⁰ Fa vozaky ami-gny alahelo gn' aiko voho mbaminy gny voho gny taoko ami-gny fisentoa.Tsisy gny heriko noho ami-gny fahotako, voho mihalany gny taolako. ¹¹ Noho gny fahavaloko iaby, la tsy asiagn' olo dikany gny momba ahy ; gny tana raiky amiko hagnaboka amigny ze mahazo ahy, voho mikoronta ze mahay ahy, Ze majajery ahy an-dalam- begny milomay ahy. ¹² Haligno manahaky gn'olo maty tsy misy mpandiniky zaho. ¹³ fa jako gny bisibisiky gny maro, gny vaovao mampavaka iaby mbami-gny manodidim-begny fa mitambatsy tetiky hanohitsy ahy rozy.Mikasa hangalaky gn'aiko rozy. ¹⁴ Fa matoky anao zaho, Yaveh hoy zaho hoe:"Ndranagnahariko iha." ¹⁵ Antagnanao gny anjarako. Avoto antagnan' ny fahavaloko ndraiky ami-gny ze manendriky ahy zaho. ¹⁶ Ampamirapirato ami-gny manomponao gny tarehinao;avoto ami-gny famindramponao zaho. ¹⁷ Ka enga homengnatsy zaho, Yaveh o , fa zaho mikaiky anao! ho megnatsy gny raty fagnahy! Hangiky agny ami-gny fiaigna -tsy hita rozy. ¹⁸ Aoka gny sogny mavandy tsy hivola izay mivola hagnohitsy gny fahamarigna an- kahitia miaraky ami-gny fiavognavogna ndraiky fahamavoa tsy ho re. ¹⁹ Ho! gny hasoanao nihajarinao ho agny ze nagnaja anao, ze tanterahinao ami-gny ze mialoky aminao magnatsiky gnanak'olombelo iaby! ²⁰ Ao am-gny fialofany gny fagnatrehana, ro hagnetahanao azy ami-gny fikasan-draty gn' olo. Magnetaky an-drozy ami-gny fialofa ami-gny serisery gny lela iha. ²¹ Isaora Yaveh, fa nagnatoro gny famindrampony mahatseriky ie tamy zaho mbo tan- gnatiny tana natao fahirano. ²² Laha nagnambara tami-gny fahatairako aza zaho hoe: " Nala tsy ho eo imasonao zaho," Fe mbo nahaja-gny fitarainako fandomba Iha laha nikaiky anao zaho. ²³ Tiava an'i Yaveh, nareo mpanaradia mahatoky . Yaveh miarogn'olo mahatoky, fa mamaly koa gny mpiavognavo. ²⁴ Mahereza ndraiky mantanjaha, nareo iaby ze matoky an'i Yaveh ami-gny fandomba.